Велосипедот што словенечкиот велосипедист Тадеј Погачар го возеше на овогодинешниот Тур д’Франс беше продаден на јавна аукција за огромна сума.

На 22 јули, Погачар се појави на почетокот на 16-та етапа од Тур д’Франс во Монпелје облечен во жолта маица, но и со велосипед кој веднаш го привлече вниманието на целиот свет.

Овој уникатен колекционерски предмет неодамна беше продаден за 163.719,51 евра.

Велосипедот беше понуден на аукцијата на „Сотби“, а аукцијата заврши во петокот кратко по 16:30 часот.

Новиот сопственик издвои 190.500 долари за велосипедот, односно точно 163.719,51 евра.

За споредба, стандардниот модел „Colnago Y1Rs“, на продажба чини околу 15.000 евра, што значи дека велосипедот на Погачар бил платен повеќе од десет пати поскапо, првенствено поради фактот што го возел шампионот.

За време на аукцијата, велосипедот бил изложен во луксузниот одморалиште на островот „St. Regis Saadiyat“ во Абу Даби.

Карактеристичната рамка од карбон со видлива завршна обработка и прецизно изработените детали одразуваат мешавина од супериорен инженеринг и естетика, прилагодени на возачот кој тогаш бркаше победа на Тур д’Франс.

Погачар на крајот го освои Турот, дополнително зацврстувајќи го своето место во историјата на велосипедизмот.

Потоа, токму овој велосипед го користел во своите најголеми победи на Светското првенство, Европското првенство и кога ја освои петтата последователна титула на Ил Ломбардија.

Велосипедот е „Colnago Y1Rs“, во варијантата со црн карбон, со тежина од малку повеќе од 7 килограми, опремен со група „Shimano Dura-Ace Di2“ со 22 брзини и тркала „ENVE SES 4.5 Pro“.

Иако 190.500 долари изгледаат импресивно, ова не е рекорд за велосипед продаден на аукција.

Најскапиот останува „Trek Madonna Butterfly“ создаден од Демиен Хирст и користен од Ленс Армстронг, исто така на Тур д’Франс.

Тој велосипед достигна цена од дури 500.000 долари на аукција за Фондацијата „LiveStrong“.

Патем, тој велосипед беше украсен со вистински крилја од пеперутки, што предизвика бес кај активистите за права на животните.

Foto/ depositphotos

Спектакуларен натпревар, во 16-то коло во Премиер лигата, одиграа Манчестер Јунајтед и Борнмут. Пресметката на „Олд Трафорд“ заврши без победник 4:4.

Манчестер Јунајтед во првиот дел водеа со 1:0 и 2:1, во втроиот Борнмут направија пресврт за 2:3, на десет минути до крајот Јунајтед возврати со два гола за 4:3, на крајот Крупи во 84-та минута ги постави конечните 4:4.

Рубен Аморим, стратегот на Јунајтед, не беше премногу задоволен од резултатот, бидејќи неговиот тим водеше три пати.

„Беше забавно за сите што го гледаа овој натпревар. Почнавме одлично, а потоа имавме влеговме во „црна дупка“ на почетокот на второто полувреме. Се вративме, водевме со 4:3, а потоа мораше мирно да го завршиме натпреварот. Не успеавме и тоа е малку фрустрирачки“, рече португалскиот стручњак.

Јунајтед сега го очекуваат нови проблеми, бидејќи Мбеумо, Мазрауи и Дијало ќе играат на Африканскиот куп на нации.

„Забавно е кога си менаџер. Мора да најдеш решенија со играчите што ги имаш. Така е. Без кукање, ова е можност да ги збиеме редовите и да бидеме уште подобри“, истакна Аморим.

Foto/ depositphotos

Претседателот на Реал Мадрид, Флорентино Перез, повторно се пожали на судењето и се осврна на „аферата Негреира“, која фрла сенка врз шпанскиот фудбал: „Клубовите би можеле да испаднат од лигата“.

Реал Мадрид славеше со многу тешкотии, во неделата кај Алавес и остана на четири бода зад лидерот Барселона.

Флорентино Перез, претседателот на Реал Мадрид, учествуваше еден ден подоцна на традиционалниот божиќен ручек организиран од клубот со претставници на медиумите и во својот говор, меѓу другото, се осврна на „аферата Негреира“.

„Ова е најсериозниот случај во денешниот фудбал“, рече Перез.

„Знаеме дека повеќе од осум милиони евра се платени за технички мислења во врска со судиите. Ќе ве потсетам дека истражниот судија во овој случај го нарече системска корупција. А Барселона призна дека овие плаќања се извршени од практични причини. Уште поневеројатно е што тренерите воопшто не ги добиле овие мислења. Кој може да поверува дека ваквите мислења, за кои тренерите дури и не знаеле дека постојат, се платени со пари? Ова јасно укажува на потребата од радикални промени.“

Претседателот на Реал продолжи:

„Како е можно првиот човек на судиската организација едноставно да нè повика да продолжиме? Можно е некои клубови дури и да испаднат од лигата поради аферата Негреира. Како можеме да го заборавиме најголемиот скандал во историјата на фудбалот? Главниот проблем на Реал Мадрид е судењето. Како што знаете, најтешката ситуација што се развиваше речиси две децении, како резултат на „аферата Негреира“, бара правдата да се задоволи. Сосема е несфатливо што раководството на лигата го остави Реал Мадрид сам во оваа борба.“

Перез не се двоумеше да се осврне на неодамнешните контроверзии на гостувањето на Реал Мадрид на стадионот „Мендизороса“, особено на пеналот што не беше досуден на натпреварот против Алавес, по прекршок врз Винисиус.

„Имавме судија таму (Гонзало Пуерта во ВАР собата) кој се закани дека ќе преземе мерки против нашиот клуб пред финалето на Купот на Кралот. Се чини дека прекршоците врз Родриго и Винисиус не се казни.“

Foto/ depositphotos