Словенечкиот голман Јан Облак стана најдобар голман во шпанската Ла Лига по рекорден шести пат. Голманот на Атлетико Мадрид повторно го крена трофејот Замора, именуван по поранешниот легендарен голман Рикардо Замора.

Облак беше голманот со најмал процент на примени голови во сезоната. Условот е секој голман да има најмалку 28 настапи во текот на сезоната во Ла Лига со 60 или повеќе минути на теренот.

32-годишниот Облак претходно ја доби оваа награда во 2016, 2017, 2018, 2019 и 2021 година, со што ги остави зад себе Виктор Валдес и Антонио Рамалетс, поранешни голмани на Барселона, кои беа најдобри пет пати.

Наградата Замора ја доделува мадридскиот спортски весник „Марка“ од 1958 година.

Атлетико на Облак ја заврши сезоната на третото место, зад шампионот Барселона и вицешампионот Реал Мадрид.

Фудбалерите на Риека ја освоија титулата шампион на Хрватска, откако на домашен терен го совладаа Славен Белупо со 2:0, во последното, 36. коло од хрватската прва лига.

Стрелци за Риека беа Нико Јанковиќ во 12-та минута и Тони Фрук во 50-та минута.

Риека заврши на првото место со 65 бода, колку што освои и Динамо Загреб, но Риека во меѓусебниот скор беше подобра. Во последното коло, Динамо го победи Вараждин со 1:0 на домашен терен, со голот на Петар Сучиќ во 38-та минута.

Хајдук Сплит, кој денес на гостински терен го победи Шибеник со 1:0, заврши на третото место со 63 бода.

Риека ја освои втората шампионска титула во Хрватска во историјата на клубот.

Заврши сезоната во англиската Премиер лига. Од претходно беше познато дека титулата ја освои Ливерпул, дека Арсенал го освои второто место, а главната борба се одвиваше меѓу пет тима за трите места и пласман во Лигата на шампионите.

На крајот место во Лигата на шампионите изборија Манчестер сити, Челзи и Њукасл. Извисија Астон Вила и Нотингем Форест.

Вила доживеа пораз на „Олд Трафорд“ од Манчестер јунајтед (2:0), откако второто полувреме го одира со фудбалер помалку. Голамнот Дибу Мартинез доби црвен картон во својот последен меч во дресот на Астон Вила. Ќе се анализира голот на Морган Роџерс во финишот на мечот при резултат 0:0.

Њукасл неочекувано потклекна пред Евертон на домашен терен, но поради подобрата гол-разлика од Астон Вила го освои петтото место.

Резултати:

Борнмут – Лестер 2:0 (0:0)
(Семенјо 74,88)

Фулам – Манчестер Сити 0:2 (0:1)
(Гиндоган 21, Халанд 72п)

Ипсвич – Вест Хем 1:3 (0:1)
(Бродхед 52 – Вард Проус 43, Бовен 55, Кудус 87)

Ливерпул – Кристал Палас 1:1 (0:1)
(Салах 84 – Сар 9)

Манчестер Јунајтед – Астон Вила 2:0 (0:0)
(Дијало 76, Ериксен 87)

Њукасл – Евертон 0:1 (0:0)
(Алкараз 65)

Нотингем Форест – Челзи 0:1 (0:0)
(Колвил 50)

Саутемптон – Арсенал 1:2 (0:1)
(Стјуарт 56 – Тиерни 43, Одегард 89)

Тотенхем – Брајтон 1:4 (1:0)
(Соланке 17п – Хиншелвуд 51.64, О’Рајли 88п, Гомес 90+3)
Вулверхемптон – Брентфорд 1:1 (0:1)
(Мунечи 75 – Мбеумо 20)