Спорт
ПСЖ и Фламенго во борба за Интерконтиненталниот куп
Пари Сен Жермен и Фламенго ќе се сретнат, денес во 18:00 часот, во големото финале на Интерконтиненталниот куп во Катар, на стадионот „Ал Рајан“. Додека француските шампиони го бркаат првиот светски трофеј во историјата на клубот, бразилскиот великан има можност да се искачи на светскиот трон по втор пат по повеќе од четири децении.
Дуелот во Доха носи судир на европски и јужноамерикански фудбал, но и огромен влог за двата тима. Пари Сен Жермен игра во финалето на Интерконтиненталниот куп за прв пат, бидејќи како актуелен победник на Лигата на шампионите, избори директно место во финалето на натпреварувањето.
Тимот на Луис Енрике сака да ја круниса европската доминација и да стигне до првиот светски трофеј.
Сепак, сезоната, барем засега не оди онака како што посакуваат „Светците“. Во текот на летото, тие останаа без еден трофеј, бидејќи Челзи ги победи со 3:0 во финалето на Светското клупско првенство, додека во домашното првенство заостануваат еден бод зад Ленс по 16 одиграни кола.
Сепак, ПСЖ пристигнува во Доха во солидна форма и е непоразен во последните три натпревари во сите натпреварувања, со два натпревари без примен гол.
Интересно е што последниот пат кога играа финале во Катар, тоа беше почеток на една од најуспешните години во историјата на клубот.
Во Доха, го победија Монако (1:0) и го освоија Трофејот на шампионите, а до крајот на годината кренаа уште три пехари.
Патем, ова ќе биде втората средба на ПСЖ со бразилски клубови, првпат играа ова лето, кога беа поразени од Ботафого (0:1) во групната фаза на Светското клупско првенство.
По долга низа години, Фламенго е повторно во финалето на Интерконтиненталниот куп. Бразилскиот великан стигна до финалето со победата над Пирамидас (Египет) со 2:0.
Клубот од Рио има шанса да го освои вториот Интерконтинентален куп во историјата, прв и единствен пат кога успеаја да го сторат тоа во 1981 година, кога го декласираа Ливерпул со 3:0 во Токио.
Фламенго во среда го брка четвртиот светски трофеј и третиот оваа сезона, откако веќе ги освоија Челинџер купот и Дерби Америка. Тимот предводен од Филипе Луис има само еден натпреварувачки пораз од ноември, а во рок од само седум дена, ги освоија и Копа Либертадорес и титулата бразилски шампион.
Фламенго е непоразен на последните три гостувања, иако на три од претходните четири натпревари надвор од својот стадион, останаа без сите три бода.
Ова ќе биде нивниот прв официјален натпревар против француски клуб. На последното Светско клупско првенство, тие го победија подоцнежниот шампион Челзи (3:1), но беа елиминирани по поразот над Баерн (2:4).
ПСЖ ќе биде ослабен поради отсуството на Ашраф Хакими, кој има повреда на глуждот.
Добрата вест за Парижаните е враќањето на голманот Лукас Шевалие, додека Усман Дембеле е повторно достапен откако го пропушти првенствениот натпревар против Мец.
Фламенго веројатно ќе биде без Алан, кој се опоравува од повреда на петицата, додека настапот на Педро е под знак прашалник поради проблем со подлактицата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Јокиќ и Денвер немоќни пред Оклахома, Лејкерси поразени во Њујорк
Кошаркарите на Оклахома и Њујорк забележаа победи во дерби мечевите, одиграни во НБА лигата. Актуелните шампиони победија во Денвер со 121:111. а Никс славеа над ЛА Лејкерс 112:100.
Шеј Гилџис-Александер беше најзаслужен за победата на Оклахома со 34 поени, 13 асистенции и пет скока. Кејсон Волас го следеше со 27 поени и шест скока.
Пејтон Вотсон беше најефикасниот играч кај Денвер со 29 поени и пет скока. Никола Јокиќ со скратена минутажа забележа 16 поени, седум скока и осум асистенции.
Оклахома го диктираше ритамот во текот на целиот натпревар и не го испушти водството во ниту еден момент.
Њујорк во „Медисон Сквер Гарден“, благодарение на Лендри Шемет ги решија Лејкерси. Бекот на Никс, влегувајќи од клупата, постигна шест тројки, мечот го заврши со 23 поени.
