Спорт
„Бројот 20 засекогаш ќе биде твој“
Навивачите, клубовите, фудбалските организации се збогуваат со Диого Жота овој четврток… Шпанската цивилна гарда ја потврди смртта на фудбалерот на Ливерпул и неговиот две години помлад брат, Андре Силва, кој бил во автомобилот со него.
Двајцата се возеле во автомобил „Ламборџини“ кога им пукнала гумата, во момент кога престигнувале друг автомобил.
Возилото излетало од патот, по што завршило во пламен. Несреќата се случила во раните утрински часови, околу половина час по полноќ.
„Тој дојде во Ливерпул во 2020 година. Носеше број 20. Ја освои својата 20-та титула. Бројот 20 засекогаш ќе биде твој“, е пораката што најчесто ја споделуваат навивачите на Ливерпул на социјалните мрежи.
Сите тие нè потсетуваат на фактот дека само пред десет дена се ожени со Рут, со која има три деца, но и на фактот дека ги одбележа последните денови од својот живот со два големи успеси – освојување на Премиер лигата и Лигата на нации со португалската репрезентација.
Крстијано Роналдо
„Ова нема смисла.
Тукушто бевме заедно во националниот тим. Тукушто се венчаше. Им упатувам најискрено сочувство на семејството, сопругата, на твоите деца, им ја посакувам сета сила на светот.
Знам дека ќе бидете со нив засекогаш.
Почивајте во мир Диого и Андре.
На сите ќе ни недостигате.“
УЕФА
„Во име на целата европска фудбалска заедница, длабоко сме ожалостени од трагичната смрт на Диого Жота, португалскиот репрезентативец и играч на Ливерпул, и неговиот брат Андре.“
Нашите мисли се со нивното семејство, пријатели, соиграчи и сите оние кои се погодени од оваа тажна вест.“
Џејми Карагер
„Скршен сум од веста за Диого Жота и неговиот брат утрово. Моите мисли се со нивното семејство и пријатели, особено со неговата сопруга Рут и нивните три деца.“
ФИФ про
„Длабоко сме погодени од веста за смртта на Диого Жота и неговиот брат Андре Силва.
Нашите мисли се со нивното семејство и најблиските. Почивајте во мир“.
Порто
„Фудбалскиот клуб Порто е во жалост. Со голем шок и тага им испраќаме најискрено сочувство на семејството на Диого Жота и неговиот брат Андре, кој исто така беше член на нашиот клуб во неговите помлади денови. Почивајте во мир“.
Манчестер Сити
„Сите во Манчестер Сити се шокирани и изненадени од тажната вест за смртта на Диого Жота. Нашето најдлабоко сочувство до неговото семејство и пријателите и до сите во Фудбалскиот клуб Ливерпул во ова тешко време“.
Почивај во мир Диого“.
Атлетико Мадрид
„Сите ние во Атлетико сме шокирани од смртта на нашиот поранешен играч Диого Жота и неговиот брат. Нашето најдлабоко сочувство до семејството и пријателите. Нека почиваат во мир“.
Сите европски клубови на овој ден се рекламираат со истата порака… Банфика, Свонси, Евертон, Галатасарај, Бешикташ, Милан, Тотенхем…
Foto/ EPA-EFE/JOSE SENA GOULAO
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Барселона се распрашува за Влаховиќ
Фудбалскиот клуб Барселона е заинтересиран за напаѓачот на Јувентус и српската репрезентацја Душан Влаховиќ, објави шпанската „Марка“.
Според шпанскиот весник, Барселона наводно веќе го направила првиот чекор и го контактирала Влаховиќ, кој има договор со Јувентус до 30 јуни 2026 година.
„Ова е првиот контакт, бидејќи каталонскиот клуб сака да ја искористи ситуацијата што се појави на пазарот. Отворената војна минатото лето помеѓу Влаховиќ и Јувентус заврши без продолжување на договорот, но играчот се врати на теренот, бидејќи знаеше дека влегува во последната година од договорот. Целта е играчот да пристигне на крајот од сезоната без обештетување или да пристигне во зимскиот преоден рок под многу поволни услови“, објави „Марка“.
Исто така, се наведува дека Барселона веќе некое време бара замена за Роберт Левандовски, кој сè уште не го продолжил договорот со каталонскиот клуб. Полскиот напаѓач би можел да ја напушти Барселона на крајот од сезоната.
Влаховиќ се опоравува од повреда и би можел да се врати на теренот во март следната година. Српскиот фудбалер одигра 17 натпревари за Јувентус оваа сезона и постигна шест гола.
Пред Јувентус, тој играше за Фиорентина и Партизан.
Foto/ depositphotos
Спорт
Домен Превц победи во Оберсдорф
Словенечкиот скијач Домен Превц го освои првото натпреварување од турнејата „Четири скокалници“ во Оберсдорф.
Никогаш во историјата не се случило Словенец да победи на скокалницата во Оберсдорф, Германија, но Домен Превц покажа се маоѓа во фантастична форма. Превц ја забележа шестата победа од почетокот на сезоната.
Исто така, интересен е фактот дека 40 отсто од победниците на турнејата „Четири скокалници“, славеле во Оберсдорф.
Домен Превц скокаше феноменално во квалификациите претходниот ден и победи, а потоа во првата серија, вечерва скокна 141,5 метри и за доби 162,2 поени.
Во втората серија, како и во првата, скокна последен и стигна до линијата од 140 метри и убедливо победи со 316,6 поени.
Заедно со него, на подиумот се најде ште еден Словенец, одличниот Тими Зајц, кој второт место го подели со Даниел Шофенинг од Австрија. Тие двајца освоија по 299,2 поени.
Следното натпреварување во рамките на Четирите скокалници е закажано за 1 јануари во Гармиш-Партенкирхен.
Domen Prevc odlatuje rywalom i wygrywa w Oberstdorfie! Najlepszy z Polaków, Kacper Tomasiak na 15. miejscu #Oberstdorf #4hills #skijumpingfamily pic.twitter.com/GD92UFQxmj
— Skijumping.pl (@Skijumpingpl) December 29, 2025
Foto/ freerangestock
Спорт
Вест Хем ќе го отпушти Еспирито Санто?
Нуно Еспирито Санто пристигна во Вест Хем со задача да го подигне клубот по лошиот почеток на сезоната, но не работата не му оди според планираното.
„Чеканите“ се во зоната за испаѓање, а од доаѓањето на Португалецот, тие имаат забележано само два триумфа во 13 натпревари.
Затоа Вест Хем размислува да се раздели со Санто, според „Ток Спорт“. Засега не е наведено кој би можел да го замени.
Поранешниот менаџер на Нотингем Форест го наследи Греам Потер, но шок терапијата не успеа.
Вест Хем се наоѓа на 18-то место во Премиер игата со скромни 13 поени.
Foto/ depositphotos

