Спорт
ПСЖ или Интер – Европа вечерва ќе добие нов шампион

Фудбалерите на ПСЖ и Интер ќе го играат финалето на Лигата на шампионите на „Алијанц Арена“ во Минхен од 21:00 часот.
Парижаните ќе се обидат да го освојат првиот трофеј во историјата и да ја комплетираат „тројната круна“, додека тимот од „Џузепе Меаца“ го „лов“ четвртиот трофеј кој ќе значи и спас на сезоната, откако претходно не успеаја во Купот на Италија, а во фото-финишот ја загубија титулата во Серија А од Наполи.
Досега, единственото финале на ПСЖ во Лигата на шампионите беше пред пет години, кога беа поразени од Баерн Минхен (0:1). Интер ја освои последната титула во Лигата на шампионите во 2010 година, а пред две години беа поразени од Манчестер сити во финалето (0:1).
Тренерот на ПСЖ, Луис Енрике, ја освои Лигата на шампионите пред 10 години со Барселона, исто така во Германија, но во Берлин против Јувентус.
Шпанецот на прес-конференцијата изјави дека пишувањето на историјата на клубот е неговата најголема мотивација пред финалето.
„Сакам да испишам историја во Париз. Да донесам радост во земјата, градот, клубот. Да станам првиот тренер што ја освоил ЛШ со ПСЖ е извонредно. Многу сум среќен што можам да уживам во овој натпревар. Ќе дадеме се од себе“, рече Луис Енрике.
Тренерот на Интер, Симоне Инзаги, кој пред две години со Интер го загуби финалето од Манчестер сити во Истанбул, верува дека шансите се 50:50.
„Финалето од пред две години може да ни помогне, пред сè, во нашите подготовки. Пред две години, луѓето прогнозираа дека Манчестер сити ќе нè прегази, но не тоа не се случи, тогш заслуживме да одиме во продолженија“, истакна Инзаги.
Интер го победи Баерн минатиот месец на стадионот каде што се игра финалето.
„Играњето тука и елиминирањето на Баерн ни даде многу сила да влеземе во полуфиналето со Барселона. Игравме и против Арсенал, Манчестер сити, Лајпциг и Баер Леверкузен оваа сезона, па добивме самодоверба во серија тешки натпревари“, заклучи Инзаги.
Усман Дембеле од ПСЖ изјави дека играњето во финалето на Лигата на шампионите е сон од детството и дека се надева дека ќе одигра одличен натпревар против Интер.
„Сонувам да играм вакви натпревари уште од мал. Се подготвувам за финалето мирно, сериозно и концентрирано. Морам да останам фокусиран на играта, на тимот, не само на себе, иако се надевам дека ќе одиграм одличен натпревар“, рече Дембеле на прес-конференцијата.
Дембеле, кој е еден од кандидатите за „Златната топка“ оваа година (33 гола, 13 асистенции), нагласи дека не размислува за тоа признание, кое се доделува на 22 септември.
„Фокусиран сум на тимот. Секако, тоа може да влијае на психата, но јас сум концентриран“, рече поранешниот напаѓач на Барселона.
Дембеле зборуваше и за патот на ПСЖ до финалето на Лигата на шампионите, бидејќи парискиот тим веќе беше блиску до елиминација во лигашката фаза (15-то место).
„Се чувствуваме многу горди што сме во финалето. Работевме многу, почетокот на сезоната не беше лесен. Исклучително е убаво да се биде тука во Минхен во финалето на Лигата на шампионите, бидејќи никогаш не знаете дали ќе го доживеете повторно“, додаде 28-годишниот француски фудбалер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Синер и Алкарас рутински славеа над Ѓоковиќ, односно Фриц

Двајцата најдобри тенисери во светот, Карлос Алкараз и Јаник Синер се пласираа во финалето на турнирот „Шест Кралеви“ во Ријад. Турнирот е егзибиција, не е во калнедарот на АТП, а во полуфиналето Алкараз и Синер беа супериорни против Тејлор Фриц, односно Новак Ѓоковиќ.
Јаник Синер во два сета со 6:4, 6:2 го победи Ѓоковиќ. Најдобриот на сите времиња, Новак Ѓоковиќ нема решение за Синер. Италијанецот ја забележа седмата последовна победа против Ѓоковиќ.
Она што треба да го загрижи Ѓоковиќ што нема никакво решение за играта на Синер. Италијанецот направи брејк во вториот гем, а откако го доби првиот сет, со брејк го отвори вториот, а уште еден брејк направи во петтиот гем, со што птактично и го реши мечот.
Исто како и Синер и Карлос Алкараз славеше со 6:4, 6:2 во дуелот со Тејлор Фриц.
Овој меч имаше речиси ист тек како и дуелот Синер-Ѓоковиќ. Алкараз во првиот сет направи брејк во петтиот гем, во истиот гем му го одзеде сервисот на противникот и во вториот сет, а потоа направи брејк и во седмиот гем.
Спорт
(Видео) Меси може да остане без вилата од 11 милиони евра

