Спорт
Тер Штеген во војна со Барселона – намерно објави лажни детали за својата операција

Тензиите меѓу Барселона и германскиот голман Марк-Андре тер Штеген продолжуваат. Барселона веќе некое време се обидува да се ослободи од германскиот голман, а на неговата позиција го потпиша Шпанецот Џоан Гарсија, а договорот со Војчех Шченсни беше продолжен.
И покрај притисокот од клубот, Тер Штеген одби да ја напушти Барселона, а сега, со својот последен потег, дополнително ја влоши ситуацијата.
Во официјалното соопштение за претстојната операција, Тер Штеген изјави дека ќе биде надвор од терените три месеци. Оваа информација е клучна, бидејќи според правилата на Ла Лига, повредата не се смета за долгорочна ако закрепнувањето е пократко од четири месеци.
Затоа, Барселона не може да ја ослободи неговата висока плата од буџетот за да ги исполни правилата на финансискиот фер-плеј.
Според информациите од шпанските медиуми, медицинската служба на клубот има поинаква проценка. Тие веруваат дека закрепнувањето, со оглед на тоа што станува збор за повторена повреда во веќе оперирана област, ќе трае помеѓу четири и пет месеци.
Ова соопштение само покажува дека голманот е во „војна“ со клубот, велат тие. Доколку закрепнувањето на Тер Штеген се проценува на четири месеци, клубот би можел да искористи 80% од неговата плата, една од највисоките во тимот, за да потпише нови засилувања како Џоан Гарсија и Маркус Рашфорд.
Поради сето ова, Барселона се најде во необична ситуација. Моментално, единствениот голман достапен за првиот натпревар од сезоната против Мајорка на 16 август е Ињаки Пења.
Засилувањата на голот Џоан Гарсија и Војчех Шченсни сè уште не се регистрирани бидејќи клубот нема место во буџетот за плати. Тренерот Ханси Флик затоа беше принуден да го земе Пења на азиска турнеја и привремено да го запре неговото планирано заминување од клубот.
Фото/ Принтскрин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Холанѓанецот Ферстапен го надмудри Мекларен и ја оствари првата спринт победа

Возачот на Ред Бул, Макс Ферстапен, триумфираше на третата спринт трка во сезоната, која се одржа во рамките на Големата награда на Белгија, 13-то коло од овогодинешното првенство во Формула 1.
Холанѓанецот ја оствари својата прва спринт победа годинава со предност од седум и пол десетинки во однос на Оскар Пјастре од Мекларен. Третото место на подиумот го освои другиот возач на британскиот тим, Ландо Норис, кој беше нешто помалку од седум десетинки од секундата зад својот соиграч. Интересно е што спринт трката во Спа е прва во историјата откако Кристијан Хорнер повеќе не беше шеф на тимот во Ред Бул, па Верстапен му донесе триумф на тимот на дебито на Лоран Маки.
Фото: принтскрин
Спорт
Аморим: Нема да има распродажба во Манчестер јунајтед

Тренерот на Манчестер јунајтед, Рубен Аморим, изјави дека заинтересираните клубови нема да можат да добијат играчите, на кои клубот повеќе не смета, по „дисконтни“ цени објави денес Би-Би-Си.
Откако Маркус Рашфорд се пресели на позајмица во Барселона, Ентони, Џејдон Санчо, Алехандро Гарначо и Тирел Маласија беа изоставени од турнејата на Јунајтед во САД и се вратија на индивидуални тренинзи во тренинг центарот во Карингтон.
Бетис сака да го врати Ентони, каде што играше на позајмица минатата сезона, додека Јувентус е заинтересиран за Санчо, но тој прво мора да ослободи место во тимот. Гарначо се поврзува со неколку европски клубови.
Сепак, засега нема конкретни понуди, а се шпекулира дека клубовите ќе чекаат до последните денови од преодниот рок, надевајќи се дека Јунајтед ќе мора да ги намали цените.
„Техничкиот директор Џејсон Вилкокс, извршниот директор Омар Берада и целиот клуб јасно поставија цени за тие играчи. Доколку другите клубови не ги достигнат, тие остануваат играчи на Манчестер јунајтед, нема сомнение“, рече Аморим.
Аморим додаде дека некои играчи сакаат нов предизвик и дека клубот им дава време да размислат, но исто така рече дека потенцијалните купувачи не треба да се надеваат дека ќе може да ги добие овие играчи речиси за џабе.
Јунајтед веќе ги донесе новите засилувања Брајан Мбеумо, Матеуш Куња и Диего Леон ова лето, но сè уште бараат напаѓач и централен играч од средниот ред за да ги пополнат празнините во составот.
Аморим истакна дека е задоволен од сегашниот состав и дека е подготвен да ја започне сезоната со него. Манчестер јунајтед новата сезона ќе ја отвори со дербито против Арсенал.
Foto/ EPA
Спорт
(Видео) Шокираниот Медведев искрши сè по елиминацијата во Вашингтон

Дуелот помеѓу Данил Медведев и Корентан Муте ја донесе најлудата завршница и најлудиот поен на меч топка оваа сезона.
Муте, сензационално го победи Медведев во четвртфиналето на Вашингтон по пресврт и речиси два и пол часа борба со 1:6, 6:4, 6:4.
Апсолутно никој, а веројатно ни самиот Французин, не очекуваше таков исход, особено откако експресно го загуби првиот сет.
Погледнате како се одвиваше последниот поен на мечот.
😱 One of the most DRAMATIC match points you’ll see all year
🇫🇷 Moutet X Medvedev 🇷🇺 pic.twitter.com/FNnB4ACDmu
— Olly Tennis 🎾🇬🇧 (@Olly_Tennis_) July 25, 2025
Пред поздравот, Медведев лут го фрли рекетот на трибините, а што направи веднаш потоа… Па, погледнете го и тоа.
You can always recognize Russian psychopaths, even when they compete “without a flag.”
Given how fragile the Russian economy is, smashing rackets after humiliating losses has gotten too expensive. So Medvedev switched to bottles instead. pic.twitter.com/sHlx6M10tj
— Victoria (@victoriaslog) July 25, 2025