Јужноамериканските великани Бразил и Аргентина доживеаја порази во последното коло, во квалификациите за пласман на Светското првенство. Натпреварите во Еквадор и Боливија немаа никакво значење за двете селекции, но дуелот во Боливија им значеше на домаќините, кои со „помош“ на Колумбија, дојдоа до седмата позиција и место во Интерконтиненталниот бараж.

Карло Анчелоти го доживеа првиот пораз како селектор на Бразил. „Селесао“ одигра лош натпревар во Боливија, загуби со гол од пенал во четвртата минута од надополнувањето на времето во првото поливреме.

Пеналот во гол го претвори Мигелито, инаку член на бразилската второлигашка екипа Америка Минеиро, која моментално се бори за опстанок. Со оваа победа, Боливија се квалификуваше за плејофот и ќе се обиде да стигне до првото учество на Светското првенство од 1994 година.

Боливија ќе оди во меѓуконфедерацискиот плејоф во март 2026 година во Мексико, каде што уште две репрезентации од КОНКАКАФ и по една од Азија, Африка и Океанија ќе учествуваат на мини-турнирот.

Двојките се одредени според ранг-листата на ФИФА и засега не се познати бидејќи квалификациите се уште се во тек на другите континенти.

И Аргентина загуби со гол од пенал, длабоко во судиското надополнување на времето во првот полувреме. Голот за Еквадор го постигна Валенсија. Аргетнина од 31.минута ираше со играч помалку, Отаменди доби црвен каротн, а силите на теренот беа израменти во 50.минута кога поради два жолти картони беше исклучен Каиседо.

Венецуела не успеа да остане на седмата позиција, откако доживеа дебакл на домашен терен од Колумбија (3:6). Блескаше новиот напаѓач на Спортинг Луис Суарез кој постигна четири гола од 42. до 67.минута.

Резултати:

Еквадор – Аргентина 1:0 (1:0)
/Валенсија пенал 45+13/

Венецуела – Колумбија 3:6 (2:2)
/Сеговија 3, Мартинез 12, Рондон 76 – Мина 10, Суарез 42, 50, 59, 67, Кордоба 78/

Боливија – Бразил 1:0 (1:0)
/Мигелито пенал 45+4/

Чиле – Уругвај 0:0

Перу – Парагвај 0:1 (0:0)
/Галарса 78/

Табела: