Спорт
Гвардиола на засилувања потрошил 2,5 милијарди, во топ-5 се Мурињо, Анчелоти, Симеоне, Алекгри
Специјализираниот портал „Tрансфермаркт“, објави листа на тренери кои потрошиле најмногу пари за нови играчи во текот на нивните кариери. Листата ја предводи Пеп Гвардиола, како тренер на Барселона, Баерн и Манчестер сити.
Пеп Гвардиола е убедливо прв, му треба многу малку за да ја достигне бројката од околу две и пол милијарди евра. Засега, од 2008 година до денес, тренирајќи ги Барселона, Баерн и Манчестер сити, овој 54-годишен Шпанец потрошил точно 2 милијарди и 480 милиони евра според „Tрансфермаркт“.
На листата на Топ 30 тренери, објавена од „Трансфермаркт“, ниту еден друг тренер во светот не ја пробил границата од две милијарди евра за засилувања, но еден е многу блиску.
На второ место е Жозе Мурињо. Познатиот 62-годишен Португалец потрошил 1,96 милијарди евра за нови играчи.
Мурињо почнал да работи седум години пред Гвардиола и тренирал многу повеќе клубови, но јасно е дека почнал да ја „пумпа“ оваа бројка од 2004 година кога го презеде Челзи. А потоа како тренер на Интер, Реал Мадрид, Манчестер Јунајтед, Тотенхем, Рома и сега Фенербахче.
Третото место на оваа листа му припаѓа на 66-годишниот Карло Анчелоти. Познатиот Италијанец, актуелен селектор на Бразил, потрошил 1,83 милијарди евра за засилувања. Неговото тренерско патување започнало кон крајот на минатиот век, во 1995 година, а до денес ги тренирал некои од најголемите клубови на планетата: Јувентус, Милан, Челзи, Пари Сен Жермен, Реал Мадрид, Баерн, Наполи, Евертон…
Во првите пет се „вечниот“ тренер на Атлетик Мадрид, Аргентинецот Диего Симеоне со потрошени 1,52 милијарди евра и уште еден Италијанец и повратник на клупата на Милан, Масимилијано Алегри со 1,48.
На шестото место е исто така Италијанец, поранешен тренер на Јувентус, Интер, Челзи, Тотенхем… сега на Наполи, Антонио Конте со 1,36 милијарди евра. Следен е уште еден Јужноамериканец во првите десет, Чилеанецот Мануел Пелегрини, поранешен тренер на Манчестер сити и Реал Мадрид, сега Бетис. Тој потрошил 1,29 милијарди евра.
Осми на листата е уште еден Шпанец и сегашен менаџер на Астон Вила, Унаи Емери со 1,28 милијарди. Тој поминал време и во Валенсија, ПСЖ, Арсенал…
Последните две места во првите десет им припаѓаат на Германците, актуелниот селектор на Англија, Томас Тухел, со 1,22 и до минатата година менаџерот на Ливерпул, Јирген Клоп, со 1,15 милијарди евра.
Pep Guardiola's career transfer spending is close to reaching €2.5 billion 🤯🤑 pic.twitter.com/B9mDZGWQBS
— Transfermarkt.co.uk (@TMuk_news) July 30, 2025
Покрај потрошените милијарди, „Трансфермаркт“, објави и информации за тоа колку трофеи освоил секој тренер. Според тој критериум, Пеп Гвардиола ги оправда големите инвестиции бидејќи е прв меѓу споменатите тренери со 39 титули и купови, пред Карло Анчелоти со 31 и Жозе Мурињо со 27 трофеи.
Најлош учинок во Топ 10 има Антонио Конте, Италијанецот освоил само девет трофеи.
Foto/ sportklub.n1info.rs
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јувентус се договорил со Матета, сега треба да се договори со Кристал Палас
Жан-Филип Матета постигна договор со Јувентус и го чека исходот од преговорите меѓу Кристал Палас и „старата дама“.
Италијанските медиуми открија дека Матета ја прифатил понудата на Јувентус, според која ќе заработува 4.000.000 годишно, но сега следува потешкиот дел од преговорите.
Наводно, Палас сака да собере 35.000.000 евра и бонуси, додека Јувентус нуди опција за позајмица до крајот на летото со задолжителен откуп за 28-30.000.000 евра. Оваа понуда клубот од Лондон ја одбил.
