Свет
ЕУ воведува нови правила за возачки дозволи
Европскиот парламент ги поддржа новите правила на ЕУ за возачки дозволи, кои сега треба да важат 15 години, а за возачите почетници ќе се воведе двегодишен пробен период со построги правила и санкции, објавија медиумите во регионот.
Европскиот парламент ги одобри ревидираните правила на ЕУ за возачки дозволи, вклучувајќи одредби за нови возачи, дигитални дозволи и забрани за возење, на пленарна седница во Стразбур. Новите правила имаат цел да ја зголемат безбедноста на патиштата и да го намалат бројот на сообраќајни несреќи, кои одземаат речиси 20.000 животи годишно, соопшти Европскиот парламент (ЕП).
Стекнувањето возачка дозвола сега мора да вклучува и тестови за познавање на мртвите точки, системите за помош на возачот, безбедното отворање на вратите и опасностите од користење мобилен телефон додека возите. Благодарение на барањата на европратениците, поголем акцент ќе се стави на свеста за ризиците за пешаците, децата, велосипедистите и другите ранливи учесници во сообраќајот за време на обуката и тестирањето, соопшти ЕП.
Времетраење на возачките дозволи
Возачките дозволи за автомобили и мотоцикли треба да важат 15 години, но на земјите членки им е дозволено да го намалат рокот на важење на 10 години ако дозволата служи и како документ за лична идентификација.
Возачките дозволи за камиони и автобуси ќе важат пет години. Земјите членки може да го скратат рокот на важење за возачите над 65 години за да бараат почести медицински прегледи или курсеви за освежување на знаењето. Возачите треба да се подложат на медицински преглед, вклучувајќи преглед на видот и на кардиоваскуларниот систем, првиот пат кога ќе бидат издадени или обновени.
На земјите членки им е дозволено да бараат од возачите на автомобили и мотоцикли да пополнат формулар за самооценување наместо медицински преглед или да воспостават национален систем за процена на нивната способност за возење.
Построги правила за неискусни возачи
Првпат правилата на ЕУ утврдуваат пробен период од најмалку две години за неискусните возачи. Тие исто така ќе бидат предмет на построги правила и санкции за возење под дејство на алкохол и некористење безбедносни појаси или детски безбедносни седишта.
Покрај тоа, 17-годишниците ќе може да добијат возачка дозвола за автомобил (категорија Б), но до 18 години ќе мора да бидат придружени од искусен возач.
За да се ублажи недостигот од професионални возачи, новите правила им дозволуваат на 18-годишниците да добијат дозвола за возење камион (категорија Ц) и на 21-годишниците да возат автобус (категорија Д) под услов да поседуваат сертификат за професионална компетентност. Инаку, минималната возраст за издавање вакви дозволи е 21 и 24 години, соодветно.
Соработка меѓу националните власти
За да се спречи избегнување казни изречени во странство, информациите за одземање или ограничување возачка дозвола ќе бидат доставени до земјата членка што ја издала за целите на прекугранично спроведување казни.
Националните власти ќе мора да се информираат меѓусебно без непотребно одложување за забраните за возење изречени за најтешките сообраќајни прекршоци, вклучително и возење под дејство на алкохол или дрога, учество во фатална несреќа и пребрзо возење (на пример, возење со брзина од 50 км/ч над дозволената).
Новите правила предвидуваат дека дигиталната возачка дозвола, достапна на мобилен телефон, постепено ќе стане главен формат за возачки дозволи во ЕУ. Сепак, европратениците обезбедија граѓаните да може да побараат физичка дозвола доколку сакаат, која ќе биде издадена без непотребно одложување, обично во рок од три недели.
Ревидираните правила се дел од пакетот за безбедност на патиштата
Новите правила ќе стапат во сила 20 дена по нивното објавување во „Службен весник“ на Европската Унија. Земјите членки ќе имаат три години да ги воведат во националното законодавство и дополнителна година да се подготват за нивно спроведување.
Ревидираните правила на ЕУ за возачки дозволи се дел од пакетот за безбедност на патиштата, презентиран од Комисијата во март 2023 година. Неговата цел е да се подобри безбедноста на сите учесници во сообраќајот и да се приближи што е можно поблиску до нула смртни случаи на патиштата до 2050 година, потсетува Европскиот парламент.
