Спорт
Нигеријците испаднаа борбата за СП и ги обвинија ривалите дека користеле вуду магија
Селекторот на фудбалската репрезентација на Нигерија, Ерик Челе, ги обвини играчите на ДР Конго дека користеле вуду магија за време на драматичното изведување на пенали во финалето на плејофот за Светското првенство.
ДР Конго победи со 4:3 откако натпреварот заврши 1:1, со што обезбеди место во Интерконтиненталниот плејоф и ја исфрли Нигерија од квалификациите.
Нигерија поведе во третата минута со голот на Френк Оњека, но Мешак Елија израмни за ДР Конго во 32-та минута. На крајот, пенал рулето реши која селекција ќе продолжи понатаму. Конгоанците беа поуспешни и обезбедија пласман во последната фаза од квалификациите за пласман на СП.
Откако Шансел Мбемба го постигна победничкиот пенал, Челе влезе во вербална расправија со неколку членови на стручниот штаб на ДР Конго, вклучувајќи го и селекторот Себастијан Десабре. Тензиите беа смирени од членовите на нигерискиот тренерски штаб.
Десабре го минимизираше инцидентот на прес-конференција, велејќи дека конфликтот „не бил проблем“. Сепак, на крајот од својот говор, Челе ги праша новинарите зошто никој не го спомна инцидентот и рече дека Конгоанците користеле врач.
Челе подоцна ги повтори обвинувањата додека шеташе низ медиумската зона: „За време на изведувањето на пенали, конгоанските играчи правеа вуду.“
Мавтајќи со раката, нигерискиот тренер ги имитираше наводните движења со рацете од конгоанската клупа, а потоа рече: „Не знам дали беше вода или нешто слично.“
Претставник на Фудбалската асоцијација на ДР Конго ги негираше тврдењата на Челе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Лацио е во криза, газдата побара помош од свештеник
Сопственикот на Лацио, Клаудио Лотито, повторно ја изненади јавноста.
Лотито реши да се бори против повредите што почнаа да се натрупуваат и лошата форма. Првиот човек на Лацио повика свештеник да ги благослови тимот и теренот.
Кризата во Лацио трае веќе долго време, од поразот од Рома во дербито. Колата едноставно тргна надолу.
Од недела во недела, бројот на повредени играчи се зголемуваше. Во еден момент, десетмина беа на листата на повредени, што ги наруши сите планови на тренерот и стручниот штаб.
За Лотито, тоа беше знак дека мора да се најде алтернативно решение. Убеден дека сè што се случува во последните два месеци е последица на лошата енергија што го опкружува тимот, повика свештеник.
Во петокот, по неколку недели планирање, Лотито беше домаќин на група гости на стадионот, меѓу кои беше и свештеник од кого беше побарано да го благослови теренот и тимот за да добијат „божествена заштита“.
Иако повеќето играчи се опоравија, Лотито не се откажа од идејата да го искористи времето од паузата за репрезентативни натпревари за да ја реализира својата идеја.
Ова не е прв пат Лотито да посегнува по неконвенционални методи, но барањето благослов од свештеник е потег што никој не го очекуваше. Сепак, се чини дека ова е повеќе потег направен од очај.
Иринијата е во тоа што откако тимот доби благослов, Лотито дозна дека Николо Ровела морал да се подложи на операција на хернија.
Спорт
Бруно: Можеби го најдовме делот што недостасуваше
Бруно Фернандеш и Жоао Невеш постигнаа по три гола во победата на Португалија над Ерменија (9:1), во последното коло од квалификациите за пласман на СП. Бруно Фернандеш не го криеше задоволството од пласманот на Мундијалот и уверливиот настап против Ерменија. , е задоволен по настапот на својот тим.
Бруно постигна хет-трик, беше играч на натпреварот, а по натпреварот новинарите го прашаа што се променило по поразот од Ирска.
Да потсетиме, три дена претходно, Ирците ја победија Португалија, во тој натпревар беше исклучен Кристијано Роналдо, без кого тимот изгледаше поразигран и побрз.
„Многу работи се променија од последниот пораз, можеби го најдовме делот што недостасуваше. Нашиот сон е да го освоиме Светското првенство“, рече Бруно.
Некои медиуми истакнуваат дека Бруно, во својата изјава, „меѓу редови“ кажал дека тимот изгледа подобро без Кристијано Роналдо, но тој ги негираше таквите ставови во вториот дел од изјавата.
„Би било одлично Кристијано Роналдо го крене пехарот наменет за победникот на Светското првенство. Тој го заслужува тоа и било добро да му помогнеме да го оствари сонот“, рече Бруно.
Спорт
(Видео) Падна најстариот рекорд во брзо лизагање
Третиот ден од првата етапа од Светскиот куп во брзо лизгање донесе соборување на најстариот рекорд, во трката на 500 метри за жени, кој беше на сила точно 12 години.
Холанѓанката Фемке Кок ја помина оваа патека за 36 секунди и 09 стотинки и беше 27 стотинки побрза од Ли Санг Ква од Јужна Кореја, која го постави рекордот во 2013 година, на истата патека, која се смета за најбрза во светот.
Кок започна солидно, но 10 стотинки побавно од претходниот рекорд во првите 100 метри, па практично леташе по мразот во остатокот од трката. Оставајќи ги сите сопернички зад себе за најмалку половина секунда.
Американската ветеранка Ерин Џексон, олимписка победничка во оваа дисциплина, го освои второто место, со резултат од 36,58, додека младата Корејанка Ли На Хјун (19) го освои третото место, речиси една секунда зад победничката, 37,03.