Матета врши притисок врз Палас, кој нема многу простор за маневар, поради што медиумите тврдат дека трансферот, на овој или оној начин, ќе биде договорен во наредните 48 часа.
Матета има договор до летото 2027 година и влегува во последната сезона во јуни, па Палас сигурно ќе профитира од него.
Палас за трансферот на ;Матета од Мајнц, во 2022 година, плати 11.000.000 евра.
Јасно е дека Матета доаѓа како замена за Душан Влаховиќ, кој ќе го напушти Торино како слободен играч следното лето.
Foto/ depositphotos
Спорт
(Видео) Битката за Африка и пешкирот – Сенегалците жестоко го бранеа затоа што штити од црна магија?
Финалето на Африканскиот куп на нации помеѓу Мароко и Сенегал сè уште е најжешката тема на фудбалската јавност.
Натпреварот во Рабат тешко дека ќе се памети по фудбалскиот спектакл, но настаните ќе се раскажуваат долго време поради кои африканскиот фудбал секогаш ќе служи за потсмев.
Медиумите сега се фокусираат на драмата што се одвиваше зад голот на сенегалскиот голман Едуар Менди.
Имено, во второто полувреме, капитенот на Мароко, Ашраф Хакими, го зеде пешкирот на Менди и го фрли зад рекламите.
Сенегалскиот дефанзивец Ел Хаџи Малик Диуф веднаш реагираше, скокна преку оградата и му го врати пешкирот на Менди, но тоа вредно парче ткаенина повторно исчезна.
Тогаш на сцената се појави резервниот голман на Сенегал, Џеван Диуф (не бранеше ниту секунда на турнирнирот), кој го донесе својот пешкир зад голот на Менди и му го даде на својот соиграч да ги избрише ракавиците бидејќи врнеше дожд за време на натпреварот.
Диуф цело време остана зад голот и му „помагаше“ на својот колега секогаш кога му требаше пешкир.
Но, потоа селекторот на Мароко го замени својот играч од средниот ред Исмаел Саибари и го испрати зад голот на Сенегалците за да го спречи Диуф да му го подава пешкирот на Менди.
Резервниот голман на Сенегал успеа да го заобиколи Саибари и да му го подаде пешкирот на Менди, но потоа Мароканците решија да ги ангажираат деца кои ги носат топките.
Во еден момент, за време на акцијата на Мароко на половината на Сенегал, дури четири момчиња го нападнаа Диуф и се обидоа неколку пати да му го украдат пешкирот.
По натпреварот, Саибари одлучи да го посети хотелот на репрезентацијата на Сенегал за лично да му се извини на голманот Менди за несоодветното однесување поврзано со пешкирот на сенегалскиот голман.
Италијанскиот весник „Газета дело Спорт“ откри зошто Мароканците се обидоа да го добијат пешкирот на Менди.
„Сенегал и вуду пешкирот што Мароканците се обидоа да го украдат за време на финалето“ е насловот на текстот во кој се објаснува сенегалското суеверие.
„Пешкирот на Менди, според верувањето на Сенегалците, е платнено оружје кое апсорбира црна магија и ја пренесува нејзината моќ на својот сопственик. Иако многумина мислат дека е бесмислено, Мароканците дадоа се од себе за да го земат“, се вели, меѓу другото, во статијата во „Газета дело Спорт“.
Foto/ EPA
Спорт
Македонија мора да ја победи Романија, потоа ќе навива за Данска
Ракометната репрезентација на Македонија, вечерва во Хернинг, го игра клучниот натпревар, во првата фаза на 17-то Европско првенство. Од 18 часот, Макеоднија ќе се соочи со репрезентацијата на Романија.
Македонија, по нерешениот резултат со Португалија (29:29), ги задржа шансите за пласман во главната фаза. Вечерва ќе биде познато дали избраниците на Кирил Лазаров ќе продолжат во главната фаза, во група со Франција, Норвешка, Германија, Шпанија и Данска.
Познато е што и е потребно на Македонија за пласман во Топ 12. Прв услов е победа над Романија, по можност убедлива, а потоа потребен е и убедлив триумф на Данска над Португалија.
По првите две рунди во Б групата, Португалија има гол разлика +6, а Македонија -12.
Foto/ EPA