Фото: принтскрин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Околу 130.000 домаќинства и компании во Сан Франциско останаа без струја
Околу 130.000 домаќинства и компании во американскиот град Сан Франциско вчера останаа без електрична енергија. Напојувањето со електрична енергија постепено се стабилизира и сега речиси 20.000 потрошувачи се без струја.
Електрична енергија немаше во северниот дел од градот, поради што беа затворени голем број продавници и ресторани, а нарушен беше и градскиот транспорт.
Компанијата „Пацифик гас енд електрик“ ((Pacific Gas and Electric, PG&E), соопшти дека се истражува причината за масовниот прекин на електричната енергија, додавајќи оти се стабилизира електричната мрежа и не се очекуваат нови прекини.
Според противпожарната служба, дел од прекините беа предизвикани од пожар што избувна во потстаница на ПГ&Е.
Свет
Зеленски бара уште една средба со европските сојузници
Претседателот на Украина, Володимир Зеленски денеска изјави дека поддржува да се одржи нова средба со европските сојузници по состанокот на украинската делегација и американските претставници во Мајами, Флорида.
Постои општо чувство дека по работата на нашиот дипломатски тим во САД, сега треба да одржиме консултации со европските партнери во поширок формат, објави Зеленски на платформата Икс, по телефонскиот разговор со норвешкиот премиер Јонас Гар Сторе.
Зеленски разговорите во Мајами ги опиша како конструктивни и оти е забележан брз напредок.
Тој обвини дека Русија не сака да ја заврши војната и за една недела руските сили употребиле речиси 1.300 борбени дронови, околу 1.200 бомби и девет крстосувачки и други ракети врз Украина.
Свет
По повеќе од 400 години данската пошта прекинува со достава на писма
Данската пошта денеска соопшти дека на 30 декември ќе ја изврши последната достава на писма, со што се завршува традицијата долга повеќе од 400 години, која датира уште од 1624 година.
Причината за потегот е тоа што во текот на последните 25 години испраќањето писма драстично опадна – за повеќе од 90 отсто.
„PostNord“, компанијата која настана со спојување на шведската и данската пошта во 2009 година, претходно соопшти дека ќе укине 1.500 работни места во Данска и ќе отстрани 1.500 поштенски сандачиња, со оглед на тоа што побарувачката за писма драстично опадна, додека онлајн купувањето продолжува да расте. Оваа компанија, која и понатаму ќе доставува писма во Шведска, нагласи дека во Данска на нејзино место доставата ќе ја преземе компанијата „Dao“, која веќе врши достава на писма и која планира да ги прошири своите услуги од 1 јануари.
Меѓутоа, истражувањата покажуваат дека меѓу младите доаѓа до повторен пораст на пишувањето писма. Истражувањето на „Dao“ покажа дека лицата на возраст меѓу 18 и 34 години испраќаат два до трипати повеќе писма отколку другите возрасни групи, а истражувачот на трендови Мадс Арлиен-Соборг верува дека младите се свртуваат кон пишувањето писма како „противтежа на дигиталната преоптовареност“.
Според данскиот закон, мора да постои можност за испраќање писма, што значи дека доколку „Dao“ одлучи да ја прекине доставата, владата би била обврзана да именува друга компанија за таа задача.
Законот за дигитален идентитет, „MitID“, се користи за сè – од онлајн банкарство до закажување прегледи кај доктор, а поголемиот дел од официјалните комуникации се испраќаат преку дигитална пошта наместо со обична пошта.
Денес 97 отсто од данската популација постара од 15 години е регистрирана во „MitID“, додека само пет отсто одлучиле да се откажат од дигиталната пошта.
– Бевме данска пошта 400 години и затоа ова е тешка одлука, но Данска стана сè подигитална, што значи дека денес речиси и да нема писма. Со оглед на падот на побарувачката, пазарот на писма повеќе не е профитабилен, изјави заменикот извршен директор на „ПостНорд Данска“, Ким Петерсен.
Доктор Беќаровски советува: Како да се заштитиме во денови на екстремно загадување
Во денови кога концентрациите на ПМ 2.5 и ПМ 10 честичките се енормно високи, а загадениот воздух станува сериозна закана...
МВР апелира до возачите да внимаваат поради маглата
Министерството за внатрешни работи (МВР) денеска упати апел до сите учесници во сообраќајот крајно внимателно да ги управуваат своите возила...
