Македонија
ДИК ги исчистил само починатите од Избирачкиот список
Само починатите лица, кои биле во Избирачкиот список, а ги имало од 2012 година, сигурно ќе бидат избришани од списокот, додека за останатите гласачи, кои подлежеа на повеќе проверки во последниов период од Државната изборна комисија (ДИК), па дури и теренската проверка, членовите на комисијата не знаат како ќе ги прочистат.
Според изборниот законик, кога ќе се распушти Собранието, а тоа во случајов е вечерва, на 6-ти април, ако изборите се закажат за 5-ти јуни, следниот ден Министерството за внатрешни работи треба да достави Избирачки список до ДИК, па соодветно на тоа, членовите на ДИК од редовите на СДСМ, се прашуваа кога ќе бидат внесени податоците од извршените проверки.Укажаа и на тоа дека, од нешто повеќе од 87.000 граѓани кои беа проверувани теренски, внесени се податоците за околу 77.000, а 10.000 се внесуваат, но и тие што се внесени, не се обработени за да се види дали се спорни или треба да се проверуваат во базите на МВР или во Управата за матични книги. Дополнително, членот на ДИК, Игор Милев, рече дека околу 37.000 од тие 77.000 внесени, не биле најдени дома, а 6.000 барања на граѓани стигнати по електронски пат не се воопшто разгледани од ДИК. Рече дека треба да се очекува, дека тие 37.000 нема ни да се јават во подрачните канцеларии на ДИК, затоа што веќе пропуштиле еден рок за тоа да го сторат, а и да дојдат, нивните податоци, можеби ќе треба дополнително да се проверуваат, за што исто така, треба време. Тој праша и што со оние 523 гласачи, кои во евиденцијата на Избирачкиот список, се јавуваат со непостоечка адреса, и кои реално немало како да се проверат теренски. Посочи и дека поднесено е барање за 144 лица кои дополнително треба да се проверуваат. Виолета Дума, исто како и Милев во ДИК ги застапува интересите на опозициската СДСМ, смета дека во голема мера податоците се сé уште непроверени, а смета дека само починатите лица ќе бидат соодветно избришани, додека она што ДИК го изработи последните денови нема да биде внесено во Избирачкиот список. Силвана Бонева, од редовите на владејачката ВМРО-ДПМНЕ, од друга страна, пак, рече дека е многу задоволна од чистотата на списокот и од сработеното во изминатиот период. Таа предложи, она за што претходно на 19-ти март гласаше против, сега да се сработи. Односно, предложи МВР да ги провери 124.000 граѓани за кои постои сомнение дека се на привремена работа во странство, затоа што, како што рече, увидела дека проверката електрониски оди многу брзо, па ИТ експертите тоа би го направиле и за еден ден, но таа предложи на МВР да му се даде три дена за тоа. Предложи и повторно, иако ДИК доби времена мерка за забрана за објавување на податоците на граѓаните од Избирачкиот список да бидат објавени на веб страната на ДИК, оние граѓани кои теренски не биле пронајдени дома, да се стават на списокот за неконзистенстни податоци и да се објават без адреси, само со име и презиме, за да се јавеле во канцелариите на ДИК за проверка.Членовите од редовите на СДСМ и забележаа дека тоа не е можно, во првиот случај затоа што се тоа премногу гласачи за проверка, а во вториот случај, ја прашаа дали сака повторно да добијат предупредување со времена мерка.Инаку, во МВР во моментот се проверуваат податоци за 68.968 гласачи кои имаат само пасош, а тие проверки се завршени во 12 отсто, како и за лица кои имаат поднесено барања за лични карти, а од 41.863 барања, обработени се 19 отсто.Според проверките и вкрстувањето на базите на податоци, најдено е и едно лице кое има два матични броја, за што Милев изрази сомнеж дека може да има и повеќе такви случаи, ако се почекаат резултатите од теренската проверка. Сепак, сомнежите за ова лице се дека можеби се селел додека Македонија беше во рамки на СФРЈ и по барање за државјантво подоцна, добил нов матичен број.Седницата почна во 11 часот и се уште трае, а расправата меѓу членовите на ДИК е жестока./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Дождот ќе се задржи до четврток, стабилизирање дури во петок
Времето утре ќе биде променливо облачно со повремени врнежи од дожд.
Попладне, наместа ќе биде нестабилно со пороен дожд, грмежи и засилен ветер, локално во форма на краткотрајно невреме со пообилен пороен дожд (за кратко време над 15 л/м2). Минималната температура ќе биде во интервал од 4 до 9, а максималната ќе достигне од 11 до 17 степени, јавува УХМР.
Во Скопје, променливо облачно време со повремени врнежи од дожд. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 15 степени.
