Македонија
Денеска нема распити на функционери во Специјалното јавно обвинителство
Денеска нема распити на функционери во Специјалното јавно обвинителство (СЈО). До попладнево, додека чекаа новинарските екипи, во зградата во која е сместено ова Обвинителство, не влезе и не излезе ниту еден сегашен или поранешен функциионер познат за јавноста, а кој е поврзан со објавените и необјавените прислушувани разговори.
Од СЈО не даваат никакви информации ниту кога ќе има распити, ниту за распитите кои се водат во ова Обвинителство, каде деновиве се појавија сегашни и поранешни министри, поранешни претеници, бизнимени и други јавни личности.„Ве известуваме дека како што беше соопштено во овој момент нема да соопштуваме податоци за предистражните постапки кои се водат во ова јавно обвинителство“, одговараат од Специјалното јавно обвинителство на новинарските прашања дали ќе има распити, кој ќе се појави во Обвинителството, за кој случај и во кое својство.Ниту функционерите кои новинарите ги чекаат по цел ден да излезат од Обвинителството не кажуваат детали за постапката со образложение дека предистражните постапки се тајни.Специјалната јавна обвинителка, Катица Јанева во понеделникот во разговор со новинарите едиствено потврди дека и неделава ќе има распити во Обвинителството и дека се очекува неделава таму да се појават и функционери кои биле повикани претходно, но не се одзвале на поканата./крај/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.