Градскиот совет на Милано ја одобри продажбата на стадионот „Сан Сиро“ на Интер и Милан, што им овозможува да го продолжат проектот за рушење на голем дел од постоечкиот стадион и изградба на помодерен и понов.

По повеќе од 11 часа дискусија, која вклучуваше 239 амандмани, Градскиот совет на Милано ја одобри продажбата на стадионот и околното земјиште со вкупна површина од 28 хектари во сопственост на градот, утрово во 3:46 часот, кога 24 советници гласаа за продажбата, 20 гласаа против, а двајца советници беа воздржани.

Гласањето беше обележано со жестоки дебати, неколку советници од Демократската партија гласаа за предлогот, додека други ги критикуваа претседателите на клубовите Бепе Марота и Паоло Скарони.

Еден советник ги нарече претседателите на клубовите од Милано стари, по нивните критики кон политиката. Форца Италија се воздржа, признавајќи дека предлогот е погрешен, но дека проектот од 1,2 милијарди евра ќе ги зголеми работните места, инфраструктурата и ќе го обнови градот.

Нивната воздржаност го намали прагот потребен за мнозинство гласови, што се покажа како клучно за усвојување на предлогот.

Милан и Интер ќе платат 197 милиони евра за постојниот стадион и околните паркинг места каде што планираат да изградат нов стадион што ќе продолжат да го делат. Новиот „Сан Сиро“ со капацитет од 71.000 седишта треба да биде завршен во 2031 година и ќе ги чини клубовите 1,2 милијарди евра.

Сегашниот стадион „Сан Сиро“, познат и како „Џузепе Меаца“, со капацитет од 75.000 седишта, еден од најважните во европскиот фудбал, е отворен во 1926 година и оттогаш е реновиран неколку пати.

Ќе биде срушен во најголема мера, а остатоците од стадионот, од кои една трибина е заштитена зграда, ќе бидат интегрирани во проект за недвижности за канцеларии и спортски објекти.

„Сан Сиро“, ќе биде домаќин на церемонијата на отворањето на Зимските олимписки игри во Милано и Кортина во февруари, а целта е новиот стадион да биде подготвен за Европското првенство во 2032 година, кое Италија ќе го организира заедно со Турција.

Вечерва со девет натпревари ќе биде отворено второто коло во Лигата на шампионите. Апсолутно дерби во оваа рунда е утрешната пресметка меѓу Барселона и актуелниот шампион ПСЖ.

Интересно ќе биде во Алмати, каде што Каријат ќе го пречека Реал Мадрид. Играчите на Реал бараат рехабилитација за тешкиот пораз во градското дерби против Атлетико. Пред нив е тежок меч бидејќи до Казахстан патуваа осум часа.

Сепак, Реал Мадрид е голем фаворит во овој натпревар.

Интересно ќе биде и во Лондон, каде што Челзи ја пречекува екипата на Бенфика, на чија клупа седи најуспешниот менаџер во историјата на „сините“, Жозе Мурињо.

Лига шампиони, вторник:

18:45 Аталанта – Клуб Бриж
18:45 Каират Алмати – Реал Мадрид
21:00 Атлетико Мадрид – Ајнтрахт Франкфурт
21:00 Бодо/Глимт – Тотенхем
21:00 Челзи – Бенфика
21:00 Галатасарај – Ливерпул
21:00 Интер – Славија Прага
21:00 Марсеј – Ајакс
21:00 Пафос – Баерн Минхен

Хулијан Алварез, бавно влезе во новата сезона, но експлодираше во последните две рунди. Во средата постигна хет-трик против Рајо Ваљекано, а во саботата со два гола помогна в демолирањето на Реал.

Тренерот на Атлетико Мадрид, Диего Симеоне, не штедеше на комплименти опишувајќи како игра полуларниот Арања (Пајак). Логично е дека постои голем интерес за Алварез, кој минатото лето во трансфер што може да достигне вредност од 95 милиони евра пристигна од Манчестер сити во Атлетико.

Од Атлетико на конкурентите им порачаа дека Аргентинецот е недопирлив.

🚨 Barcelona sources think Atlético Madrid would demand around €200M for Julián Alvarez.

(Source: @sport) pic.twitter.com/q66CTcjhj3

— Transfer News Live (@DeadlineDayLive) September 29, 2025

Барселона би сакала да купи сè, но ако е можно без пари. Каталонците имаат проблем со финансиите, но сакаат да го доведат Ерлинг Холанд во своите редови. Но тое се рапрашуваат и за Хулијан Алварез. Поранешниот напаѓач на Манчестер сити би можел да замине од Атлетико но за не помалку од 200 милиони евра.

Алварез постигна шест гола на седум натпревари во Ла Лига од почетокот на сезоната. Аргетнинецот има договор со Атлетико до јуни 2030 година, клаузулата за откуп на неговиот договор изнесува 500 милиони евра.