Црна хроника
Му ја одзеле возачката во странство, а во Македонија пријавил дека ја изгубил, заврши со кривична
Полицијата поднесе кривична пријава против 30-годишен жител на селото Новак, општина Центар Жупа, осомничен дека дал лажен исказ за да добие нова возачка дозвола.
Како што соопшти МВР, осомничениот Н.И. на 29 септември годинава во управните служби пријавил дека ја изгубил возачката дозвола и поднел барање за издавање нова.
Но, по спроведената проверка, било утврдено дека неговата изјава не била точна. Возачката дозвола, како што покажала истрагата, му била одземена од полициски службеници во една странска држава.
Поради тоа против него е поднесена кривична пријава за „давање лажен исказ“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во неготинско, пронајдени пиротехнички средства, уапсено едно лице
На 23.12.2025 во 07:40 часот, полициски службеници од ОВР Неготино го лишија од слобода И.Р.(34) од с.Криволак, неготинско.
При претрес во неговиот дом, извршен со судска наредба, пронајдени и одземени се пиротехнички средства. Тој е приведен во полициска станица, известен е јавен обвинител и по документирање на настанот против него ќе биде поднесена соодветна пријава.
Црна хроника
Тепачка поради паркинг во Кисела Вода, уапсено едно лице
Едно лице е уапсено поради физички напад за паркинг на подрачјето на Кисела Вода.
Вчера во 18:30 часот во Скопје, на подрачјето на Кисела Вода, полициски службеници го лишија од слобода С.Р.(34) од Скопје, постапувајќи по претходна пријава дека на 19.12.2025 околу 16:30 часот и на 22.12.2025 околу 11:30 часот, по претходно недоразбирање за паркинг простор, упатувал закани на А.Е.(40) од Скопје, а потоа и физички го нападнал.
По целосно документирање на случајот ќе следува соодветен поднесок.
Црна хроника
Ја претепал сопругата: уапсен маж од Струшко
ОВР Струга поднесе кривична пријава против А.Х.(39) од струшко селo.
Тој се сомничи за сторено кривично дело „телесна повреда“.
Имено на 28.11.2025 во семејниот дом во селото, пријавениот физички ја нападнал неговата сопруга, по што бил лишен од слобода.