Њујорк мечот го решија во третиот период. Откако по првиот дел имаа предност од 56:53, во третата четвртина акумулираа уште 12 поени, во последниот период влегоа со предност од 16 поени.
Покрај Шемет, кај Њујорк се истакнаа Ануноби со25 поени со осум скока, Харт со 20, Бренсон со 12, односно Таунс со 11 поени и 13 скока.
На спротивната страна, Дончиќ имаше 30 поени, 15 скока и осум асистенции, а ветеранот Џејмс забележа 22 поени, пет скока и шест асистенции.
Резултати:
Бостон – Милвоки 107:79
/Браун 30 – Ролинс 25/
Детроит – Бруклин 130:77
/Дурент 21 – Пауел 12/
Мајами – Чикаго 134:91
/Адебајо 20 – Вајт 16/
Торонто – Јута 107:100
/Берет 21 – Марканен 27/
Вашингтон – Сакраменто 116:112
/Рајли 18 – Лавин 35/
Сан Антонио – Орландо 112:103
/Вембањама 25 – Бејн 25/
Феникс – ЛА Клиперс 93:117
/Ален 23 – Ленард 25/
Портланд – Кливленд 111:130
/Лав 21 – Ален 40/
Спорт
Ливерпул за 70 милиони евра го договори трансферот на Жаке
Талентираниот дефанзивец на Рен, 20-годишниот Жереми Жаке, ќе го носи црвениот дрес на Ливерпул од следната сезона.
Како што објавија англиските и француските медиуми, двата клуба го договориле трансферот на младиот француски репрезентативец. Договорот е дека Жаке ќе игра за Рен до крајот на сезоната, а на лето ќе се пресели во Ливерпул.
Како што објави Би-Би-Си, англискиот клуб ќе плати 60 милиони фунти (околу 69,30 милиони евра) обештетување, од кои 55 милиони фунти се фиксни плус уште пет милиони бонуси.
Шампионот на Англија сака да ја зајакне конкуренцијата на позицијата стопер. Минатото лето го доведе 19-годишниот Џовани Леони од Парма, но талентираниот Италијанец доживеа сериозна повреда на 23 септември на своето деби против Саутемптон во Лига Купот.
Исто така, договорот на францускиот дефанзивец Ибрахима Конате истекува на крајот од оваа сезона.
Жереми Жаке има 20 години (роден е на 13 јули 2005 година во предградието на Париз), помина низ академијата на Рен и дебитираше за првиот тим во јануари 2024 година. Некое време беше во Клермон.
Оваа сезона одигра 18 натпревари за Рен и го привлече вниманието на најсилните европски клубови со своите добри настапи.
Тој е член на младата француска репрезентација, а Ливерпул го гледа како долгорочна инвестиција.
Foto/ staderennais.com
Спорт
Мерино мора да биде оериран, го чека долга пауза
Фудбалерот на Арсенал, Микел Мерино, ќе биде подложен на операција поради повреда на коската во стапалото на десната нога, објави клубот.
Шпанскиот репрезентативец има 33 настапи за Арсенал во сите натпреварувања оваа сезона, постигна шест гола.
Мерино е важен дел од ротацијата на тренерот на „топџиите“, Микел Артета, кој го користеше во средниот ред, но и како лажна деветка. Арсенал во своето соопштение објави дека 29-годишникот ќе биде надвор од теренот подолго време, иако не ја откри точната дијагноза.
Некои извори тврдат дека Арсенал, по повредата на Мерино, би можел да излезе на пазарот, но нема многу време – зимскиот преоден рок се затвора во вечерва во 19:00 часот.
Кога станува збор за опциите за средниот ред, Арсенал ги има на располагање Мартин Одегард, Деклан Рајс, Кристијан Норгард, Мартин Зубименди, Еберечи Езе и Каи Хаверц.
Мајлс Луис-Скели, кој го поминува поголемиот дел од своето време на позицијата лев бек, може да игра и во средината на теренот.
Арсенал е лидер во Премиер лигата со 53 бода од 24 натпревари, додека второпласираниот Манчестер Сити освои шест бода помалку.
Foto/ depositphotos
(Видео) Зимската бура во САД не се смирува: стотици илјади луѓе без струја, откажани летови
Тешките зимски услови ги нарушија транспортните и енергетските системи низ САД, приземјувајќи повеќе од 1.200 авиони и оставајќи десетици илјади...
