Црна хроника
(Видео) Татко од Ново Село ја тепал 11-годишната ќерка и го снимал насилството со телефон

Полицијата поднесе кривична пријава против 57-годишниот З.Ч. од општина Ново Село, за кој постои сомнеж дека насилно се однесувал со својата 11-годишна ќерка и ја снимал со телефон.
Настанот се случил пред два дена, во дворното место од неговата куќа, каде што пријавениот ја нападнал својата 11-годишна ќерка, за која е законски старател по разводот со сопругата. Тој го снимил насилството со мобилен телефон, а видеото подоцна било објавено на социјалните мрежи, соопшти полицијата.
По објавувањето, полициските служби на СВР Струмица веднаш презеле мерки, го идентификувале и привеле пријавениот. При службен разговор, тој го признал делото.
Јавниот обвинител од ОЈО Струмица веднаш бил известен за случајот, а детето било прегледано од лекар од Медицинскиот центар Струмица. Притоа се констатирани телесни повреди – црвенило на двете раце во пределот на зглобовите.
Во постапката е вклучен и Меѓуопштинскиот центар за социјални работи Струмица, кој презема понатамошни мерки за заштита на малолетното дете.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Истурил течност и запалил „лaнд ровер“, утрово гореше возило во Куманово

Рано утрово луксузен „ланд ровер“ беше опожарен на улицата Моша Пијаде во Куманово.
Настанот бил пријавен во СВР Куманово на 30 август 2025 година, околу 05:10 часот, од лицето Б.Ц. Пожарот бил забележан на возилото сопственост на А.Г., кое веднаш било гаснато со помош на сопственикот и негов сосед, спречувајќи поголема катастрофа.
По насоки на дежурен јавен обвинител, увид извршила увидна екипа на ОКТУПА при СВР Куманово. Констатирано е дека станува збор за подметнат пожар. Засега непознат сторител со непозната течност го испрскал возилото на повеќе места, ја запалил и потоа успеал да побегне без да биде забележан.
Од полицијата информираат дека е причинета материјална штета во износ од околу 120.000 денари, а истрагата е во тек.
Црна хроника
17-годишник и 15-годишник со сила ограбиле доставувач, му го украле ранецот со пратки

Полицијата во Скопје спречи грабеж извршен од двајца тинејџери, кои нападнале доставувач и му го украле ранецот со пратки.
На 29 август 2025 година, околу 18:20 часот, полициски службеници од СВР Скопје ги лишиле од слобода 17-годишен и 15-годишен малолетник, двајцата од скопско.
Според информациите, истиот ден околу 16:40 часот, малолетниците со употреба на физичка сила го нападнале 23-годишниот У.Д. од Скопје, кој во моментот извршувал работни задачи како доставувач на пратки. Тие му го одзеле ранецот со пратки, по што се обиделе да избегаат.
Брзата реакција на полицијата довела до нивно пронаоѓање и приведување во Визбегово. По целосното документирање на случајот, против нив ќе биде поднесен соодветен поднесок.
Црна хроника
Уапсен скопјанец во Неготино, ја нападнал и ѝ се заканувал на поранешната сопруга

34-годишниот И.П.С од Скопје вчера бил уапсен во Неготино откако неговата 36-годишна поранешна сопруга пријавила дека упаднал во нејзиниот дом во Неготино.
Според пријавата, мажот ѝ упатил сериозни закани и физички ја нападнал. Благодарение на брзата реакција на полицијата, тој бил веднаш приведен и задржан во полициската станица.
За случајот бил известен јавен обвинител и Центарот за социјални работи во Неготино, а по целосното документирање на настанот против насилникот ќе биде поднесен соодветен поднесок.
Нема информации за повреди на жената, но случајот повторно го отвора прашањето за заштитата од семејно насилство и потребата од брзи институционални реакции.