Црна хроника
По расправија, кумановец со автомобил удрил маж и жена и четиригодишно дете
Кумановец по претходна расправија со автомобил „мерцедес“ удрил маж и жена и нивниот четиригодишен син.
Мажот бил пренесен во Медицинскиот центар во Куманово, а мајката и детето како итен случај со возило на брза помош се пренесени на Детска хирургија при Државна болница Скопје.
Инцидентот се случил во саботата вечерта околу 22.30 часот на улица „Борис Кидрич“ во Куманово кај Јавната здравствена установа Уред во Куманово.
Случајот го пријавила дваесет и тригодишна девојка од кумановското село Биљановце која била во автомобилот. Но таа во полиција пријавила дека ги нападнале три лица и им го оштетиле возилото.
Полицијата извршила увид на местото и констатирала дека кумановец кој бил во автомобилот со својот брат и девојката која пријавила, по претходна расправија со мажот од Куманово, со предниот десен дел од возилото намерно ги удрил мажот, жената и детето.
Двајцата браќа се задржани, а девојката која го пријавила случајот е ослободена. СВР-Куманово презема мерки за целосно расчистување и документирање на случајот./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.