Маж и жена, државјани на Македонија загинаа на автопатот Белград – Ниш
Двајца државјани на Македонија, маж и жена од албанско потекло, загинаа рано утринава во тешка сообраќајна несреќа што се случи...
Скопје утрово го сруши рекордот, најзагаден град е во Европа
Скопје утрово се најде на 21. место на најзагадени градови светот и прв во Европа, покажуваат податоците на светскиот сервис на мерење...
АХВ откри над 2 тони киви со ларви и инсекти кои требало да се продаваат во државава
Поради променети органолептички својства и утврдено присуство на ларви и инсекти, инспектор за храна на Агенцијата за храна и ветеринарство,...
Поради зимата во Газа умираат бебиња и деца, повик до Израел да дозволи помош
Организацијата „Лекари без граници“ (Médecins Sans Frontières – MSF) вчера предупреди дека бебиња и деца во Појасот Газа умираат од...
Родителите на починатите деца од „Пулс“ бараат новиот јавен обвинител да го преиспита случајот
Родителите на починатите во пожарот во „Пулс“ денеска на 34. Марш за ангелите во Кочани побараа проширување на истрагата, утврдување...
Откажани летови и отежнат авиосообраќајот на скопскиот аеродром поради маглата
Како резултат на ниската видливост предизвикана од густата магла што ја зафати скопската котлина денеска до 14 часот на Меѓународниот...
Почина Драган Б. Костиќ, човекот кој важеше за најпрепознатливиот радио глас
Денес на 75 години, почина Драган Б. Костиќ, човекот кој важеше за најпрепознатливиот радио глас кај нас. Откако неодамна Перо...
На едно семејство со четири члена му биле потребни близу 1.100 евра за да го помине декември
Вредноста на синдикалната минимална кошница што ја пресметува Сојузот на синдикати на Македонија (ССМ) за декември годинава изнесува 65.492 денари...
Пратеникот Јанчев кој имаше сообраќајка во која загина тинејџер доби обвинение, свртел на место каде не смеел
Основното јавно обвинителство Скопје поднесе обвинение против Сашко Јанчев, пратеник од партијата Левица, за кривично дело „Тешки дела против безбедноста...
Скопје руши рекорди по загаденост, утрово е втор град во Европа
Според светскиот сервис IqAir Скопје утрово е на 20 место во светот, а второ во Европа по загаден воздух. Доколку...
Дедо Мраз од Лапонија ќе дојде со волшебен воз на Железничка во Скопје
Специјална новогодишна театарска претстава за деца „Дедо Мраз дојде со воз“ ќе се одржува од денеска 30 декември на Железничката...
Затаен данок од над еден милион евра од трговија со злато и накит, истрага против две лица
Основното јавно обвинителство Скопје отвори истрага против две лица за кои постои основано сомнение дека подолг временски период вршеле кривично...
Алиу: Дефиниравме нови програми за специјализации – темелно го менуваме пристапот за креирање медицински кадар
На денешната прес-конференција на министерот за здравство Азир Алиу, заедно со претседателката на Лекарската комора, Калина Гривчева-Старделова, деканот на Медицинскиот...
Уапсени 11 лица за местење тендер вреден над 7,6 милиони евра во „ЕСМ дистрибуција на топлина“
Завчера во текот на ноќта помеѓу 17 и 18 декември и вчера, под раководство на јавен обвинител, полициски службеници спроведоа...
Левицата бара независна истрага за смртта на новороденчето и одговорност од директорката и од педијатарката во ГАК
Левица бара Обвинителството да отвори истрага за смртта на новороденчето на Клиниката за гинекологија и акушерство и одговорност од директорката...
(Видео) Тошковски: Интервентната полиција – шест години посветена служба во заштита на граѓаните
По повод шест години од формирањето на Единицата за интервентна полиција при СВР Скопје, денеска беше одбележан Денот на единицата,...
Андоновски: Македонија рангирана во А-групата за дигитален напредок според Светската банка
На конференцијата „Трансформирање на иднината: дигитална стратегија за современо општество“, посветена на промоцијата на Националната стратегија за развој на ИКТ...
Измените на Кривичниот законик се само уште едно крпење на правниот систем, велат од ЛДП
Либерално-демократската партија (ЛДП) изразува сериозна загриженост и негодување во однос на најновите предлог-измени на Кривичниот законик кои се најдоа пред...
