Македонија
Новинарот Зоран Божиновски екстрадиран во Македонија

Македонскиот новинар, сопственик на порталот Буревесник, Зоран Божиновски, кој се бара поради здружување во криминална група, шпионирање и уцена, во четврток е екстрадиран во Македонија од Србија, пренесува Tанјуг.
Министерот за правда на Србија, Никола Селаковиќ, ја потпишал одлуката за испорачување на Божиновски, по одлуката на судот дека се исполнети претпоставките за негово испорачување, пишува агнецијата.Божиновски претходно во четврток претпладнето беше уапсен и испорачан во Македонија, чиј државјанин е.Заради тоа, Здружението на новинари на Србија, реагираа дека се загрижени, затоа што екстрадицијата на Божиновски се случува во време на „нејасни политичко-безбедносни прилики“ во Македонија, и „сериозно ја загрозува неговата безбедност“.Божиновски, како што пишуваат од Здружението, завчера со својот адвокат бил на разговор во полиција каде по одлука на Управниот суд, требало да достави додатна документација, врз чија основа би била поништена претходната одлука на Министерството за внатрешни работи на Србија за одбивање на неговото барање за азил.Божиновски беше уапсен на 7-ми ноември 2013 година во Нови Сад, по потерница на Интерпол, а според обвиниението се товари за злосторничко здружување, шпионажа и уцена според Кривичниот законик на Македонија.Извесно време мина во екстрадационен притвор, по што е пуштен на слобода каде ја чекаше одлуката за азил.Медиумите пишуваа дека Божиновски е еден од 20-те осомнилени, меѓу кои се главно сегашни и поранешни припадници на разузнавачката агенција, Управата за безбедност и контраразузнавање, како и Министерството за одбрана. Се сомничат дека се занимавале со шпионажа, но и со уцена на влијателни личности во македонија од кои барале пари за да не им објават детали во јавност од нивните приватни животи./крај/мф/бб
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Над 500 граѓани на Бугарија дарувале крв за повредените од Кочани

Над 500 граѓани во Бугарија дарувале крв за повредените Кочани од трагичниот пожар во дискотеката „Пулс“. Ова го соопшти бугарскиот Црвен крст за агенцијата БТА.
Сепак, многумина се прашуваат дали собраната крв ќе биде доволна за сите повредени. Затоа, организаторите апелираат до граѓаните да продолжат со дарувањето до крајот на неделата. Инаку, секоја капка крв може да направи разлика за нечиј живот.
Крводарувањето се одржува во две клучни институции во Софија. Првата е Универзитетската болница за активно лекување и итна медицина „Н.И. Пирогов“. Втората е Националниот центар за трансфузиона хематологија. Денеска, 381 лице учествувало во акцијата за повредените Кочани. Вчера, пак, за само три часа над 120 лица дарувале крв. Од прес-службата на Црвениот крст на Бугарија соопштиле:
„Со болницата ‘Н.И. Пирогов’ и Националниот центар за трансфузиона хематологија организираме голема акција за да обезбедиме крв за младите луѓе повредени во несреќата во Кочани“.
Македонија
Пациентите примени во Анкара од денес дишат самостојно, Министертвото со информација за хоспитализираните млади луѓе по пожарот

Министерството за здравство информира дека медицинските тимови на здравствените установи и денеска се целосно ангажирани во обезбедување соодветна медицинска нега за сите пациенти.
На Клиника за пластична хирургија во моментот се хоспитализирани – 10 пациенти,
На Клиника за токсикологија – 10,
На Торакална – 4,
на трауматологија – 2,
на Детска хирургија – 4,
на КАРИЛ – 13,
На Клиника за пулмологија – 2,
Во ГОБ 8 септември -17,
Во Хируршка клиника „Св Наум Охридски“ -11
Во ОБ Штип – 2
Според информации од медицинските центри во Австрија, од шест пациенти, пет се на интензивно лекување во стабилна состојба, додека еден е префрлен на интерно одделение.
Во Литванија – четири пациенти се на интензивно лекување во стабилна состојба.
Петтемина пациенти повредени во пожарот во Кочани кои беа испратени на лекување во Анкара, Турција, од денес дишат самостојно.
Во Србија во моментот се лекуваат 30 пациенти, кои се на интензивно лекување во стабилна состојба.
Во здравствени установи во Бугарија се лекуваат 14 пациенти, од кои седум се на интензивна нега, а останатите се со помал процент на изгореници и самостојно дишат.
Во Грција се лекуваат осум пациенти, кои се стабилни во моментот.
Во текот на ноќта се очекува пациенти да бидат упатени во европски центри, за што Министерството за здравство изразува благодарност за поддршката која ни се пружа од првиот момент од нашите меѓународни партнери.
Македонија
(Фотогалерија) Скопје плаче: илјадници граѓани оддадоа почит за жртвите од пожарот во дискотеката во Кочани

Илјадници граѓани на Скопје излегоа за да изразат сочувство и почит за смртта на младите луѓе кои трагично го загубија животот во дискотеката „Пулс“ во Кочани, а преку транспарентите кои ги држеа во рацете, упатија и пораки против корупцијата.
„Лесно запалива држава“; Немаше да има крв ако се е по закон“; „Нивниот единствен грев е што беа родени во коруптивен систем“, гласеа дел од пораките.
Собирот почна со 16 минутен молк за трагедијата што се случи на 16 март, а продолжи без обраќања, додека присутните оставаа цвеќиња и свеќи кај фонтаната на градскиот плоштад.
Тишината во главниот град никогаш не била погласна.
Според последните информации, во пожарот животот го загубија 59 млади луѓе, меѓу кои и седум членови на групата ДНК и полицаец кој бил на должност. Повредени се 196 лица од кои 20 деца. Дел од нив се лекуваат во државата, а дел се хоспитализирани во странство.