Забава
Тужи казино зашто му дозволило да загуби половина милион долари
Американските власта отворија истрага во случајот на маж кој тужел едно казино во Лас Вегас бидејќи го оставило да изгуби 500 илјади американски долари, а бил многу пијан.
Законот во американската сојузна дражва Невада им забранува на казината да им дозволуваат на „лицата под забележително влијание на алкохол или дроги да учествуваат во игрите на среќа”, изјавил Марк Џонстон, кој ја поднел тужбата.
Овој 52-годишне бизнисмен од местото Вентура во државата Калифорнија во февруари сфатил колку пари изгубил на коцка дури откако следното утро се разбудил во хотелскиот апартман во „Downtown Grand Las Vegas Hotel & Casino”
Џонстон вели дека почнал да пие уште пред да полета од Лос Анџелес за Лас Вегас со пријателката, а потоа воопшто на ништо не сеќава што се случило таа вечер.
Како што пренесува весникот The Los Angeles Times, Џонстон испил уште дваесетина пијачки во текот на коцкањето во казиното и бил толку пијан што веќе не ги распознавал картите коишто ги држел во рацете. Трупајќи го долгот продолжил да игра, додека неговата пријателка мирно си заминала на спиење, ненасетувајќи каква финансиска драма се случува околу нејзиниот пријател.
Казиното, коешто е отворено во ноември 2013 година, одбило да го коментира за CNN случајот, повикувајќи се на судскиот процес.
Џонстон, поранешен сопственик на салон и застапништво за автомобили во Лос Анџелес, инаку за себе вели дека не е губитник. „Не жалам кога губам. Загубив половина милион долар. Сум изгубил 800 илјади долари. Губев многу пари. Но ова нема врска со тоа”, рекол Џонстон инаку „ветеран” во коцкање. „Секако дека можам да си дозволам да губам”, додал позирајќи до својот луксузен автомобил „Mercedes-Benz” кој чини 250 илјади долари./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.