Интервјуто што Кристијано Роналдо му го даде на Пирс Морган предизвика големо внимание, и иако сè уште не е објавено во целост, се појави и интересен сегмент поврзан со неговото непојавување на погребот на Диого Жота.

Диого Жота загина во сообраќајна несреќа на 3 јули 2025 година заедно со неговиот помлад брат Андре.

На погребот пристигнаа голем број соиграчи од Ливерпул и португалската репрезентација, но не и Роналдо.

Во тоа време, тој беше критикуван во јавноста, на критиките Роналдо не реагираше.

„Две работи, луѓето многу ме критикуваат. Како што реков, не ми е гајле за тоа, бидејќи кога чувствуваш дека твојата совест е чиста и слободна, не мора да се грижиш што велат луѓето“, рече Роналдо, а потоа продолжи:

„Но, едно од нештата што не ги правам е тоа што откако почина татко ми, никогаш повеќе не отидов на гробишта. Второ, ја знаете мојата репутација, каде и да одам, има циркус. Не одам затоа што ако одам, целото внимание е врз мене, а јас не сакам такво внимание.“

Потврди дека сè уште стои зад својата одлука.

„Луѓето сè уште можат да ме критикуваат, се чувствувам добро поради оваа одлука. Не морам да бидам во преден план за луѓето да ме видат, планирам работи, мислам на неговото семејство. Не морам да бидам пред камерите за луѓето да видат што правам. Го правам тоа зад сцената“, заклучи Роналдо.

Ждрепката за интерконтиненталниот и европскиот плејоф за пласман на Светското првенство ќе се одржи на 20 ноември во Цирих, со почеток во 13 часот.

Како што објави ФИФА, 22 селекции ќе имаат дополнителна шанса да стигнат до Светското првенство преку плејофот, 16 од Европа и шест преку Интерконтиненталниот бараж, во натпревари што ќе се играат од 23 до 31 март следната година.

16 репрезентации поделени во четири секции ќе играат во европскиот плејоф. Дванаесет места се загарантирани за второпласираните во квалификациските групи, а четири за најдобрите селекции од претходната Лига на нации кои не се меѓу двете првопласирани во квалификациските групи.

Ќе се играат четири турнири, со полуфинале и финале, а само победниците ќе одат на СП.

Македонија е блиску до место во баражот преку Ј групата. Во последниот натпревар од групната фаза Македонија ќе гостува во Кардиф, кај селекцијата на Велс.

Панатинаикос не игра добро на почетокот на сеозната во Евролигата. Зелените се на скор од пет победи и четири порази. Покрај тоа тимот остана без класичен центар, Лесор се уште е на рехабилитација, а во меѓувреме се повредија Хомс и Јурцевен.

Дека не може да игра без класичен центар, Ергин Атаман најдобро виде во средата, кога Панатинаикос доживеа тежок пораз во Белград од Црвена звезда (86:68).

Сопственикот на тимот Димитрис Јанакопулос најде решение за центарската позиција во Тајван, поточно во ликот на НБА ветеранот Кенет Фарид, поранешен соиграч на Никола Јокиќ во Денвер четири сезони.

Фарид помина седум сезони таму, а ги бранеше и боите на Бруклин и Хјустон, додека европско искуство стекна во ЦСКА Москва во 2021 година и во Реџо Емилија минатата сезона.

Популарниот „Менимал“, кој за една недела ќе наполи 36 години, целата своја кариера ја играл на позицијата крилен центар, но Фарид, висок 203 см, ќе може да ги покрива центарските позиции во Европа, единственото прашање е дали ќе може да го стори тоа во елитното континентално натпреварување.

Фарид играше во НБА (478 лигашки натпревари и 18 плејоф натпревари) од 2011 година, кога беше избран како 22-ри пик на драфтот, до 2019 година и неговото прво патување во Кина, а играше и во Мексико и Порторико. Тој беше дел од репрезентацијата на САД која го освои Светското првенство во Шпанија во 2014 година.