Три натпревари се одиграа во Премиер лигата во терминот од 15 часот, победија домаќините со идентичен резултат 2:1.

Манчестер Јунајтед стигнаа до три бода по пресврт во второто полувреме, против Кристал Палас, а важен детаљ беше директниот црвен картон за Максенс Лакроа во 56-та минута.

Французинот беше тој што му донесе предност на Палас во четвртата минута од играта, но подоцна се претвори во трагична фигура.

Судијата Крис Кавана досуди пенал за Јунајѕед, а по консултација со ВАР собара процени дека треба и да му покажа црвен картон на Французинот.

Најстрогата казна во 57-та минута рутински ја реализираше капитенот на домашниот тим, Бруно Фернандес.

Фернандес запиша и асистенција во 65-та, за Бенјамин Шеско. Словенецот го постигна четврти гол во последните пет натпревари.

Јунајтед сега се искачи на третото место со 51 бод, 10 зад лидерот Арсенал, додека Палас падна на 14-то место и има 35 бода.

Тотенхем и Нотингем Форест жестоко се борат за опстанок, загубија во пресметките со Фулам, односно Брајтон.

Фулам во лонндонската пресметка му го нанесе 13-от пораз на Тотенхем оваа сезона, втор под водство на Игро Тудор. Вилсон и Ивоби му донесоа голема предност на Фулам во првиот дел, во вториот Ришарлисон намали на 2:1, но Тотенхем немаше сила да избегне пораз.

Во Брајтон, конечниот резултат беше поставен по само 15 минути игра. Брајтон поведе преку Гомес во шестата минута, за Форест израмни Гибс-Вајт во 13-та, а две минути подцна ветеранот Велбек го постави конечниот резултат.

Тотенхем е 16-ти со 29, а Форест позиија подолу со 27 поени, Вест Хем на 18 место има 25 бодови.

Foto/ EPA

Напаѓачот на Барселона, Роберт Левандовски, ќе го пропушти натпреварот против Атлетико Мадрид.

Каталонскиот клуб потврди во официјално соопштение дека Левандовски претрпел силен удар во пределот на очите и дека се здобил со повреда, поради која нема да му биде достапен на Ханси Флик за натпреварот против Атлетико Мадрид.

Ова е огромен удар за Барселона, на која ќе ѝ биде потребна целата расположлива напаѓачка моќ за да се обиде да постигне четири гола и да се врати во двомечот против своите големи ривали.

Во првиот натпревар, Атлетико победи со 4:0 и со тоа им го нанесе најубедливиот пораз на Каталонците во ерата на Ханси Флик.

Од оваа недела е познато дека дури и повредениот Френки де Јонг нема да игра против Атлетико, кој ќе биде надвор од теренот до април, додека Ерик Гарсија нема да игра поради црвениот картон на првиот натпревар.

Натпреварот Барселона – Атлетико Мадрид е закажан за вторник во 21 часот.

Foto/ depositphotos

Словенецот Домен Превц доминираше на леталницата во Кулм, во натпревар кој е дел од Светското првенство. Превц победи со нов рекорд на леталницата, кој сега изнесува 245,5 метри.

Во првата серија, Домен Превц забележа скок од 238 метри, два и пол метри пократок од Австриецот Стефан Ембахер, но имаше подобри оценки и беше на првото место по првата серија.

Словенецот беше феноменален во вториот скок, со скок од 245,5 метри го постави рекордот во скијачки летови, за доминантна победа со вкупно 463,2 поени.

За да биде работата поинтересна, претходниот рекорд на леталницата во Кулм го држеше најстариот Превц, Петер, кој забележа лет од 244 метри во 2016 година.

Ембахер го задржа второто место (скокови од 240,5 и 225 метри, 438,4 поени), додека Норвежанецот Јохан Андре Форфанг го освои третото место со скокови од 225,5 и 224 метри и вкупно 405 поени.

За Превац, актуелен победник на Новогодишната турнеја и олимпски првак на големата скокалница, ова беше 13-та победа на Светскиот куп оваа сезона.

Foto/ EPA