Спорт
(Видео) Јувентус нокаутиран во Комо

Фудбалерите на Јувентус продолжија со неубедливите партии под водство на Игор Тудор. По серијата нерешени резултати, претрпеа тежок пораз на гостувањето кај Комо со 2:0 (1:0). Јувентус го претрпе првиот пораз во лигата против Комо од 1951 година.
Хрватскиот стручњак повторно остана тврдоглаво доследен на одлуката да го форсира Џонатан Дејвид во почетниот состав, наместо Душан Влаховиќ.
Канаѓанецот и овој пат го одигра целиот натпревар, додека Влаховиќ влезе во игра во 78-та минута. И повторно, тој беше поопасен за голот на Комо отколку неговиот соиграч од нападот.
Но, покрај тие двајца, целиот тим на „старата дама“, кој го предводи Тудор, одигра катастрофално, на границата на скандалозно. Без никаква идеја, енергија и речиси никаква волја да се промени нешто против тим кој сигурно не е наивен, но не треба да биде толку доминантен како што беше случај денеска.
Домашниот тим целосно ги контролираше настаните, играта, па дури и резултатот, кој беше на нивна страна од почеток до крај.
Поточно, од 4-та минута, кога Марк Оливер Кампф постигна гол за 1:0, избраниците на Сеск Фабрегас го заклучија својот гол и целосно го надиграа фаворизираниот ривал.
Во второто полувреме, Јувентус „дури и не се појави“ на теренот, а само минута откако Влаховиќ влезе на теренот, играчите на Комо изведоа беспрекорен контра напад, а прекрасен гол постигна Нико Паз за конечни 2:0.
Двата тима сега имаат ист број бодови, по 12 и се наоѓаат на делба на петтата позиција на табелата.
Foto/ EPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Агонијата на Ливерпул трае, Манчестер јунајтед победи на „Енфилд“

Манчестер јунајтед го доби најголемото дерби во англискиот фудбал. На „Енфилд“, Јунајтед го победи Ливерпул со 2:1. Прв пат во ерата на Рубен Аморим, Манчестер јунајтед забележа две победи по ред во Премиер лигата. Ливерпул потврди дека е во криза, има четири порази во низа, три од нив се во првенството. Голот за победа со кој Јунајтед победи во Ливерпул за прв пат по ноември 2014 година, го постигна Хари Мегваер во 83-та минута.
Јунајтед експресно дојде до предност, по само 61 секунда, по додавањето од Диало, стрелец беше Мбеумо.
Ливерпул во првиот дел не блескаше, но имаше две големи шанси, преку Гакпо. Репрезентативецот на Холандија два пати ја погоди стативата. Во овој дел од играта, шанса за Јунајтед имаше Бруно Фернандеш.
Вториот дел апсолутно му припадна на Ливерпул. Целосна иницијатива, шанса за Исак, потоа и за Салах, два опасни удари на Екетике. Домаќините изедначија во 78-та минта, мешаница пред голот ан Јунајтед, а Гакпо од пет метри ја спроведе топката во голот.
Холанѓанецот три минути подоцна од чиста позиција, по центаршутот на Фримпонг, од пет метри ја испрати топката крај голот.
Казната дојде во следниот напад. Ливерпул одбрани корнер, но топката пред голот ја врати Фернандеш. Мегваер највсокот скокна и го совлада Мамардашвили.
До крајот Ливерпул притисна со сите сили, Јунајтед сепак успеа да се одбрани.
Спорт
(Видео) Пресврт и победа на Астон Вила кај Тотенхем

Во натпреварот од осмото коло од Премиер лигата одигран во Лондон, Астон Вила го победи Тотенхем како гостин по пресвртот со 2:1.
Астон Вила имаше лош почеток на сезоната, дури под знак прашалник беше и иднната на менаџерот Унаи Емери, но во последниот месец екипата игра повторно игра како во своите најдобри денови.
Тимот од Бирмингем продолжи да победува и по репрезентативната пауза. Веќе има три по ред кога е во прашање лигата, а последниот е особено импресивен, запишан против сериозен ривал и тоа на негов терен.
Почетокот не ветуваше за гостите. Веќе во петтата минута, Тотенхем поведе по одлична акција на Кудус и Палиња, стрелец беше Родриго Бетанкур. Две минути подоцна Кудус ја затресе мрежата. Сепак, голот беше поништен поради офсајд.
Тотенхем беше подобар противник во тие моменти, тие ги контролираа настаните на теренот. А потоа шок во 37-та минута. Морган Роџерс демонстрираше каков шут има, Викарио беше немоќен.
Мудро, Астон Вила чекаше Тотенхем да се отвори и да остави простор во одбраната. Резервата Емилијано Буендија искористи една таква ситуација. Аргентинецот ја погоди малата мрежа со исклучително прецизен удар во 77-та минута и донесе целосен пресврт. Пресврт кој на крајот ѝ донесе на Астон Вила три големи бода.
Спорт
Медведев го прекина постот долг 29 месеци

Данил Медведев го освои турнирот од серијата 250 во Алмати, Казахстан. Рускиот тенисер во финалето го победи со 2:1 (7:5, 4:6, 6:3). Финалето траеше два часа и 38 минути.
Медведе, направи нешто добро оваа година, која за него до турнирот во Алмати беше кошмарна. Трофејот во Казахстан е прва титула за Медведев по Рим во 2023 година, односно по 29 месеци.
Финалниот натпревар во Алмати беше полн со пресврти. Медведев го доби првиот сет со 7:5 во неизвесна завршница. Откако Муте направи брејк во првиот гем, Медведев финишираше со два брејка.
Французинот успеа да се врати и да го земе вториот сет со резултат од 6:4, исто така со два брејка.
Во решавачкиот трет сет, сепак, Медведев демонстрираше малку повисока класа, направи брејк во осмиот гем и потоа лесно го заврши мечот.
Турнирот во Алманио се игра на тврда подлога и припаѓа на серијата АТП 250, но секако оваа титула доаѓа како големо за рускиот тенисер.