Забава
„Д фестивал“ и официјално избран меѓу топ-10 најдобри фестивали во Европа
„Д фестивал“, водечкиот летен фестивал во Македонија, е официјално избран меѓу топ-10 најдобри фестивали во Европа за претстојните Европски фестивалски награди (European Festival Awards 2025), најпрестижното признание на европската фестивалска индустрија.
„По завршувањето на јавниот избор во кој за номинираните фестивали гласаше публиката од цела Европа, нашиот фестивал влезе во потесната листа на 20 најдобри, а потоа, по гласовите на меѓународно жири, составено од водечки експерти од музичката индустрија,’Д фестивал’ се пласира и во финалниот shortlist на најдобрите 10 фестивали во својата категорија – историски успех и огромно признание за македонската независна фестивалска сцена“.
Според европските стандарди за музички фестивали, „Д фестивал“ е во најтесниот избор во категоријата „Најдобар мал европски фестивал“, односно со капацитет 10.000 посетители дневно, а во финалето е заедно со фестивали од Швајцарија, Данска, Италија, Холандија, Романија, Бугарија и Србија.
„Д фестивал“ влегува во финалето со најдобрите во 2025 како единствен настан од Македонија, а во децениската историјата на фестивалските „оскари“ тој е втор македонски фестивал што успеал да се искачи до листата на 10 најдобри по „Таксират“, кој се запиша во оваа селекција со своите изданија во 2016 и 2022 година.
Пласманот, како што велат од организацијата, меѓу најдобрите фестивали во Европа претставува силна меѓународна валидација за долгогодишната посветеност на фестивалот – за уникатниот програмски концепт, продукција, уметничката програма, доживувањето за посетителите и развојот и брендирањето на нови локациски идентитети.
Победниците во секоја категорија ќе бидат објавени на официјалната церемонија на Европските фестивалски награди, што ќе се одржи на 14 јануари 2026 година во Гронинген, Холандија.
„’Д фестивал’, основан во 2011 година, е препознатлив како единствениот open-air фестивал во Македонија, кој се одржува секоја година со тридневна мултидимензионална програма. Фестивал што секоја година гради уникатна фестивалска заедница, посветена на слободниот креативен дух, инклузивноста и одржливите практики.
Годинава, сепак, останува забележана и како една од најтешките во историјата на фестивалот. Неколку месеци пред одржувањето на настанот трагедијата што ни се случи во Кочани остави длабока траума и трага врз целата музичка сцена и заедницата. По трагедијата во Кочани, ‘Д фестивал’ се посвети на хуманитарната мисија откажувајќи се целосно од приходот од влезниците и го донира во соработка со иницијативата Support Кочани. На хуманитарниот ‘Д фестивал’ оваа година во Штип настапија: Д систерс оф мерси, Соулфлај, Инер Сркл, Томи Кеш, Кирил Џајковски, Буч Кесиди, Мизар, Архангел, Фолтин, Прљаво казалиште, Љубојна, С.А.Р.С., Драган Мијалковски, Дина Јашари, Паркети, Пијан Славеј, Доуп Куќата и уште десетици други музички артисти од Македонија.
Следното издание на ‘Д фестивал’ веќе е закажано за 26-28 јуни во Штип, а објавен е и првиот хедлајнер – IDLES – британските панк-рок ѕвезди и моментно еден од најважните live-бендови во светот. Во зенитот на својата кариера пристигнуваат првпат кај нас! Во продажба се и првите влезници „Ран Корморан“, достапни на веб-страницата и на благајните на Мк тикетс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Зад слаткото лице, се крие темнина: Овие хороскопски знаци се родени актери
Некои луѓе оставаат одличен прв впечаток – тие се учтиви, културни, услужливи и навидум беспрекорни. Меѓутоа, со текот на времето, се открива дека под таа смирена и учтива површина лежи сосема поинаква личност.
Таквите луѓе честопати не се злобни, но се многу вешти во прикривањето на своите вистински ставови, намери или емоции.
Во астрологијата, ова однесување најчесто се поврзува со одредени хороскопски знаци кои се однесуваат добро, а ги чуваат своите вистински мислења за себе. Еве за кои хороскопски знаци станува збор.
Вага
Вагите речиси секогаш ќе остават впечаток на смирени, љубезни и пријатни луѓе. Тие сакаат хармонија, добри односи и избегнуваат конфликти, поради што често се претставуваат како совршени дипломати. Сепак, зад оваа мазност, понекогаш се крие скриено незадоволство или пресметка.
