Германија го повтори својот неверојатен успех и ги освои сите три медали во боб двосед на Зимските олимписки игри. Златото им припадна на Јоханес Лохнер и Георг Флајшхауер, среброто на Франческо Фридрих и Александар Шулер, додека дебитантите Адам Амур и Александар Шалер ја освоија бронзата.

Победата на Јоханес Лохнер и неговиот сопирач Георг Флајшхауер беше сигурна уште од првото возење во понеделникот. Лохнер, кој настапува на своите трети и последни Олимписки игри како лидер во двете дисциплини во боб, ги оправда очекувањата во вторникот и стигна до златото со огромна разлика од 1,34 секунди. За 35-годишниот пилот, ова е трет олимписки медал, но прво злато.

Ваквиот расплет е пресликан од последните Игри во Пекинг во 2022 година, кога Германија исто така ги освои сите медали во боб двосед. Тогаш Фридрих беше прв, а Лохнер втор. Последната нација што постигна таков подвиг на Зимските игри по ред беше исто така Германија, во санкање за жени во 2002 и 2006 година.

Foto/ EPA

Реал Мадрид стекна минимална предност во дуелот со Бенфика, во првиот бараж меч за пласман во осминафиналето, во Лигата на шампионите. На „Да Луж“, во Лисабон, Реал ја победи Бенфика со 1:0. Единствениот гол во 50-та минута го постигна Винисиус Жуниор.

Три недели по спектакуларната пресметка во првата фаза и голот на голманот Трубин во 98-та минута, Бенфика и Реал одиграа уште еден натпревар. За разлика тој меч, во кој беше надигран, Реал доминираше и на крајот заслужено победи.

Во силно темпо мина првото полувреме, првите 15 минути им припаднаа на домаќините, потоа Реал воспостави контрола, а во последните пет минути од првиот дел Трубин три пати спречи водство на Реал.

Вториот дел започна со брилијантниот гол на Винисиус во 50-та минута.

Провокацијата на Винсиус ја вжешти атмосферата на стадионот. Бразилецот заработи жолт картон за провокативната прослава на голот, откако доби жолт картон му се пожали на судијата дека бил расистички навредуван од Џанлука Престијани од Бенфика.

Винисиус потоа седна на клупата, не сакаше да игра. Прекинот траеше 10 минути.

Прекинот го „уби“ одличниот ритам во кој беа двата тима. По една полу шанса имаа едните и другите. Потоа интересен момент во 85-та минута.

Жозе Мурињо заработи црвен картон поради жестоки протести. Тренерот на Бенфика побара жолт картон за Винисиус, односно исклучување за Бразилецот, но судијата Летексје не мислеше така, но, по бурните протести, на крајот му покажа црвен картон на Мурињо.

Реваншот се игра наредната среда во Мадрид.

Foto/ EPA

Англискиот фудбалер Букајо Сака потпиша нов петгодишен договор со Арсенал до 2031 година.

„Би-Би-Си“ пишува дека Сака ќе стане најплатен играч на Арсенал, со плата од над 300.000 фунти неделно.

Разговорите за нов договор траат речиси една година, а Сака усно се согласи да ја продолжи верноста кон „Топџиите“.

Тековниот договор на Саки истекува во 2027 година, и очигледно тој ќе остане во Лондон можеби и до крајот на кариерата.

Тој го имаше своето деби за Арсенал како 17-годишник во 2008 година, откако помина низ академијата на клубот.

Досега, тој одигра 217 натпревари во Премиер лигата, постигна 57 гола.

Арсенал има четири бода предност на врвот на Премиер лигата и ќе игра против Манчестер Сити во финалето на Лига Купот.

„Топџиите“ се квалификуваа за осминафиналето на Лигата на шампионите, како и за петтото коло од ФА Купот.

Foto/ depositphotos