Свет
Деветнаесетгодишник уапсен во Полска, планирал терористички напад

Членови на Полската агенција за внатрешна безбедност (ABW) приведоа деветнаесетгодишен маж под сомнение за планирање терористички напад.
Ова е трето лице кое се соочува со обвиненија во истрагата што ја надгледува Окружното обвинителство во Олстин во североисточна Полска, изјави портпаролот на координаторот за специјални служби, Јацек Добжински.
„Истражителите утврдија дека сите осомничени собирале информации на интернет за ракување со огнено оружје, позиции за стрелање и спроведување борбени операции на отворени и затворени простори. За целите на обуката, тие посетувале стрелишта и вршеле воено-тактичка обука“, изјави тој на платформата Икс.
Добжински изјави дека осомничените собирале пиротехника и упатства за тоа како да се конструираат експлозивни системи, а инспирацијата, меѓу другото, ја добиле од активностите на масовните убијци како што се Андерс Брејвик, Брентон Тарант и Тимоти Меквеј.
„Тие беа фасцинирани од нивната идеологија, анализираа како ги извршуваа нападите и грешките што ги правеа. Содржината што ја преземаа влијаеше врз формирањето на екстремно радикални ставови“, истакна Добжински.
Тој додаде дека двајца мажи се притворени, додека третиот осомничен е осуден на домашен притвор од Окружниот суд во Олстина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Хамас објави дека ќе го предаде телото на еден од своите заложници

Милитантната група Хамас вчера објави дека ќе го предаде телото на еден од своите заложници, без да го открие неговиот идентитет.
Според соопштението, Црвениот крст ќе го преземе телото од Хамас и ќе го предаде на припадниците на израелските одбранбени сили во Газа, објавува „Тајмс оф Израел“.
После тоа, телото ќе биде испратено во израелскиот институт за судска медицина „Абу Кабир“ во Тел Авив за идентификација.
Свет
Трамп: Јас сум претседател-медијатор, сакам да решавам војни

Американскиот претседател Доналд Трамп изјави дека се гледа себеси како претседател-медијатор, нагласувајќи дека неговата цел е да помага во решавањето на конфликти ширум светот.
„Јас сум претседател-медијатор. Сакам да решавам војни“, рече Трамп за време на средбата со украинскиот претседател, Володимир Зеленки, додавајќи дека моменталната ситуација (мисли на Украина) не е лесна за посредување.
„Полесно е кога луѓето се разбираат, кога се среќаваат и кога си се допаѓаат еден на друг. Не сме баш во таква ситуација“, изјави тој пред новинарите, пренесе „Гардијан“.
Трамп спомена дека досега посредувал во осум конфликти, вклучително и на Блискиот Исток, и дека тековните напори се негов „деветти случај“.
„Ова ќе биде број девет за мене. Решив осум, вклучувајќи го Блискиот Исток… Не добив Нобелова награда, и не ми е важно тоа. Важно ми е да се спасувам животи“, изјави Трамп.
Свет
Трамп неодлучен за испорака на ракетите „ Томахавк“ на Украина

Како што објави „Гардијан“, американскиот претседател покажа двоумење во врска со испораката на Томахавк во Украина, велејќи: „Една од причините зошто сакаме да ја завршиме оваа војна е… не ни е лесно да ви дадеме… огромни количини многу моќно оружје… Се надеваме дека нема да им требаат. Се надеваме дека можеме да ја завршиме војната без да размислуваме за ракетите Томахавк“.
„Ќе зборуваме за ракетите Томахавк и многу повеќе би сакале да не им требаат тие ракети. Искрено, многу повеќе би сакале војната да заврши. Бидејќи, знаете, ние сме тука за војната да заврши… Продаваме многу различни видови оружје, како што знаете, на Европската Унија. Не сме тука за тоа. Ние сме тука за војната да заврши“, продолжи тој.
Во одговор на прашање од новинар, украинскиот претседател Володимир Зеленски, претходно изјави дека Украина е подготвена да им понуди на САД свои дронови во замена за далекуметните ракети „Томахавк“.
„Украина може да ѝ обезбеди на Америка илјадници дронови ако Вашингтон дозволи употреба на ракети ‘Томахавк’. Затоа, таму каде што можеме да соработуваме и да ја зајакнеме американската продукција, имаме голема понуда што се однесува на нашите дронови“, рече Зеленски.