Свет
Хамас ги врати телата на уште четворица заложници, Израел се закани со одмазда
Хамас ги врати телата на уште четири израелски заложници, потврди израелската војска (ИДФ). Телата се идентификуваат, а останките беа собрани во ковчези од страна на членови на Црвениот крст и предадени на израелската армија вчера вечерта.
Размената се случи откако Израел се закани дека ќе ја ограничи хуманитарната помош за Газа сè додека Хамас не ги врати телата на сите 28 заложници за кои се знае дека се убиени. Палестинската вооружена група во понеделник предаде 20 живи и четири мртви заложници.
Во исто време, Црвениот крст објави дека Израел ги вратил телата на 45 Палестинци кои биле држени во израелските затвори во Газа, објави Би-би-си.
Првите четворица убиени заложници, чии тела Хамас ги предаде во понеделник, беа идентификувани како 22-годишниот Даниел Перец, 53-годишниот Јоси Шараби, 26-годишниот Гај Илуз и 23-годишниот Непалец Бипин Џоши. Израелските одбранбени сили соопштија дека процесот на идентификација на новопредадените тела е сè уште во тек.
Според планот за прекин на огнот предложен од американскиот претседател Доналд Трамп и прифатен од Израел и Хамас, размената на сите 48 заложници требаше да заврши до пладне во понеделник.
Иако сите живи заложници се вратени, притисокот врз Хамас и израелската влада се зголемува поради 20-те тела што сè уште не се вратени. Палестинците стравуваат дека одложувањето на предавањето може да го загрози кревкото примирје и продолжувањето на преговорите.
„Хамас мора да го исполни својот дел од договорот и да ги направи потребните напори за да ги врати телата на сите заложници на нивните семејства за достоинствен погреб“, соопшти Израелските одбранбени сили.
Израелскиот министер за одбрана предупреди дека „секое одложување или избегнување ќе се смета за грубо кршење на договорот“ и дека Израел „ќе одговори соодветно“.
Поради прекршувањата на прекинот на огнот, израелските власти одлучија да ја ограничат испораката на хуманитарна помош и да го одложат отворањето на граничниот премин Рафа со Египет. Хамас тврди дека има тешкотии во лоцирањето на телата на убиените заложници.
Според израелските медиуми, во текстот на договорот се наведува дека и Хамас и другите палестински фракции однапред предупредиле дека можеби нема да можат да ги пронајдат сите тела во предвидениот рок.
Израелски функционер објави дека меѓународна работна група наскоро ќе започне со потрага по останките на заложниците кои не се вратени. „Голем товар е отстранет, но работата не е завршена. Телата не се вратени како што беше ветено! Втората фаза започнува веднаш!“, објави Трамп на Икс.
фото: принтскрин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Келог: Мировниот договор за Украина е „многу близу“, клучни остануваат Донбас и Запорожје
Специјалниот претставник на САД за Украина, Кит Келог, изјави дека договорот за прекин на војната во Украина е „навистина блиску“ и дека сега зависи од решавањето на две големи отворени прашања – иднината на украинскиот регион Донбас и нуклеарната централа Запорожје.
Келог, кој треба да се повлече од функцијата во јануари, кажа дека напорите за решавање на конфликтот влегле во „последните 10 метри“, што, како што забележа тој, е секогаш најтешкиот дел.
Двете главни нерешени прашања, рече Келог, се однесуваат на територијата – првенствено на иднината на Донбас – и иднината на украинската нуклеарна централа Запорожје, најголемата во Европа, која е под руска контрола.
„Ако ги решиме овие две прашања, мислам дека и останатите работи ќе бидат решени доста добро“, рече Келог.
Според првичните американски предлози, нуклеарната централа Запорожје би била рестартирана под надзор на Меѓународната агенција за атомска енергија (МААЕ), а произведената електрична енергија би била подеднакво поделена меѓу Русија и Украина.
Свет
(Видео) Обид за државен удар во Бенин: војска упадна во националната телевизиска станица
Група војници во западноафриканската држава Бенин, која себе се нарекува Воен комитет за обнова, под команда на потполковникот Паскал Тигри, денеска соопшти дека ја презеле националната телевизиска станица, дека претседателот Патрис Талон е отстранет од функцијата, а сите државни институции се распуштени.
NEW: Soldiers tried and failed to overthrow President Patrice Talon in Benin.
Coup plotters briefly seized state TV in Cotonou and announced a junta, but loyalist forces reportedly retook control within hours.
Talon was evacuated safely. pic.twitter.com/AVCAdphsyH
— Clash Report (@clashreport) December 7, 2025
Сепак, министерот за надворешни работи, Олушегун Аџади Бакари, соопшти дека лојалистички војници и националната гарда ја презеле контролата, и дека претседателот е безбеден.
Обидот за пуч се случи додека се подготвуваат претседателските избори, кои треба да го означат крајот на мандатот на Талон, на власт од 2016 година. Владината коалиција го номинираше министерот за финансии Ромуалд Ваданџи за свој кандидат, кој, доколку победи, ќе ја продолжи актуелната економска политика на државата.
Свет
(Фото+видео) Сериозен инцидент на аеродромот Хитроу во Лондон: еден уапсен, неколкумина повредени
Службите за итни случаи и полицијата интервенираа на аеродромот Хитроу во Лондон поради „сериозен инцидент“ кој се случи утрово.
Според локалните медиуми, неколку лица се повредени, а итната помош ги префрли во болница.
Лондонската полиција соопшти дека група мажи испрскале неколку лица со „некаков вид спреј со бибер“, по што го напуштиле местото на настанот. Едно лице е уапсено под сомнение за напад, а истрагата продолжува за да се пронајдат останатите осомничени.
MAJOR INCIDENT DECLARED AT HEATHROW AIRPORT
DMs are open if you have more information. pic.twitter.com/1CEbSHuU6e
— British Intel (@TheBritishIntel) December 7, 2025
Полицијата и вооружените единици пребаруваа паркинг на аеродромот.
„Во оваа фаза, веруваме дека во инцидентот учествувала група луѓе кои се познаваат, а расправијата ескалираше и резултираше со повреди на неколку лица. Не го третираме овој инцидент како тероризам“, изјави полицискиот командант Питер Стивенс.
Инцидентот предизвика привремени прекини во работењето на метрото и железницата околу аеродромот.

