Забава
Загина првиот тореадор во шпанските арени по 30 години.ВИДЕО
Дваесет идевет годишниот шпански тореадор Виктор Барио почина во саботата од последици на убод со рог на корида во Теруела, во централно-источниот регион на Шпанија, што е првиот трагичен исход од традиционалната корида во оваа земја во последните три децении.
Како што соопшти организаторот на настанот, компанијата „Tauroemocion“, медицинската служба на арената утврдила смрт на тореадорот кој добил удар со рог во десната страна од градниот кош.
Телевизиските снимки од преносот во живо прикажуваат како Лоренцо, бикот тежок повеќе од 500 килограми, му го задава фаталниот убод со рогот неколкупати силно тресејќи го тореадорот во традиционално црвено-позлатениот костим. Потоа бикот го одведуваат колегите на Барио, додека тореадорот лежи на земјата, со отворени очи но очигледно без свест.
По потекло од Грахера, село во покраината Сеговија, овој енергичен и талентиран тореадор започнал да настапува на борбите со биковите во 2008 година, и ги минал сите арени во Шпанија.
Според шпанските медиуми, претходната смрт на тореадор во шпанските арени за корида се случила во 1985 година, кога тогаш само 21-годишниот Хозе Куберо загинал прободен точно во срцето.
Минатата 2015 година уште еден славен шпански тореадор Франциско Ривера „Паквири“ беше тешко ранет по убод од рог во препоните. Интересно е што неговиот татко заинал во слични околности во Андалузија во 1984 година./крај/мф/сн
Се вчитува прикажувачот на видео…
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Кејт Мидлтон направи нова фотографија, има добра причина за тоа
Кенсингтонската палата објави нова слика од принцезата Шарлот за да го прослави нејзиниот деветти роденден.
„Среќен 9-ти роденден принцеза Шарлот! Ви благодариме за сите љубезни пораки денес“, пишува во описот покрај фотографијата објавена на социјалните мрежи.
Happy 9th Birthday, Princess Charlotte! 🎂
Thank you for all of the kind messages today.
📸 The Princess of Wales pic.twitter.com/2DSDiuO93c
— The Prince and Princess of Wales (@KensingtonRoyal) May 2, 2024
Како што е наведено, фотографијата ја направила принцезата од Велс.
Пред нешто повеќе од една недела на социјалните мрежи беше објавена нова фотографија и од нејзиниот помлад брат, принцот Луис.
Фотографијата, исто така направена од принцезата Кејт, беше споделена на 23 април за да го одбележи шестиот роденден на младиот член на кралското семејство.
Најстарото дете на Вилијам и Кејт, принцот Џорџ, ќе наполни 11 години на 22 јули.
Забава
Празнично ретро шоу на автомобили-олдтајмери на Градскиот плоштад во Крива Паланка
Градскиот плоштад во Крива Паланка, во сабота (4 мај), ќе биде возбудливо место на празнично Меѓународно ретро шоу на автомобили-олтајмери од Македонија и соседството, кои ќе бидат изложени за јавноста од 11,00 – 13,30 часот.
Љубителите на старите атрактивни автомобили ќе можат да уживаат во овој ретро авто-собир и ревијата на околу 30-тина автомобили, стари и по 40 години, од моделите на Мерцедес, Опел , Шевролет и други.
Ретро шоуто на олдтајмери го организира Општина Крива Паланка, во соработка со Клубот “Олдтајмер Витези” од Куманово, а учесници се повеќе олдтајмер клубови од нашата држава и од Србија.
Старата класа возила од минатиот век ќе тргне од собирното место во Куманово и ќе пристигне во 10,30 часот на паркингот кај ресторан „Облаче“ каде сите автомобили ќе бидат нумерирани и обележани со симболите на „Крива Паланка-Град на културата“. Возилата ќе продефилираат низ централното градско подрачје до Градскиот плоштад каде ќе бидат изложени и поставени нивните обележја.
Настанот ќе биде збогатен со настап на ДЏ Буѓо, а сите граѓани ќе можат одблиску да се запознаат со ретките примероци на олдтајмери, нивната приказна и историја, па дури и да си обезбедат специјално возење со овие стилски антиквитети на четири тркала.
Во 13,30 часот, олтајмерите ќе се упатат кон манастирот „Св. Јоаким Осоговски“ каде ќе бидат изложени на паркингот над црквата.
Ретро шоуто на олтајмери за првпат се организира во нашата општина , а е дел од манифестацијата „Крива Паланка- Град на културата 2024“.
Забава
Принцезата Шарлот денеска полни девет години, обожавателите со нетрпение очекуваат фотографија
Принцот и принцезата од Велс, имаат уште една причина за славење оваа недела – роденденот на принцезата Шарлот.
Принцезата Шарлот денеска наполни девет години и обожавателите со нетрпение ја очекуваа годишната роденденска фотографија што семејството ќе ја објави на нивниот посебен ден, објави Мирор.
Сепак, тие ја прекинаа традицијата минатата недела кога принцот Луис наполни шест години, а се чини дека планираат да го сторат истото и овој пат.