Лионел Меси би можел да се соочи со рушење на неговата вила на Ибица вредна 11 милиони евра, поради контроверзиите околу имотот од 16.000 квадратни метри. Имено, вилата е изградена на заштитено земјиште без потребните дозволи.
Меси го купи имотот во 2022 година, но оттогаш се соочи со низа проблеми, вклучувајќи го и вандализмот од страна на климатските активисти минатата година.
Имотот лоциран во Сант Жозеп де Са Талаја на западниот брег на Ибица, Меси го купи од швајцарскиот бизнисмен Филип Амон. Сепак, во текот на изградбата биле прекршени правилата за урбанистичко планирање бидејќи ѕвездата на Интер Мајами во моментов нема важечка дозвола за употреба или потребните одобренија за вила на заштитено земјиште.
Според „AБЦ“, делумно рушење на вилата „не е исклучено“ ако ситуацијата не се реши.
Во август 2024 година, климатските активисти од групата „Футуро Вегетал“ упаднаа во имотот и го вандализираа, боејќи го црвено и црно и споделувајќи фотографии на социјалните мрежи.
Двајца членови на групата држеа транспарент на кој пишуваше „Помогнете ѝ на планетата, изедете ги богатите, укинете ја полицијата“, во она што се верува дека е протест против владините политики што ја влошуваат климатската криза.
Тие ги објаснија своите постапки во објава на социјалната мрежа „X“: „Ја обоивме нелегалната вила на Меси на Ибица. Вилата е нелегална градба што фудбалерот ја купи за претерана сума од 11 милиони евра. Додека ова се случува, само на Балеарските Острови помеѓу 2 и 4 лица починаа како директен резултат на топлотниот бран. Најбогатиот, еден отсто од населението е одговорен за истата количина емисии на јаглерод како и најсиромашните две третини… Потребна ни е радикална промена во системот за да се соочиме со климатската криза.“
Spanish eco and climate change activists from Futuro Vegetal have vandalized Lionel Messi’s Ibiza home.
Via @OliLondonTV pic.twitter.com/Ru0bhlLddi
— Visegrád 24 (@visegrad24) August 6, 2024
Спорт
Ленокс Луис ги избра петте најдобри боксери на сите времиња

Ленокс Луис се смета за еден од најголемите имиња во тешка категорија во историјата на боксот. Иако има два порази со нокаут во кариерата, тој успеа да им се одмазди на двајцата борци кои го победија, постигнувајќи вкупно 41 професионална победа. За време на неговата импресивна кариера, поранешниот освојувач на златен олимписки медал се соочи со некои од најголемите легенди во тешка категорија, а неговата борба со Мајк Тајсон е сè уште еден од најпрофитабилните мечеви на сите времиња, пишува „Bloody Elbow“.
Во неодамнешно видео објавено на Инстаграм, Луис го откри својот личен список на петте најдобри боксери во историјата. Интересно е што тој не вклучи ниту еден боксер против кого се натпреварувал, како што се Мајк Тајсон или Евандер Холифилд, иако забележа дека би „се ставил во иста соба со тие борци“.
На врвот на својата листа, Луис очекувано го стави Мухамед Али, чиј прекар „Најголемиот“ совршено го опишува неговото наследство. Заедно со Али, листата вклучува уште четири легенди кои ги дефинираа своите епохи:
Џек Џонсон – првиот црн светски шампион во тешка категорија (1908 – 1915).
„Чудото“ Марвин Хаглер – легендарен борец во средна категорија кој ги победил великаните како Томас Хернс и Роберт Дуран.
Џорџ Форман – поранешен двократен светски шампион во тешка категорија и освојувач на златен олимписки медал.
Џо Луис – сопственик на најдолгото владеење со титулите во историјата на боксот, кое траело 11 години и 8 месеци.