Натпреварот од италијанската Серија А помеѓу Милан и Комо ќе се игра во Австралија, бидејќи стадионот „Сан Сиро“ ќе биде зафатен поради отворањето на Зимските олимписки игри во 2026 година, а натпреварот од шпанската Ла Лига помеѓу Барселона и Виљареал ќе се игра во Мајами.

Првиот човек на европскиот фудбал, Александар Чеферин, зборуваше за оваа тема пред повеќе од еден месец, а сега реши да го изнесе својот став во официјална форма.

Како што објавија светските медиуми, Европската фудбалска унија е решена да се спротивстави на трендот на играње натпревари од националните првенства надвор од границите на земјата, поради што одлучи да заземе цврст став.

Имено, германскиот „Билд“ носи информација дека УЕФА напишала писмо и го испратила на адресата на сите 55 фудбалски асоцијации што работат под нејзин покровителство и ги предупредила повеќе да не прават такви работи. Или попрецизно – да не превземаат ништо без претходна консултација со УЕФА.

„Ова е комплексно прашање кое може да има далекусежни последици и не се однесува само на споменатите асоцијации. Со оглед на чувствителноста на ова прашање, ве молиме не закажувајте вакви натпревари без претходна консултација со УЕФА“, се вели, меѓу другото, во писмото на УЕФА.

Медиумите понатаму наведуваат дека ова прашање ќе биде подетално разгледано на следниот Извршен комитет на УЕФА, кој ќе се одржи на крајот од годината.

Фото/ Принтскрин

Поранешниот германски селектор Јоаким Лев (65) остро ги критикуваше плановите за проширување на Светското првенство во 2030 година на 64 репрезентации. „Тотално преувеличено“, изјави Лев за телевизиската станица „Нитро“.

„Пред половина година слушнав дека ФИФА зборува за ова и дека ги туркаат таквите планови. Првенство со 48 репрезентации го намалува квалитетот. Здравјето и квалитетот на играчите секогаш мора да бидат на прво место. Оваа идеја е многу критична“, додаде Лев, кој го освои Светското првенство во Бразил во 2014 година со Германија.

За прв пат, 48 репрезентации ќе учествуваат на следното СП во САД, Канада и Мексико следната година, но веќе има планови за проширување на СП во 2030 година, кое ќе се игра во дури шест земји (Шпанија, Португалија, Мароко, Аргентина, Уругвај, Парагвај).

Идејата за проширување на 64 репрезентации најмногу ја застапува јужноамериканската фудбалска федерација КОНМЕБОЛ.

„Се надевам дека националните тимови со понизок квалитет нема да ме обвинат, но на Светските или Европските првенства, гледачите сакаат да гледаат натпревари на највисоко ниво“, рече германскиот стручњак, кој ја водеше Германија 15 години.

Доколку Меѓународната фудбалска федерација (ФИФА) го прошири форматот на натпреварувањето на 64 национални тимови, тогаш за време на шестнеделното натпреварување ќе има 128 натпревари на распоредот, што, според Лев, е сосема бесмислено.

Иако имаше гласини дека Европската фудбалска унија (УЕФА) ќе ги исклучи израелските тимови од своите натпреварувања, тоа не се случи.

Израел може да здивне, објавуваат локалните медиуми, бидејќи по неколку недели притисок од разни држави, предводени од Катар, нема да има исклучување од натпреварувањето на УЕФА. Барем не засега.

Како што пишува „Израел Хајом“, исклучувањето на Израел – репрезентацијата и клубовите – од натпреварувањето на УЕФА во моментов не е на дневен ред на оваа организација, најмногу поради контрапритисокот од Соединетите Американски Држави.

Оваа одлука дојде веднаш пред првиот натпревар на Макаби од Тел Авив во Лигата на Европа, во кој ремизираа со ПАОК во Солун без голови.

Да ве потсетиме дека по почетокот на војната во Украина, УЕФА брзо ја исклучи Русија во 2022 година, но тоа не е случај сега со Израел, и покрај она што моментално се случува на Блискиот Исток.

Foto/ EPA