Тренерот на Ливерпул, Арне Слот, пред натпреварот со Вест Хем изјави дека десниот бек Џереми Фримпонг е подготвен да се врати на теренот по едномесечна пауза, но дека натпреварот ќе го пропушти Флоријан Вирц.

Шампионот на Англија ги пречекува „Чеканите“ во натпреварот од 28-то коло од Премиер лигата, кој ќе се игра на „Енфилд“ попладнево од 16 часот.

Фримпонг, последниот натпревар го одигра на против Карабаг на 28 јануари.

„Џереми ќе биде во конкуренција за Вест Хем. Тој тренираше со нас неколку пати оваа недела и ќе биде во ростерот. Не очекувам Флоријан да биде во тимот, што секако е разочарување“, рече Слот, додавајќи:

„Секој пат кога некој играч не е достапен, тоа е разочарување, а ова е нешто што не го очекував по минатата недела. Сепак, понекогаш работите се развиваат на таков начин и, за жал, овој пат не на позитивен начин.“

Тренерот на Ливерпул нагласи дека не е јасно кога точно репрезентативецот на Германија би можел повторно да игра.

Фото/ depositphotos

Александар Станковиќ е еден од најбараните млади фудбалери во Европа, по Борусија Дортмунд, интерес за српскиот играч од средниот ред покажа и Атлетико Мадрид.

Како што стојат работите сега, Клуб Бриж би можел да заработи огромна сума пари од продажбата на 20-годишниот фудбалер кого го доведоа од Интер на почетокот на сезоната за 9,5 милиони евра.

Нероаѕурите имаат клаузула што им овозможува да го откупат назад својот поранешен играч, се шпекулира дека цента за Интер е околу 23 милиони евра, но цената на Станковиќ постојано расте и веќе достигна 40 милиони евра.

Шпанското радио „Марка“, објави дека тренерот на Атлетико, Диего Симеоне, побарал од спортскиот директор, Матеу Алемани, да почне да работи на трансферот на Станковиќ.

Тренерот на Алетико, во кариерата беше соиграч со таткото на Александар Станковиќ во Лацио. Квалитетите на синот на актуелниот тренер на Црвена звезда, Аргентинецот можеше да ги види неодамна кога Атлетико и Бриж играа во плејофот од Лигата на шампионите.

Александар Станковиќ постигна седум гола и пет асистенции на 41 натпревар за Бриж оваа сезона.

Минатата година против Латвија тој го имаше дебито во репрезентацијата на Србија.

Кошаркарите на Оклахома го победија Денвер со 127:121 по продолжението.

Денвер Нагетсите беа на работ на голема победа, но попуштија кога беше најпотребно и го испуштија триумфот.

Во финишот се чинеше дека Денвер оди кон победа. На три минути до крајот, Браун постигна тројка и ги доведе гостите на +6 поени, но Оклахома успеа веднаш да се врати преку Шеј и Карусо.

Никола Јокиќ успеа да го израмни резултатот со своите поени, а ќе се покаже дека го однесе натпреварот во продолжение со нив. Пред тоа, Браун, му удри банана на Шеј, а потоа од другата страна, Кам Џонсон промаши отворена тројка за победа на Нагетс.

Сепак, во продолжението, Денвер целосно застана, расположен беше само Мареј, и со низа грешки, ја подари победата на Оклахома.

Играчите на Оклахома не бираа сретства даго запрат Јокиќ, на почетокот Шеј доби техничка, а во финишот Лу Дорт го фрли на паркетото српскиот центар.

Јокиќ веднаш стана и почна да се пресмета со Канаѓанецот, додека Џејлин Вилијамс стана во одбрана на соиграчот. Во очите на Јокиќ можеше да се види лутината и колку е подготвен да се пресмета со противниците.

Дорт беше исклучен, српскиот ас и Вилијамс добија по една техничка грешка и драмата можеше да продолжи.

Lu Dort was ejected after appearing to trip Nikola Jokic on this play.

Nikola Jokic and Jaylin Williams both received technical fouls. pic.twitter.com/ZFyNHpigsM

— ESPN (@espn) February 28, 2026

Во поразениот тим, Џамал Мареј се истакна со 39 поени, додаде осум скока и шест асистенции. Никола Јокиќ запиша трипл-дабл со 23 поени, 17 скока и 14 асистенции, но имаше слаб процент на реализиација, Кристијан Браун додаде 22 поени.

Кај Оклахома, Шеј Гилџис-Александер постигна 36 поени, со 9 асистенции, Холмгрен додаде 15, Мекејн 14, Карусо 12.