Вагата честопати нема да каже што навистина мисли за да не го расипе впечатокот или односите. Дури подоцна може да стане јасно дека имале сосема поинаков став внатре, но вешто го чувале за себе.
Шкорпија
Шкорпиите можат да изгледаат смирени, учтиви, па дури и повлечени кога првпат ќе сретнат некого. Тие ретко ќе ги откријат своите вистински мисли или чувства, бидејќи сакаат прво да ја проценат ситуацијата и личноста пред нив.
Нивните „вистински бои“ честопати се покажуваат само кога ќе почнат да му веруваат на некого или кога ќе се чувствуваат загрозени. Тогаш нивниот интензитет, посесивност или непоколебливост излегуваат на површина, што може да ги изненади оние кои ги виделе како тивки и неутрални.
Близнаци
Близнаците се шармантни, зборлести и дружељубиви, поради што на прв поглед оставаат впечаток на отворени и безгрижни луѓе. Сепак, токму оваа прилагодливост значи дека тие често го кажуваат она што го бара ситуацијата, а не нужно она што навистина го мислат.
Нивните вистински бои можат да бидат многу посложени – променливи, неодлучни, па дури и манипулативни кога нешто не им оди по ум. Само со текот на времето луѓето сфаќаат дека Близнаците не се секогаш она што изгледаат на прв поглед.
Јарец
Јарците на прв поглед изгледаат сериозни, професионални и исклучително учтиви. Тие ретко се отвораат и речиси никогаш не покажуваат слабост пред странци. Затоа многумина ги сметаат за сигурни и стабилни поединци.
Сепак, под таа мирна фасада често лежи силна амбиција и подготвеност да одат во крајности за да ги постигнат своите цели. Нивните вистински бои се откриваат само кога ќе се најдат во ситуација каде што мора да изберат помеѓу успех и врски.
Забава
(Видео) Анџелина Џоли го освои црвениот тепих во проѕирен светкав фустан
Американската актерка Анџелина Џоли блесна на премиерата на филмот „Couture“ на Алис Винокур во киното „Pathe Palace“ во Париз.
Таа позираше расположена на црвениот тепих и привлече внимание.
За оваа пригода, таа избра транспарентен фустан украсен со светки и реси. Косата и беше пуштена, а шминката во природни нијанси. Изгледот го надополни со црни шпицести потпетици.
@gala.fr #angelinajolie #louisgarrel #coutures #tiktokfashion #onregardequoi ♬ The Fate of Ophelia – Taylor Swift
„Секоја година изгледа поубаво“, „Убава жена во софистицирана облека“, „Кралица на црвениот тепих“, се нижеа комплиментите за нејзиниот изглед.
Забава
(Видео) „Брутална жена“: Убавата актерка во 50-тите години изгледа како девојче
Холивудската актерка Џесика Алба (44) се појави на Супербоул, на сцената откако Бед Бани ја покани да му се придружи, заедно со Рики Мартин и Лејди Гага.
Џесика стана особено интересна за медиумите по разводот од Кеш Ворен, со кого помина 17 години и доби три деца, а потоа се шпекулираше дека утеха пронашла во Дени Рамирез, кој е 11 години помлад од неа.
Убавата актерка е сè поактивна на социјалните мрежи, каде што најчесто објавуваше провокативни фотографии од плажа, но ниту оваа комбинација од Супербоул не е „за фрлање“.
Jessica Alba aging like fine wine pic.twitter.com/dW8vEodfwf
— Popcultureguy (@Pop_cultureguy) February 9, 2026
Џесика позираше во лежерна, street style комбинација што дефинитивно ќе сакате да ја копирате. Широките фармерки и бел корсет, со ефектна сива јакна – совршено се вклопуваат за ваков настан.
Младоста е она кон што сите се стремиме дури и во нашата петта деценија, а Џесика успева, особено по разводот.
„Таа не остарела ниту еден ден“, „Станува сè подобра со годините“, „Како е можно Џесика Алба сè уште да изгледа исто“, „Како оваа жена се грижи за себе“, „Брутална жена“, „Како девојче“, се некои од бројните коментари под објавите на кои се појавува убавата актерка.
ЈО да ја испита улогата на Заев и Филипче во случајот со запленетата марихуана, велат од ВМРО-ДПМНЕ
Нема скандал а во тоа да не се замешани кланот Заеви и Венко Филипче. И во последниот случај со заплената...
