Министерството за внатрешни работи функционира вообичаено, по понудената оставка на министерот за внатрешни работи Оливер Спасовски и по укинувањето на неговите одлуки од страна на Владата, тврди заменик-министерот Митко Чавков.

„И покрај понудената оставка од министерот Спасовски, Собранието немаше седница така што таа не е прифатена како и оставките од останатите кои учествуваа во владата на ВМРО-ДПМНЕ. Секако дека Министерството функционира нормално бидејќи овластувањата и надлежноста на министерот не се доведени во прашање туку доведени се во прашање со одлука на Влада само оние незаконски решенија и акти што тој ги има донесено од ноември минатата година досега“, изјави Чавков, кој присуствуваше на пуштање нов објект на полициското одделение во општина Јегуновце.Тој, во понеделникот  упатил телеграма до директорите на Бирото за јавна безбедност иУправата за безбедност и контраразузнавање со кои ги информирал за владината одлука врз основа на која се поништени сите незаконски решенија.Појасни дека се работи за 427 незаконски решенија и практично сите тие се предмет напоништување со одлука на владата и потребно е да се воспостави претходна состојба.Според Чавков, Министерството функционира беспрекорно и така што и покрај инцидентите на јужната граница на мошне ефикасен и ефективен начин полицијата успеа да се справи со таа состојба, а така ќе се справува и понатаму со сите идни безбедноснипредизвици.„Одлуката на Владата и поништувањето на решенијата одговорно тврдам дека непридонесуваат за нарушување на системот за функционирање на МВР“, рече Чавков./крај/мф