Спорт
Анчелоти: Абрамович ми даде отказ зошто го сменив неговиот омилен играч
Карло Анчелоти откри како Роман Абрамович му го отежнал животот во Челси и зошто на крајот го остави без тренерската позиција.
Карло Анчелоти е еден од најуспешните фудбалски менаџери во историјата, но признава дека неговото време во Челси било поинакво од сите други ангажмани.
Славниот италијански тренер открива во својата нова автобиографија дека животот под рускиот олигарх Роман Абрамович бил постојана борба, која имала малку врска со фудбалската слобода.
„Абрамович беше како упорна сенка која секој ден стоеше над мене“, напиша Анчелоти.
Анчелоти пристигна на „Стемфорд Бриџ“ во 2009 година и на клубот му донесе титула во Премиер лигата и ФА куп уште во првата сезона. Се очекуваше тоа да биде долгогодишен проект, но реалноста беше поинаква.
„Имав фантастични моменти во Челси, но чувствував дека секој триумф е само почеток. Со Абрамович не можеше да се дише“, се сеќава Италијанецот.
И покрај историската двојна круна, следеше сурова реалност. Челси не успеа да ја одбрани титулата и испадна од Лигата на шампионите во четвртфиналето против Манчестер Јунајтед. Анчелоти веднаш беше разрешен, точно во ходникот на стадионот на Евертон.
Според Анчелоти, она што Абрамович го разликувало од другите сопственици бил неговиот пристап.
„По поразот од Виган во септември, тој веќе следниот ден беше лично на тренинг. Бараше објаснувања како да е дел од тренерскиот тим. Ниту еден друг сопственик, било тоа Берлускони, Ал-Келаифи или Перез, не беше толку вклучен во секојдневната работа.“
Абрамович бил опседнат со еден трофеј, Лигата на шампионите.
„Јасно даде до знаење дека неговата цел е Европа. Премиер лигата или домашните натпреварувања не му беа доволни“, додава Италијанецот.
Тешката ситуација ја дополнуваше и фактот што клубот пред Анчелоти го водеше Жозе Мурињо, со кого Абрамович прекина соработката во 2007 година. Меѓутоа, Португалецот веднаш се потсети – токму неговиот Интер го елиминираше Челси од натпреварувањето во 2010 година.
„Триумфот на Мурињо беше проблем за мене. Требаше да бидам спротивност на Мурињо, да докажам дека неговата ера завршила. Но, натпреварите со Интер покажаа спротивно и тоа ја ослабна мојата позиција“, призна Анчелоти.
Клучниот момент се случи една година подоцна. Челси се соочи со Манчестер Јунајтед во четвртфиналето на Лигата на шампионите, а Анчелоти одлучи да го замени Фернандо Торес на полувреме. Шпанецот, кој беше потпишан за рекордни 50 милиони фунти, не беше во форма.
„Торес се бореше сам со себе, му беа тешки и главата и нозете“, се сеќава Анчелоти.
„Знаевме дека му треба време, но мене ми требаше резултат.“
Абрамович го доживеал овој потег како лична навреда.
„Замената на Торес беше директен сигнал до сопственикот. Во тоа време заборавив дека сопственикот никогаш не можеш да го победиш“, пишува тренерот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Грција и Белорусија им ги расипаа сметките на Данска и Шкотска
Драмата во Групата Ц, за пласман на Светското првенство ќе продолжи до самиот крај.
Данска и Шкотска се репрезентациите кои во претпоследното коло влегоа со 10 поени. На Днците им требапе победа, но кикснаа во Копенхаген против Белорусија, додека Шкотите загубија во Атина од Грција.
Грците ги победија Шкотланѓаните со 3:2 (1:0) во возбудлив натпревар, домашната екипа немаше што да изгуби, а избраниците на Иван Јовановиќ успеаја да слават голема победа на крајот, победа која дава самодоверба и ништо повеќе од тоа.
Грција нема шанси да се пласира во следната фаза, Шкотланѓаните ќе бараат победа во последното коло против Данска за да се квалификуваат за Светското првенство. Реми ќе им одговара на Данците.
Данците, против аутсајдерот Белорусија запошнаа според планот, со гол на Дамсгард во 11-та минута.
Вистонски шок фаворитите доживеаја во вториот дел. Два гола постигнаа Белорусите за само три минути. Стрелци беа Громико и Демченко.
Напаѓаше Данска до самиот крај, но само успеа да избегне пораз со голот на Исаксон во 79-та минута.
За три дена во решавачкиот меч, Шкотска ќе ја пречека Данска.
Спорт
(Видео) БиХ обезбеди бараж, во вторник ќе брка директен пласман на СП
Фудбалерите на Босна и Херцеговина ја победија Романија по пресвртот во Зеница со 3:1 во натпреварот од претпоследното коло, од Групата Х од европските квалификации за Светското првенство.
Избраниците на Сергеј Барбарез знаеја дека мора да слават за да не зависат од другите, и тоа на крајот го направија. По втор пат во овој циклус ги победија Романците и обезбедија барем место во плејофот со 16 бода.
Но, во вторник, во последното коло, БиХ ќе гостува во Австрија, која има два бода повеќе. На БиХ ќе им биде потребна победа за да се пласираат на Светското првенство.
Романија доживеа катастрофален неуспех во оваа група, но покрај тоа, ќе бидат дел од плејофот, преку Лигата на нации. Сепак, поради фактот што не беа ниту втори во оваа група во ждрепката за плејофот, Романците ќе бидат во последниот шешир и во полуфиналето ќе му гостуваат на некој од носителите.
Што се однесува до натпреварот Бирлиѓа и донесе предност на Романија во 17-та минута, а до крајот на полувремето Романците не ги искористија шансите да го решат мечот. Ман промаши две идеални шанси за зголемување на предноста.
Лидерот на БиХ, Џеко изедначи во 49-та минута, а кога Драгомир во 68-та доби црвен картон, Босанците тргнаа во целосна иницијатива.
Во 80-та спектакуларен гол постигна Бајрактаревиќ за 2:1, а точка на големата победа стави Табаковиќ во 94-та минута.
⚽️ GOAL | Bosnia & Herzegovina 2-1 Romania | World Cup Qualification
Bosnia & Herzegovina is dominating with an incredible goal by Esmir Bajraktarević ⚽️!#BosniaHerzegovina #Romania #BOSROM #Footballpic.twitter.com/4DMyjmyTRu
— goalpostX (@GoalpostX) November 15, 2025
Спорт
Алкараз закажа финале со Синер на Завршниот Мастерс
Карлос Алкараз го победи Феликс Оже-Алијасим со 6:2, 6:4 и ќе се бори за својот прв трофеј на Завршниот Мастерс во Торино. Противник во финалето ќе му биде Јаник Синер.
Канаѓанецот речиси и да немаше шанси да му наштети на Алкараз, кој му дозволи само една брејк шанса во текот на мечот. Феликс не ја искористи, додека првиот рекет на планетата во најголем дел ги реализираше своите шанси.
Во првиот сет, прилично конфорни 6:2, во вториот, понеизвесни 6:4. Немаше брејк-топки сè до десеттиот гем кога 25-годишникот од Монтреал сервираше за да остане во мечот.
Секако, Оже-Алијаси може да биде задоволен од феноменалната форма што ја покажа во втората половина од сезоната. На следната АТП листа, тој ќе биде на петтата позиција, што ќе биде неговиот најдобар пласман во кариерата. Убав финиш по титулата во Брисел, полуфиналето на Отвореното првенство на САД и финалето на Мастерсот во Париз.