(Видео) Американските ѕвезди на Греми наградите му испратија порака на Трамп: „Ние не сме животни, ICE надвор“
Музичарот од Порторико, Бед Бани, повика на „исфрлање“ на американската Служба за имиграција и царина (ICE) додека ја примаше наградата...
Премиерката Такаичи би можела да оствари убедлива победа на изборите во Јапонија
Партијата на јапонската премиерка Санае Такаичи веројатно ќе обезбеди убедлива победа на изборите за долниот дом на парламентот следната недела,...
Иранскиот демонстрант Ерфан Солтани ослободен со кауција
Иранскиот демонстрант Ерфан Солтани, кој беше уапсен за време на антивладините протести и се стравуваше дека ќе биде осуден на...
Трамп: Мислам дека ќе постигнеме договор со Куба
Американскиот претседател Доналд Трамп изјави дека САД се во дијалог со кубанските власти што би можел да доведе до договор,...
(Видео) Безбеден град денес регистрираше 500 казни
Министерот за внатрешни работи Панче Тошковски вечерва преку објава на социјалната мрежа Фејсбук им порача на граѓаните дека треба да бидат горди...
Бројот на жртви во пожарот во Швајцарија се искачи на 41, меѓу жртвите и 18-годишно момче
Почина осумнаесетгодишно момче кое беше повредено во пожарот во барот во Кран-Монтана, соопшти денеска швајцарската новинска агенција Keystone-SDA, повикувајќи се...
Од денеска во Бугарија задолжително плаќање во евра, левот излегува од употреба
Од денеска, 1 февруари, еврото станува единствена официјална валута во Бугарија, додека левот повеќе нема да биде прифатлив за плаќање...
Мицкоски најави дека ќе се чека уште 11 месеци да стигнат нови камиони на Комунална хигиена
Преку Министерството за транспорт и во соработка со Светската банка ќе се набават 40 нови возила за потребите на ЈП...
(Видео) Сведоштво на мајката и сопруга на уапсените за марихуаната поврзана со Македонија
Членови на семејството Спасојевиќ и нивни соседи се огласија по заплената на повеќе од пет тони марихуана на семеен имот...
Петте тони марихуана откриени кај Крушевац биле набавени во Македонија
Вишиот суд во Белград синоќа им одреди притвор на тројца уапсени по заплената на пет тони марихуана во селото Коњух...
Од денес Безбеден град казнува, со три забрани за возење ја губите возачката дозвола
На територија на Скопје, Куманово и Тетово и на коридорите 8 и 10 од денеска стартува имплементацијата на системот за...
(Видео) Извлечени 51 лице заглавени на жичница на планината Улудаг во Турција
Технички дефект на жичницата на планината Улудаг, во близина на северозападниот турски град Бурса, предизвика блокирање на 51 лице кои...
По реакции од граѓани, се чисти Клиничкиот центар „Мајка Тереза“ во Скопје
Градоначалникот на Скопје, Орце Ѓорѓиевски, информираше дека денеска градот е целосно мобилизиран во сеопфатна и темелна акција за чистење на...
Скопјани бараат од Цементарница Усје да работи според еколошките стандарди
Еколошките активисти од иницијативата „Стоп за Усје“ и граѓани денеска протестираа поради загадувањето на воздухот и бараа од Цементарница „Усје...
Во Кочани ќе се гради патека на бесконечност за загинатите во Пулс
Советот на Општина Кочани на вчерашната 9. седница едногласно ја поддржа иницијативата за изградба на спомен-обележјето „Патека на бесконечноста за...
Момче во Германија повлекло девојка под воз што доаѓал од спротивен правец, двајцата се мртви
Во Хамбург во четврток, две лица загинаа на метро станицата Вандсбек Маркт откако маж влечеше жена на шините пред воз...
Од утре внимавајте, Безбеден град почнува официјално да казнува со суми од 20 до 500 евра и одземање на возачката дозвола
Од утре официјално започнува примената на системот Безбеден град, со што автоматското снимање и санкционирање на сообраќајните прекршоци влегува во...
Во текот на изминатото деноноќие, Русија извршила вкупно 1.019 напади врз Украина
Украинската противвоздушна одбрана соборила 64 од 85-те дронови што Русија синоќа ги лансирала, соопштија утрово Воздухопловните сили (ВВС) на Украина....
Државна секретарка од Црна Гора сакала да се самоубие поради секс скандал
Мирјана Пајковиќ, до неодамна државна секретарка во Министерството за човекови и малцински права на Црна Гора, поднесе оставка откако нејзините...