(Видео) Објавена снимка од пронаоѓањето на телото на Џефри Епстин
Британскиот „Телеграф“ објави досега невидени снимки од надзорни камери кои го прикажуваат моментот кога затворските чувари го пронашле телото на...
Американски конгресмен: Аферата Епстин може да биде крај на монархијата
Член на американскиот конгресен комитет што ја истражува аферата Епстин изјави дека скандалот би можел да означи „крај на монархијата“....
(Видео) Насилни протести во Сиднеј: Демонстрантите се судрија со полицијата
Триесет лица се уапсени, а десетици демонстранти побарале медицинска помош во Сиднеј откако избувнаа судири со полицијата поради посетата на...
(Видео) Нови детали за филмскиот напад во Италија: Разбојниците се преправале дека се полицајци
Организиран и вооружен напад врз возило за трансфер на пари беше извршен вчера утрото на автопатот SS613 што ги поврзува...
Мета и Гугл обвинети за намерно предизвикување зависност кај млади корисници
Судењето против Мета и Гугл започна во понеделник во граѓанскиот суд во Лос Анџелес, а адвокатите на тужителите ги обвинија...
(Видео) Американската војска нападна уште еден брод во Пацификот, двајца мртви
Американската војска објави на социјалната мрежа X дека извршила напад врз брод во источниот Пацифик ноќеска по централноевропско време, при...
ВМРО-ДПМНЕ избра нови претседатели на повеќе партиски комисии
На првата редовна седница на новиот состав на Извршниот комитет на ВМРО-ДПМНЕ, донесени се одлуки за кадровски освежувања и распишување...
ЕУ забранува уништување на непродадена облека и обувки
Европската комисија денеска усвои мерки со кои се спречува уништување на непродадена облека, модни додатоци и обувки, со цел да...
Даниел не се замерил со никого, мотивот најверојатно е пари, рече адвокатот на Кајмакоски кој по киднапирањето е стабилен, но под стрес
Македонскиот пејач, Даниел Кајмакоски, беше киднапиран во Белград ноќта меѓу сабота и недела, а по трауматичниот настан моментално се опоравува,...
Четворица заболени од шуга во касарната во Велес, епидемиологот Оранска рече дека болеста е донесена однадвор
Кај четворица слушатели на курсот за професионални војници во велешката касарна е потврдена шуга. Тие се пуштени на домашно лекување...
„Сите сме под стрес“: сопругата на пејачот Даниел Кајмакоски разговараше со медиумите по киднапирањето
Сопругата на македонскиот пејач Даниел Кајмакоски, Марина, се огласи еден ден по неговото киднапирање . Имено, ноќта меѓу сабота и...
Гостиварец пронашол кинески гранати под карпа покрај река
Во ОВР Гостивар вчера во 16:20 часот В.В. од Гостивар пријави дека на потегот помеѓу с. Трново и с. Железна...
За една недела, 4.991 прекршок преку системот „Безбеден град“, најмногу за брзо возење
Во периодот од 02.02.2026 до 08.02.2026 од страна на системот „Безбеден град“ на подрачјата на градовите и Коридорите каде се...
Кривична пријава за сопственик на фирма од Охрид по смртта на негов вработен, не му обезбедил соодветна обука
СВР Охрид поднесе кривична пријава против С.М.(43) од Охрид и против правен субјект со седиште во Охрид, поради постоење основи...
ОЈО ГОКК: Се разменуваат информации со српското обвинителство за да се утврди евентуална поврзаност на двата случаи и потеклото на марихуаната
Во рамките на опсежната акција што се спроведува изминатиот период, а во која до сега се запленети над 40 тони...
Министри и градоначалници на средби со високи претставници на УНЕСКО во Париз, ќе се разговара за статусот на Охрид
Делегација на Владата во состав: заменик-претседателот на Владата и министер за транспорт, Александар Николоски, министерот за надворешни работи и надворешна...
Утре ССМ ќе го блокира Собранието: Најмалку 250 евра за пратениците, а ни 25 за работниците е срамно
Сојузот на Синдикатите на Македонија (ССМ) денес испрати уште еден повик до работниците утре во 9 часот да излезат на...
„Немирната совест го натера Заев на панични реакции“, велат од ВМРО-ДПМНЕ
„Заев, основачот на марихуана бизнисот во Македонија, не спие мирно. Немирната совест го натера Заев на панични реакции уште во...
Врските на Епстин со Силиконската долина биле многу повеќе од комуникација само со Гејтс и Маск
Најновото објавување на милиони документи од Министерството за правда на САД поврзани со осудениот педофил Џефри Епстин фрли нова светлина...
