Црна хроника
Притвор за двајца дилери на марихуана

Двајца дилери на дрога биле фатени од полицијата со речиси еден килограм марихуана, по што добија едниот притвор, а другиот обврска да се јавува во судот.
Имено, СВР Скопје-Единицата за недозволена трговија со дрога поднесе кривична пријава до ОЈО Скопје против Г.Н.(33) и Ф.М.(25), од Свети Николе поради постоење основи на сомнение дека неовластено набавиле наркотична дрога марихуана, наменета за улична продажба на уживатели во Свети Николе.
За стореното кривично дело „неовластено производство и пуштање во промет наркотични дроги, психотропни супстанции и прекурсори“,од страна на судија на претходна постапка на Г.Н. одредена му е мерка притвор во траење од 30 дена, додека на Ф.М. одредена му е мерка-обврска да се јавува во суд.
Првопријавениот заедно со второпријавениот, пред три недели од засега непознати лица, за сума од 800 евра, набавиле наркотична дрога марихуана со нето маса од 997,4 грама при што околу 18 часот на наплатна рампа „Петровец“ полициски службеници од Единицата за недозволена трговија со дрога го сопреле возилото марка „Хонда Цивик“ со светиниколски регистарски ознаки, каде на возачот Г.Н. му биле дадени јасни наредби за застанување, но истиот не ја почитувал наредбата, го стартувал возилото и удрил во полицискиот службеник со намера да го прегази. Откако пријавените почнале да бегаат во правец кон Аеродромот „Александар Велики“ полицијата ги следела и по наплатната рампа во правец кон Куманово, второпријавениот Ф.М. од неговиот прозор исфрлил една жолта ќеса со наркотична дрога марихуана покрај самиот магистрален пат. По неколку километри возилото било сопрено, двајцата се приведени по што со истите бил извршен службен разговор во кој тие делумно го појасниле начинот на извршувањето на кривичното дело./крај/со/бб
Извор: Илустрација
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсен жител на Кичево, возел пијан и предизвикал сообраќајна незгода

Полицијата, синоќа во 00:35 часот на улица „Јанко Михајлоски“ во Кичево, го уапсија М.Ц.(42) од Кичево, соопшти МВР.
Претходно, тој, управувајќи патничко возило „рено“ без регистарски таблички, удрил во паркирано возило „мицубиши“ со скопски регистарски ознаки. При преземање мерки во врска со настанот, извршено е алкотестирање, при што полициските службеници констатирале дека го управувал возилото по дејство на алкохол, односно измерени му се 1,72 промили алкохол во крвта.
По целосно документирање на настанот, против него ќе биде поднесена пријава по член 297-а од Кривичниот законик – „безобѕирно управување со моторно возило“.
Црна хроника
Нелегално поседувал воздушна пушка: пријава против маж во Охридско

Вчера при претрес во домот на С.Т.(32) од охридското село Лескоец, извршен со судска наредба, полициските службеници од СВР Охрид пронашле и одзеле воздушна пушка „Славија“ калибар 4,5 милиметри, која нелегално ја поседувал.
Според полицијата, по целосно документирање на настанот, против него ќе биде поднесена соодветна пријава.
Црна хроника
Пијан возач удрил во паркирано возило во Кичево

Утрово во 00:35 часот на улица „Јанко Михајлоски“ во Кичево, полициски службеници од ОВР Кичево го лишија од слобода М.Ц.(42) од Кичево.
Претходно, тој, управувајќи патничко возило „рено“ без регистарски таблички, удрил во паркирано возило „мицубиши“ со скопски регистарски ознаки.
При преземање мерки во врска со настанот, извршено е алкотестирање, при што полициските службеници констатирале дека го управувал возилото по дејство на алкохол, односно измерени му се 1,72 промили алкохол во крвта.
По целосно документирање на настанот, против него ќе биде поднесена пријава по член 297-а од Кривичниот законик – „безобѕирно управување со моторно возило“, соопшти полицијата.