Спорт
(Видео) Јаник Синер ќе го игра своето прво финале на Вимблдон откако го победи Новак Ѓоковиќ

Новак Ѓоковиќ, најдобриот српски тенисер, беше поразен во полуфиналето на Вимблдон од Јаник Синер со 6:3, 6:3, 6:4.
Синер се пласираше во своето прво финале на Вимблдон.
Новак никогаш претходно не доживеал нешто вакво на Вимблдон. Италијанецот играше на начин што ги натера сите да се прашуваат дали воопшто е повреден.
— Ricardo Kaka (@rikardons) July 11, 2025
Синер направи брејкови во третиот и деветтиот гем од првиот сет, во кои ја искористи третата шанса за водство од 0:1.
Италијанецот го направи единствениот брејк во вториот сет во вториот гем, додека Ѓоковиќ го започна третиот сет подобро.
Српскиот тенисер поведе со 3:0 по раниот брејк, но Синер ги доби следните пет последователни гема.
Италијанецот имаше две меч топки на сервисот на Ѓоковиќ во деветтиот гем, кои не ги искористи, но во следниот гем ја реализираше својата вкупнo четврта шанса за победа.
Standing ovation for Novak Djokovic as he exits after his defeat at Wimbledon 👏 pic.twitter.com/bfEqXwc3DG
— SportsCenter (@SportsCenter) July 11, 2025
Синер, трикратен грен слем шампион, ќе се бори во недела против вториот тенисер во светот, Шпанецот Карлос Алкараз, за својата прва титула на Вимблдон.
За италијанскиот играч, стигнувањето до финалето е неговиот најдобар резултат на единствениот Грен слем на трева.
Ѓоковиќ останува на рекордни 24 Грен слем титули, од кои седум ги освои на Вимблдон.
Титулата ја брани Алкараз.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Неверојатната сума Жозе Мурињо во кариерата заработил од отказите

Жозе Мурињо, пред три дена доби отказ, повеќе не е тренер на Фенербахче. Откакзот ќе внесе дополнителна и не мала сума пари на неговата сметка.
Португалскиот стручњак една година се задржа на клупата на Фенербахче. елиминацијата од Бенфика, во плеј-офот за пласман во Лигата на шампионите, но е неколкуте изјави што ги даде на почетокот на сезоната беа доволни да добие отказ.
Мурињо има уште една година од договорот, што значи дека добро ќе го наплати отказот. Според турскиот новинар Јагиз Сабунџуоглу, Мурињо ќе добие 8,9 милиони евра отпремнина. Пресметано, од отказите Мурњо во кариерата заработил неверојатни 102,78 милиони евра.
Листа на клубови од кои Мурињо ги наплатил отказите:
Челзи (прв отказ) – 20,88 милиони евра
Реал Мадрид – 19,72 милиони евра
Челзи (втор тказ) – 9,63 милиони евра
Манчестер јунајтед – 22,74 милиони евра
Тотенхем – 17,40 милиони евра
Рома – 3,48 милиони евра
Фенербахче – 8,93 милиони евра
Foto/ EPA
Спорт
Драма на релација Челзи-Џексон-Баерн Минхен

Се чинеше дека сè е завршено кога станува збор за позајмицата на Николас Џексон од Челзи во Баерн, но клубот од „Станфорд Бриџ“, реши да им направи неочекувани проблеми на фудбалерот и неговиот нов клуб.
Баерн издвои неверојатни 15 милиони евра за позајмицата на Џексон, на крајот од сезоната ќе може да го откупи за 65 милиони евра. Фудбалерот, на кого уште на почетокот на преодниот рок му беше кажано дека за него повеќе нема место на „Стенфорд Бриџ“, со задоволство ја прифати понудата од Минхен.
Челзи ја режираше драмата доцна синоќа, кога дознаа дека Лиам Делап, кој се повреди на натпреварот со Фулам, ќе отсуствува помеѓу четири и шест недели.
На колегите од Минхен и на Џексон им соопштија дека договорот отпаѓа и дека фудбалерот треба да се врати во Лондон. Џексон и неговиот менаџер, разбирливо, одбија да го сторат тоа. Порачаа дека се во Минхен и дека нема да се вратат во Лондон.
„Не сум во позиција да дејствувам. Ќе им кажеме на играчот и на агентот да се вратат во Лондон, тој е играч на Челзи. Во следните 48 часа ќе се обидеме да најдеме друго решение“, рече спортскиот директор на Баерн, Макс Еберл.
Германските медиуми тврдат дека алтернатива за Баерн е напаѓачот на Лајпциг, Луис Опенда.
Надеж за Џексон и Баерн дека спработката ќе биде официјализрана е информацијата дека доцна синоќа, Челзи со Брајтон постигнале договор за офанзивецот од редот за врска Факундо Буонаноте.
Аргентинецот на „Стемфорд Бриџ“ на позајмица ќе ја мине оваа сезона.
Спорт
Пакета пред трансфер во Астон Вила

Ако по утрото денот се познава, фудбалскиот клуб Вест Хем ќе има тешка сезона, нема да биде изненадување доколку клубот се бори за опстанок во Премиер лигата. Вест Хем стартуваше во новата сезона со два убедливи порази, а во последните часови од преодниот рок ќе остане без најдобриот играч, Лукас Пакета (28).
Астон Вила е блиску да го потпише Бразилецот. Како што објави Фабрицио Романо, понуден е пакет вреден околу 55 милиони евра. Вест Хем би сакал да го задржи Пакета, но тој сака да оди во Вила и се очекува трансферот да се реализира.
Бразилецот прво би заминал на позајмица, но Астон Вила би имал обврска да го откупи неговиот договор.
EPA/VINCE MIGNOTT