Феликс Баумгартнер (56), австриски екстремен спортист познат по своите историски скокови со падобран и рекорди што ги поместија границите на човечките можности, почина пред една недела во несреќа во Италија. Почина во Порто Сант’Елпиди за време на лет со параглајдер.

Првичните извештаи велеа дека Баумгартнер починал откако му се слошило во воздух и ја изгубил контролата врз параглајдерот. Се шпекулираше дека станува збор за срцев или мозочен удар бидејќи Австриецот починал на лице место.

Обдукцијата го покажа спротивно, потврди германскиот „Билд“. Баумгартнер починал поради силен удар во кој му бил скршен ‘рбетот во долниот дел.

Баумгартнер стекна светска слава во 2012 година благодарение на проектот „Ред Бул Стратос“. Скокна од капсула што била подигната со хелиумски балон на висина од 39 километри над пустината во Ново Мексико. За време на слободниот пад, тој ја пробил звучната бариера, достигнал брзина од 1357 км/ч и постави голем број светски рекорди.

Тој настан го следеа повеќе од осум милиони гледачи во живо, а Баумгартнер на тој начин стана симбол на човечката храброст и пионер во истражувањето на екстремните физички напори.

Австриецот го загуби животот во несреќа во која неговиот моторизиран параглајдер се урна во хотелскиот базен.

Фото/ Принскрин

Скандалот што го потресе француското скијање добива нови размери. Помалку од три недели откако седум жени го обвинија поранешниот освојувач на сребрен медал на Олимписките игри во велеслалом, Жоел Шенал, за сексуално вознемирување, уште пет наводни жртви се обратија до францускиот весник „Ле Монд“. Сите биле малолетни во времето на наводните настани.

Според француските медиуми, злоупотребата наводно се случила помеѓу 2005 и 2021 година, секогаш по истиот образец.

Шенал им нудел услуги на тренер на девојките, а потоа ги насочувал разговорите кон теми и пораки од сексуална природа. Меѓу новите жени што се јавија, две тврдат дека тој почнал да ги вознемирува кога имале само 11 години.

Една од жените раскажа како таа и нејзината најдобра пријателка, обете малолетни во тоа време, биле „заробени и злоупотребени“ во 2015 година.

„По вечерта помината со него, имавме дупка во нашето сеќавање“, изјави таа, потенцирајќи дека планира да поднесе кривична пријава, додека нејзината пријателка веќе го стори тоа на 21 јули.

Адриен Дувилар, поранешен член на францускиот скијачки тим, чија ќерка наводно ги добила експлицитните фотографии на Шенал во 2016 година кога била малолетна, исто така реагираше на обвинувањата.

„Имаше гласини, но ова… Па, станува збор за девојчиња! Тој го правеше тоа сериски и неказнето со години. Тоа е недозволиво“, изјави тој за „Ле Монд“, додавајќи дека жртвите мора да знаат дека имаат поддршка.

Жоел Шенал, кого го контактираа новинарите, не сакаше да ги коментира новите обвинувања. Тој сè уште работи како тренер во сопственото скијачко училиште, кое го основал во 2022 година во Ла Розиер, каде што патеката за слалом го носи неговото име.

Foto/ lequipe.fr

Атлетико Мадрид постигна договор со Феенорд за трансфер на дефанзивецот Давид Ханцко.

Словачкиот дефанзивец ќе помине медицински прегледи во наредните денови и ќе потпише договор со „јорганџиите“.

Ханцко (27) беше блиску до трансфер во Ал-Наср од Саудиска Арабија. Словакот се појави во новиот клуб и доживеа шок бидејќи клубото но клубот одлучи да се повлече од договорот во последен момент.

Во претходната кариера, Ханцко играше за Жилина, Фиорентина, Спарта Прага, а од 2022 година е член на Феенорд, со кого го освои холандското првенство во 2023 година.

Атлетико Мадрид, кој минатата сезона заврши трет во шпанската Ла Лига, донесе неколку засилувања во последните недели.

Десниот бек Марк Пубиљ дојде од Алмерија, 24-годишниот аргентински интернационалец Тијаго Алмада пристигна од Ботафого, Алекс Баена дојде од Виљареал, дефанзивниот играч од редот за врска Џони Кардозо пристигна од Бетис, додека левиот бек Матео Руџери дојде од Аталанта.

Фото/ Marca.com