Црна хроника
Ограбен СП маркет во Бутел и стан во Тетово
Двајца разбојници во понеделникот вечер го ограбиле СП маркет лоциран на улицата Александар Урдаревски во Бутел, соопшти МВР.
Според истиот извор, две засега непознати маскирани лица, од кои едното вооружено со пиштол извршиле разбоништво при што одзеле околу 50.000 – 60.000 денари дневен промет. Се преземаат мерки за пронаоѓање на лицата и расчистување на настанот. Во периодот од 01.07. до 04.07.2016 година во Тетово, на ул.„ЈНА“, во стан сопственост на В.В.(1957), непознат сторител извршил тешка кражба, при што одзел 2500 евра и поголема количина златен накит, со што се стекнал со противправна имотна корист од околу 320.000 денари. Сторител со употреба на погоден предмет ја отворил металната влезна врата, влегол внатре, извршил пребарување ги нашол и одзел парите и златниот накит и напуштил местото на настанот. Увид извршила увидна екипа на СВР-Тетово. Се преземаат мерки за пронаоѓање на сторителот. /крај/мф
Извор: МВР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Затвореници претепале друг осуденик во затворот Идризово
Вчера во 10.00 часот во СВР Скопје било пријавено дека во Казнено – поправната установа Затвор Идризово, осуденикот А.Б.(35) од Скопје бил физички нападнат од осудениците З.Р. и К.Л..
Се преземаат мерки за расчистување на случајот.
Црна хроника
Скопјанец претепан од својот внук
Вчера во 22.45 часот во СВР Скопје, 49 – годишен жител на скопско село пријавил дека околу 22.00 часот во неговиот дом, по претходна расправија, бил физички нападнат од неговиот малолетен внук од Скопје.
Се преземаат мерки за расчистување на случајот.
Црна хроника
Во Центар пронајден починат маж, телото предадено на обдукција
Вчера во 13.30 часот во СВР Скопје било пријавено дека во домот на подрачјето на Центар во Скопје бил пронајден починат В.М.(65) од Скопје.
Лекар од Итна медицинска помош констатирал смрт, а по наредба на јавен обвинител телото на починатиот било предадено на обдукција.