Барселона ја препушти лидерската позиција во Примера, откако во 24-то коло, во малото каталонско дерби, неочекувано падна на „Монтоливи“ во Џирона. Барселона, по поразот 2:1, има два бода помалку од лидерот Реал.

Првото полувреме, донесе неколку добри шанси за Џирона, статива на Рафиња и промашен пенал на Јамал на истекот на првиот дел.

Почетниот резултат на семафорот стоеше до 59-та минута, кога Пау Кубарси постигна гол со глава по центаршутот на Жил Кунде.

Радоста на Барселона траеше само три минути, колку што му беа потребни на Тома Лемар да го израмни резултатот.

Потоа, Џирона имаше неколку одлични шанси, за целосен пресврт, но Џоан Гарсија со брилијантни интервенции не дозволи да биде совладан.

Сепак, во 87-та минута, повторно капитулираше, кога не можеше да го запре ударот на Фран Белтран. Овој фудбалер неодамна пристигна во Џирона на позајмица од Селта.

Барса се обиде, да освои барем еден бод, нападна во последните минути со сите играчи, но резултаот не се промени.

Длабоко во судиското надополнување на времето, во 98-та минута, поради груб прекршок врз Јамал, црвен картон доби Рока.

По овој триумф, Џирона со 29 бода се искачи на 12-то место на табелата.

Foto/ EPA

Иако Јирген Клоп засега се пензионираше од тренерската работа, но и покрај тоа неколку врвни клубови се заинтересирани за неговите услуги.

Клоп, откако го напушти Ливерпул, стана глобален фудбалски директор во Ред Бул. Интересо за Клоп неодамна покажа Реал Мадрид, кога Чаби Алонсо доби отказ.

Менаџерот на германскиот тренер, Марк Косице, откри кој бил заинтересиран за услугите на Клоп.

„Пред да се приклучи на Ред Бул, можеше да стане селектор на САД или Англија. Веројатно и на Германија ако Јулијан Нагелсман не седеше на клупата. Манчестер Јунајтед и Челзи се интересираа, иако Јирген рече дека нема да тренира клубови од Англија. И покрај тоа, имаше многу заинтересирани“, рече Косике.

Засега, тој не е блиску до враќање на тренерската работа.

„Во моментов не гледам дека тоа ќе се случи. Тој е многу задоволен од својата нова улога и од целата околина. Тој најде добар соработник во Марио Гомез. Марио го мразеше Јирген затоа што му украде две титули и Купот на Германија. За возврат, Клоп отсекогаш сонуваше да го има Марио во својот тим. Двајцата се одлична комбинација денес.“

Foto/ depositphotos

Судијата на неодамнешното „Дерби Д’Италија“ Федерико Ла Пења е суспендиран на еден месец од страна на Судиската комисија на Фудбалскиот Сојуз на Италија.

Ла Пења, според претседателот на комисијата Џанлука Роки, ја завршил својата работа многу лошо и „направил очигледна грешка“ со исклучувањето на стоперот на Јувентус, Пјер Калулу.

Прво, му покажа жолт картон на Французинот за дуел со Никола Барела, што Ломисијата го оценила „како многу лоша одлука“, а неколку минути подоцна, го исклучил Калулу поради мал контакт со Алесандро Бастони, што Комисијата на чело со Роки го оценила како „непостоечко“ и „апсурдно“.

Се вели дека Бастони добро го „продал“ прекршокот, само за да го предизвика вториот жолт картон на Калулу, што Ла Пења го направил.

On the 9th minute, yellow card to Bastoni for his challenge on Conceição was correct. Both 1–0 & 1–1 goals were regular.

First yellow card for Kalulu: in that situation, Barella got to the ball first, but the contact from the Juventus player wasn’t enough to warrant a booking.… pic.twitter.com/mXH6NRrhM2

— Juventus News Live (@juvenewslive) February 15, 2026

Роси препорачал едномесечна суспензија, и поради лошото судење и поради заканите со смрт што Ла Пења, како адвокат, ги документирал и пријавил.

Одлуката за пауза е донесена и за да се смири судијата, кој бил потресен од навредите што ги добил во текот на саботата навечер и неделата. Многу од нив биле упатени кон неговата сопруга и двете малолетни ќерки.

Меѓу пораките Ла Пења ги издвоил: „Ќе те застрелам“, „Ќе те убијам“ и „Ќе дојдеме по тебе, знаеме каде живееш“.

Истрагата ја презеде Државното обвинителство на Рим, кое покрена постапка под водство на заменик-обвинител Серџо Колајок.

Foto/ EPA