Марк-Андре тер Штеген и фудбалскиот клуб Барселона се во „војна“. Медиумите во Каталинија го поддржаа клубот, голем дел од нив го нарекоа Германецот „најлошиот капитен во историјата на клубот“.

Марк-Андре тер Штеген од легенда стана персона нон грата во Каталонија.

Како што е познато, Тер Штеген мораше повторно да се оперира, овој пат поради повреда на грбот, за што повторно ќе мора да паузира неколку месеци. Барселона планираше да го искористи медицинскиот извештај како доказ дека Германецот нема да игра најмалку четири месеци, што би им овозможило да не го регистрираат за првиот дел од сезоната, туку да го искористат за да ги регистрираат Маркус Рашфорд и Џоан Гарсија.

Но, голманот го шокира клубот. Најпрвин одби трансфер во друг клуб, а потоа свесно и намерно во објава на мрежите прецизираше дека ќе паузира три месеци (што е токму на штета на Барселона), Германецот одби и да ги испрати медицинските извештаи до комисијата на Ла Лига.

Правилата велат дека Ла Лига има право да не регистрира играч поради пауза од најмалку четири месеци, но со целата потребна документација, која Тер Штеген одбива да ја испрати.

Барселона се надева дека Германецот ќе размисли повторно, бидејќи на овој начин дополнително го навлекува гневот на навивачите, намерно блокирајќи го тимот, бидејќи новиот прв голман Џоан Гарсија сè уште не може да биде регистриран, но не може да биде регистриран и вториот голман Војчех Шчесни.

Барселона покрена дисциплинската постапка против голманот. Исто така, клубот реши да му ја одземе капитенската лента.

Во новата сезона капитен ќе биде Френки Де Јонг, а негови заменици Рафиња, Педри и Роналд Араухо.

Португалскиот фудбал, вчера, доживеа нова трагедија. На 54-годишна возраст почина чегендарниот капитен на Порто, Жорге Кошта.

Кошта почина откако доживеал срцев удар по појавувањето во ТВ емисија, а лекарите не успеаја да го спасат по хоспитализацијата.

Португалецот беше легендарниот стопер и капитен на Порто, кој го предводеше тимот до титулата во Лигата на шампионите во 2004 година, кога „Змејовите“ сензационално стигнаа до врвот на Европа.

Кошта беше и репрезентативец на Португалија, за која играше 50 пати, а за Порто имаше речиси 400 настапи.

Веста за неговата смрт особено тешко го погоди Жозе Мурињо, португалски стручњак кој долго време работеше со Кошта и беше тренер на Порто во споменатата 2004 година.

Мурињо ја одржа својата најтажна прес-конференција во кариерата, на која не можеше да ги запре солзите. Тренерот им се обрати на новинарите пред мечот на Фенербахче Феенорд во Ротердам вечерва.

Мурињо добар дел од своето обраќање му го посвети на својот починат пријател.

Foto/ EPA/GEORGI LICOVSKI

Првиот пораз на Шкендија оваа сезона во квалификациите за пласман во Лигата на шампионите, мина во знакот на националистичките испадни на трибините.

Шкендија загуби од Карабаг со 0:1. Бајрамов го постигна единствениот гол од пенал во 18.минута, откако претходно Вебстер направи наивен прекршок на линијата од 16 метри.

Она што требаше да биде спектакл се претвори во испраќање политички и националистички пораки. Навивачката група „Балисти“ го почна скандирањето, со испраќање на националистичките пораки, кое потоа беше прифатено од најголемиот дел од гледачите на стадионот.

Од трибините се испраќаа пораки за „Илирида“, повици за „Голема Албанија“, „Чемерија“…

Сега на потег се МВР и Ообвинителството. Се очекува брза реакција, како во случајот од пред неколку дена кога имаше националистички скандирања на кошаркарскиот натпревар меѓу Македонија и Романија.