Спорт
Заниоло физички се пресметал со младинците на Рома

Некогаш прогласен за еден од најголемите таленти во италијанскиот фудбал, Николо Заниоло во последните месеци се повеќе се наоѓа во центарот на вниманието поради дисциплински прекршоци, а не поради она што го покажува на теренот. Италијанскиот напаѓач, кој моментално е на позајмица во Фиорентина, повторно беше актер на инцидентна ситуација.
Заниоло присуствуваше на полуфиналето од Примавера лигата (италијанско првенство за играчи до 20 години). Во понеделникот играа Фиорентина и Рома, клубот каде што ја започна својата професионална кариера и ги имаше своите најдобри сезони. Според извештаите на италијанските медиуми, кон крајот на натпреварот, 25-годишникот влегол во вербална расправија со некои од младите играчи на Рома.
Тензиите на теренот траеле неколку минути, а потоа инцидентите продолжиле во соблекувалните. Заниоло влегол во делот од стадионот каде што не смеле да биде, што дополнително ја вжешти ситуацијата. Наводно влегол во соблекувалната на Рома и физички се судрил со најмалку двајца играчи од тимот до 20 години.
Клубот од Рим издаде официјално соопштение на својата веб-страница во кое го потврдува инцидентот и изразува жалење, обвинувајќи го Заниоло за провокативно однесување:
„Според прелиминарните информации, играчот наводно влегол во соблекувалната на тимот по натпреварот и се однесувал провокативно кон некои млади играчи на Рома. За време на пресметката, двајца играчи се здобиле со телесни повреди. Рома остро го осудува секој облик на агресивно однесување што е спротивен на вредностите на спортот.
Се огласи и Заниоло и тој негира дека имало физичка пресметка:
„По натпреварот, отидов во соблекувалната на Фиорентина да им честитам на играчите, а потоа и во соблекувалната на Рома да им го честитам крајот на сезоната. Сепак, во еден момент почнаа да ме навредуваат, па за да избегнам ескалација, решив да си заминам“.
За потсетување, Заниоло во атмосфера на тензии ја напушти Рома во 2023 година и се пресели во Галтасарај. Таму не се снајде па играше на позајмици во Астон Вила, Аталната и Фиорентина.
Секогаш кога во Рим игра против својот поранешен тим, тензиите се високи. Само три недели претходно, по натпреварот во Рим, Заниоло доби црвен картон поради протест по откако судијата означи крај на натпреварот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Интер подготвиле договор за Киву

Кристијан Киву, до крајот на денот треба да потпише договор со Интер, тврдат италијанските медиуми.
Романецот, вчера бил во хотел во центарот на Милано, каде што имал разговор со челниците на Интер и како што стојат работите, состанокот поминал добро.
Киву треба да потпише двегодишен договор овој петок, по што официјално би бил претставен како нов тренер на Интер.
Тој доаѓа на тренерската позиција во клубот на местото Симоне Инзаги, кој гзамина по дебаклот во финалето на Лигата на шампионите и го презеде тимот на Ал Хилал.
Досега, Киву работеше како тренер само во младинските категории на Интер, а оваа сезона го водеше првиот тим на Парма, успеа да избори опстанок во Серија А.
Киву, играч доби „кредит“ беше дел од најславните моменти на клубот. Играше за Интер од 2007 до 2014 година, а во сезоната 2009/10 ја освои тројната круна, што е најдобрата сезона во историјата на клубот.
Спорт
Габриел го продолжи договорот

Дефанзивецот на Арсенал, Габриел, потпиша нов четиригодишен договор со клубот, објави „Скај Спортс“. Претходниот договор на Бразилецот имаше важност до јуни 2027 година.
Габриел (27) му се приклучи на Арсенал од Лил во 2020 година. Тој има 210 настапи во сите натпреварувања, на кои постигнал 20 гола.
„Дојдов како млад играч и по речиси пет години сум среќен што научив многу. Горд сум на себе, ова беше неверојатно патување и среќен сум што го продолжувам. Се надевам дека ќе освојувам трофеи со овој клуб, бидејќи го сакам овој клуб, а и моето семејство го сака“, – изјави Габриел за веб-страницата на клубот.
Бразилецот ги пропушти последните два месеци од сезоната поради операција на тетивата, но се очекува да биде подготвен за почетокот на следната сезона.
„Скај Спортс“ објави дека одборот на клубот бара продолжување на договорите на Вилијам Салиба и Букајо Сака.
Порано оваа недела, Арсенал објави дека Жоржињо и Киран Тиерни ќе го напуштат клубот на крајот од месецот, кога ќе им истечат договорите.
Спорт
Македонија вечерва против Белгија и традицијата
Фото/ ffm.mk
Фудбалската репрезентација на Македонија, вечерва ќе ја пречека Белгија во квалификациите за пласман на Светското првенство, кое за 13 месеци ќе се одржува во САД, Канада и Мексико.
Македонија ќе го одигра третиот натпревар во Ј групата, додека Белгија во Скопје ги отвора квалификациите за пласман на Мундијалот.
Белгија не играше во март, бидејќи имаше обврски во Лигата на нации, а Македонија одигра два натпревари, победи кај Лихтенштајн и одигра нерешено со Велс.
„Мора да сме на својот максимум, па ќе видиме што ќе ни донесе тоа. Овој јунски период години наназад ни е проблематичен. Што се однесува до сегашната ситуација, мора да го смениме тој менталитет индивидуално и како тим. Тоа што го видов изминатите седум дена ми дава за право да бидам оптимист дека овој јуни ќе биде поинаков. Менталитетот на играчите е поинаков отколку досега, атмосферата и енергијата се одлични. Без оглед на повредите, во текот на овие денови имаме дополнителни проблеми. Под знак прашалник се Алими, Димоски и Трапановски, но се надевам дека ќе бидат способни да заиграат. Се надевам дека на физички план ќе бидеме поподготвени од минатото“, рече на прес конференцијата пред натпреварот, селекторот на Македонија Благоја Милевски.
На сите им е јасно дека Белгија е исклучително квалитетен тим, покрај тоа и традицијата не и оди во прилог на Македонија.
Вечерва, Македонија и Блегија ќе го одиграат петтиот меѓусебен дуел. Претходните дуели беа во квалификациите за пласман на Европското првенство во 1996 година и Светското првенство во 2014 година.
Белгија има три победи, еден натпревар завршил нерешено, првиот пред три децении, кога во Брисел Македонија одигра 1:1. Гол разликата е 9:1 во корист на Белгија.
Белгија во Скопје ја интересира само победата и ништо друго. Тоа го потврди селекторот Руди Гарсија, кој е пожали на временските прилики во главниот град на Македонија.
„Дојдовме да победиме. Го анализиравме противникот. Сите се спремни. Не чека тежок дуел,ќе влеземе без потценување. Македонија прави притисок и ги користи грешките на противникот. Македонија веќе има четири бода.За нас е необично што почнуваме од последната позиција на табелата. Македонија е силна, но ние ќе дадеме се од себе да победиме“.
Натпреварот ќе стартува во 20.45 часот, ќе го суди Англичанецот Кавана. По дуелот со Белгија, Македонија патува во Астана, каде на 9.јуни ќе игра против Казахстан.