До четврток ќе се задржи променливо облачно и нестабилно време со повремени врнежи од дожд, особено во попладневните часови. Локално ќе има услови за појава на краткотрајно невреме со пообилен пороен дожд (за кратко време над 15 л/м2), грмежи и засилен ветер. Стабилизирање на времето ќе има во петок.
Македонија
Хуманитарен концерт на Тамара Тодевска – Пееме за Кочани
Со цел поддршка и помош на семејствата на починатите граѓани и повредените во трагедијата во Кочани, Тамара Тодевска организира хуманитарен солистички концерт.
Имено, овој музички настан ќе се одржи на 17. април (четврток), од 20:00 часот, во Младинскиот културен центар (МКЦ).
Средствата од продажбата на билетите ќе бидат наменети за семејствата на починатите граѓани, како и за сите повредени во трагедијата.
Информациите за продажбата на карти ќе бидат објавени претстојните денови, а Тамара ги повикува сите свои фанови и луѓе кои ја почитуваат македонската музика да бидат дел од овој концерт:
– Хуманоста и солидарноста се вредностите кои можат да ја вратат надежта, а се толку потребни за семејствата на починатите и повредените граѓани во трагедијата во Кочани. Во моментите на тага и жалост – да останеме луѓе, да пееме македонска музика, да пееме за Кочани. На 17. април (четврток), во @mkc_skopje, од 20:00 Ве повикувам на хуманитарен концерт за Кочани, посочи Тодевска на своите профили на социјалните мрежи.
Продажните места за картите за овој концерт ќе бидат објавени на офијалните канали на социјалните мрежи на Тамара Тодевска на Instagram и Facebook.
Македонија
Јаневска: Го јакнеме финансиското образование, градиме млади подготвени за управување со финансии и за справување со ризици и измами
Финансиската едукација на младите е исклучително важна бидејќи ги подготвува за управување со финансии и планирање на буџетот, разбирање на економските процеси и препознавање на ризиците и обидите за финансиски измами. Во таа насока, повеќе надлежни институции работат на унапредување на постојниот концепт, процес во кој од клучно значење ќе бидат резултатите од истражувањето за финансиската писменост што го спроведува Бирото за развој на образованието.
Ова го истакна министерката за образование и наука, Весна Јаневска, на денешната панел дискусија на тема „Финансиска писменост во Македонија – состојба, предизвици и решенија“ во рамки на третиот Женски економски форум кој го организираат здруженијата „Јас Сум Жена“ и „Global Shapers Skopje Hub“ заедно со Факултетот за туризам и бизнис логистика при Универзитетот „Гоце Делчев“ – Штип.
Јаневска рече дека финансиската едукација во основното образование кај нас е застапена преку теми во наставните програми по повеќе предмети, а постојат и слободни изборни предмети и воннаставни активности. Станува збор за интегриран пристап воведен по препорака на ОЕЦД. Во средното образование пак, односно во гимназиското и уметничкото има задолжителен предмет, а во стручното – задолжителен и изборни предмети постојат во одредени струки.
„Секој концепт може да биде и подобар и затоа Министерството за образование и наука со Министерството за финансии, Народна Банка, Македонската банкарска асоцијација и други страни тесно соработуваат, разменуваат информации, идеи и искуства за да може постепено финансиската едукација да се надградува –преку проширување на наставната материја, преку повеќе обуки на наставниот кадар и слично. Во оваа насока од особена важност ќе бидат и резултатите од истражувањето за финансиската писменост што го спроведува Бирото за развој на образованието, а кое ќе ни обезбеди податоци за идните политики“, рече министерката.
Осврнувајќи се на подготвеноста на младите да препознаваат финансиски измами, рече дека тоа се глобални предизвици кои бараат постојана адаптација, учење и заедничка регионална и меѓуинституционална соработка.
Покрај панел дискусијата посветена на финансиската писменост на која учествуваше и министерката за финансии, Гордана Димитриеска Кочоска, во рамки на форумот се
одржаа и работилници на тема „Клуч за финансиски успех“ и „Сајбер ризици и заштита на личните податоци“.
Христијан Стојанов е уште едно младо момче што влезе во „Пулс“ за да спасува луѓе: „Обезбедувањето ни помогна многу“
Осумнаесетгодишниот Христијан Стојанов е уште еден херој од трагедијата во дискотеката „Пулс“ во Кочани, кој не размислувајќи за сопствениот живот...
Подобрена е состојбата кај двајца пациенти кои се лекуваат во Солун, од интензивна нега преместени се на пластика
Министерството за здравство информира дека нема промени во бројот на хоспитализирани пациенти од вчера, во Скопје вкупно се лекуваат 16...
