Забава
Таинствен брод плута по Атлантикот
Брод на кој пловат само стаорци плови кон Велика Британија, предупредуваат експертите, но британската крајбрежна стража не ги потврдува овие наводи.
Товарно-патничкиот брод „Љубов Орлова“, изграден во 1976 година са советски нарачател во британско бродоградилиште, бил напуштен во канадско пристаниште бидејќи сопствениците му должеле на екипажот. Властите во Њуфаундленд се обиделе да го продадат како старо железо на Доминиканската Република, но тога бродот во една бура се ослободил и оттогаш бесцелно плови во водите на северен Атлантик, пренесува во четвртокот британскиот весник The Independent.
Бродот до 1999 година бил во составот на Далкуисточните линии на патнички патувања до Сахалин, на Камчатка, по должина на брегот на Приморскиот регион и во Јапонија, по што е продаден на странска компанија, пишуваат руските медиуми. Во 2010 година бродот е запленет поради долгови, а во 2012 година бил повторно продаден на друга странска транспортна компанија. При една бура во Атлантикот попуштило јажето за врзување иод 24-ти јануари 2013 година 90-метарскиот брод лебди по океанот ло ПРи
Канадските власти објавија дека од тогаш бодот се наоѓа во меѓународните води и „повеќе не претставува закана за безбедноста на канадските нафтени инсталации, ниту за нивните вработени, а ниту за природната околина“.
Експертите сметаат дека на бродот најверојатно има стотици стаорци канибали коишто преживуваат јадејќи се меѓу себе.
Во март 2013 година двапати беа фатен сигнал од бродот па е заклучено дека изминал две третини од патот преку Атлантикот, како и дека плови кон исток. Подоцна е забележан неидентификуван објект со приближна големина крај шкотскиот брег, но пребарувањето со авиони не успеа да потврди за што станува збор.
Пим де Роодес, Белгиец кој се занимава со трагање по потонати богатства, е во потрага и по „Љубов Орлова“, за весникот The Sun вели дека „Таа е близу. Сигурно е полна со стаорци и тие се јада еден со друг. Доколку успеам да се качам на бродот, ќе морам сите да ги иструјам“.
Началникот на ирската крајбрежна стража Крис Рејнолдс изјавил дека тој стар брод веројатно и натаму претставува опасност. „Последните месеци имаше силни бури, но не е лесно да се потопи толкав брод. Мораме да бидеме претпазливи“, предупредува.
Меѓутоа, британската крајбрежна стража не потврдува дека не ги потврдува пишувањата на медиумите дека бродот „Љубов Орлова“ е блиску до брегот или веќе во британските територијални води. „Не сме добиле никакви извештаи за бродот од април минатата година, но, доколку е забележан, ќе реагираме соодветно“, одговорил портпаролот на британската агенција за поморска безбедност и крајбрежната стража./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.