Oсмани и Адеми во посета на семејството на Бектеши за Бајрам: „Неправедно е обвинет, ја имате нашата поддршка“
Поранешниот министер за здравство Бујар Османи и портпаролот на ДУИ, Арбер Адеми, за Рамазан Бајрам го посетија семејството на ексминистерот...
„Не пројдоа ни 40 дена од трагедијата“ – Мицкоски смета дека е рано да се размислува за градоначалник на Кочани
Премиерот Христијан Мицкоски смета дека рано е да се размислува за заеднички кандидат за градоначалник на Кочани, по информациите дека...
Планинарката Ивона која загина во пожарот е ќерка на единствената пожарникарка во Кочани, колегите тагуваат
Дваесет и едногодишната Ивона Антова – планинарка која загина во дискотеката „Пулс“ во Кочани, е ќерка на единствената жена пожарникар...
Прво сведоштво на Костадинов за пожарот: Се измокрив со црево и влегов низ прозорецот кај билетите, ги вадевме луѓето еден по еден
Со маса го скршив прозорецот и со цревото прскавме вода внатре. Вака 19 годишниот Јован Костадинов кој спаси 21 живот...
Попладнево пороен дожд, грмежи и ветер, најавија метеоролозите
Времето денес ќе биде променливо облачно со повремени врнежи од дожд. Попладне, наместа ќе биде нестабилно со пороен дожд, појава...
Деца од Битола принудувале врснички сексуално да ги задоволуваат, имале компромитирачки материјали
Деца од Битола принудувале врснички полово да ги задоволуваат, заканувајќи им се со компромитирачки материјали кои ги поседувале. Случајот во...
(Видео) Кочани, Кочани… емоции на првиот фудбалски натпревар во градот по трагедијата
Денеска беше одигран првиот фудбалски натпревар во Кочани по трагедијата со пожарот во дискотеката „Пулс“. Мечот се одигра помеѓу тимот на...
Влошена е состојбата кај двајца критични пациенти кои се лекуваат по пожарот, информира Таравари
Влошена е состојбата кај двајца пациенти кои се лекуваат по пожарот во дискотеката „Пулс“ во Кочани. Вкупно четворица се во...
(Видео) Пиротехниката во затворен простор ќе се најде пред пратениците, се менува Законот
Пратеничката група на ВМРО-ДПМНЕ по скратена постапка го менува Законот за јавен ред и мир, со што се става ред...
Случајот со Фросина Кулакова не’ собра, а причина е системот, велат од „Кој е следен“ по обвинувањата дека ја злоупотребиле трагедијата
Точно е дека движењето „Кој е следен?“ настана по сообраќајната несреќа на Партизанска кога загина Фросина Кулакова. Тоа не’ собра...
(Видео) Шукова: Можеби храната што ја јадеме е под ризик порди излевањето во Крива Река
Се’ што се продава на пазарите во Скопје, Куманово, Паланка, Велес и другите градови, се наводнува од Вардар, Пчиња, Крива...
Филип беше ураган од љубов – во Штип се одржа комеморација за музичарот Стевановски кој загина во пожарот
Во Штип се одржа комеморацијата за директорот на штипскиот центар за култура „Ацо Шопов“, Филип Стевановски, кој тагично го загуби...
Утре еден час помалку спиење – во два по полноќ почнува летното сметање на времето
Вечерва, сабота кон недела, почнува летното сметање на времето. Тоа значи дека стрелките на часовникот во два часот наутро на...
Зеленски: Американците целосно го сменија договорот, чекаме правна анализа
Украинскиот претседател, Володимир Зеленски, рече дека Украина нема да прифати никаков договор за минералните суровини што ќе ја загрози нејзината...
OJO: Поднесено обвинение за тешката сообраќајна несреќа со смртни последици на „Партизанска“
По целосно спроведена истражна постапка, Основното јавно обвинителство Скопје поднесе обвинителен акт против едно лице што се товари за тешки...
Четворицата лидери на „Влен“ вечерва ќе одат на ифтарска вечера кај Аљбин Курти, Таравари вели дека ќе разговараат и за локалните избори
За претстојните локални избори, како и за сите актуелни теми во земјата и во регионот, вечерва, на ифтарска вечера кај...
Денес, осум пациенти од Скопје се пуштаат дома, од странство се враќаат уште девет
Министерот за здравство, Арбен Таравари, информира дека во моментот во установите во Скопје се хоспитализирани 22 пациенти, сите стабилни и...
Измамници оштетија струшко семејство: им понудиле донации за болниот син, па подигале брзи кредити
Двајца измамници излажале сопружници од Струга дека ќе собираат пари за лекување на нивниот болен син и им ги зеле...
