Забава
Доколку сакате да бидете во тренд, заборавете ги високите потпетици

На париските ревии на високата мода одржани ова лето преовладуваа ниските потпетици, а славните гости кои седеа во првите редови повеќето носеа римјанки или балетанки, додека машките гости на ревиите се појавуваа во ткн брокси, комбинација на оксфордки и кломпи кои ги лансираше Хејдер Акерман.
Во високи потпетици се појавуваа само неупатените дами во поодминати години или холивудските славни личности кои немаат фантазија и не знаат да носат ништо друго, пишуваат модните критичари. Заклучокот е дека трендсетерките оваа зима ќе му се приклонат на трендот на ниските обувки наместо на досегашните платформи.Се истакнува дека овој тренд уште минатата година го најави модниот креатор Карл Лагерфилд кој моделите на пистите ги испраќаше во патики, што предизвика сензација меѓу следбеничките на високата мода. И дизајнерот Раф Симонс во новата колекција на Диор ги вклучи спортските обувки, а Лагерфилд годинава отиде чекор натаму, па во својата „от кутур“ колекција за модната куќа Шанел лансираше рамни „јапонки“ со својот потпис. Покрај раскошните креации, ги претстави апостолките украсени со машни кои се врзуваат околу глуждот и со декоративни каменчиња.Дека рамните обувки се „маст хев“, ќе забележат сите „модно освестени“ кориснички на онлајн порталите Net-A-Porter или Mytheres, на коишто во понудата за оваа година преовладуваат обувките со целосно рамни петици. Задоволството на купувањето преку ваквите интернет портали чини илјада, две и повеќе илјади евра, но тоа за пасионираните трендесетрки е неспоредливо во однос на удобноста на новиот чифт рамни обувки со потписот на славниот дизајнер.Пред само неколку години рамните обувки беа вистинска реткоста кај доследните следбенички на модните трендови, вели за Net-A-Porter во Лондон, Саша Сорокин. „Балетанките и спортските обувки се носеа само преку викендите и во слободно време, а во другите прилики незамисливо беше да се појавите некаде со рамни обувки“, вели овој агент за продажба.Модните критичари уверуваат дека рамните обувки изгледаат лежерно и се удобни, а потсетуваат и дека ги прифатила и Викторија Бекам, чиишто појавувања во јавноста сѐ до неодамна, па дури и кога синчињата ги возеше до училиште, беа незамисливи без потпетици од 12 сантиметри. Во интервјуто за Net-A-Porter online, Викторија на читателките топло им препорачува да се „издигнат над високите потпетици“. „Бидете самоуверени во рамните обувки. Верувајте, би ми било сосема незамисливо да трчам по децата во високи потпетици или во нив да трчам до своето лондонско студио“, вели во момент на искреност Викторија Бекам./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајли Сајрус: Со години правеа мемиња од мене, кога облекувам костим за капење се сеќавам на тоа

Мајли Сајрус откри дека Интернетот одамна ја принудил да не оди на плажа во бикини. Во новото интервју пејачката зборуваше за тоа како со години ја следат мемиња кои го исмеваат нејзиниот изглед и дека тие слики сè уште и се појавуваат во главата секогаш кога ќе се погледне во огледалото во бањата.
„Во 2013 година луѓето ме ставаа во мемиња каде што ми ја лепеа главата на секакви грди тела“, се присетува Мајли. „И денес кога ќе го облечам костимот за капење се сеќавам на тие слики“. Затоа, вели, избегнува бикини. „Носам многу пристојни костими. Девојките со кои бев на патувањето сите имаа танга, а јас бев во шорцеви и широка маица. Буквално изгледав како баба”.
Сајрус призна дека никогаш целосно не ги преболела своите несигурности поради начинот на кој јавно ја исмевале. „Сè уште ме прогонуваат тие стари мемиња. Тие сè уште се во мене“.
Забава
Џеф Безос и Лорен Санчез вечераа во познат ресторан на Хвар: „Не можеме да ви кажеме што јаделе“

Џеф Безос и Лорен Санчез го посетија ресторанот „Код барба Луке“, кој се наоѓа во Стари Град на островот Хвар.
„Гостите беа задоволни од вечерата и воодушевени од Стари Град. Не можеме да ви кажеме што јаделе. Всушност, тие се многу фини луѓе“, изјави сопственичката на ресторанот, Катарина Роиќ-Скелин, за хрватски „Вечерњи лист“.
Таа додаде дека персоналот на ресторанот им служел на Безос и на другите гости со еднаква посветеност.
Забава
(Видео) Американскиот актер Ерик Дејн низ солзи: „Не мислам дека ова е крајот на мојата приказна, мојот крај“

Американскиот актер Ерик Дејн, познат по улогата на Марк Слоун во серијата „Вовед во анатомија“ (Grey’s Anatomy), во април оваа година откри дека страда од амиотрофична латерална склероза (АЛС).
„Дијагностицирана ми е АЛС. Благодарен сум што го имам моето прекрасно семејство покрај мене додека го започнуваме ова ново поглавје во нашите животи. Љубезно ве молам да ни дозволите мене и на моето семејство приватност“, изјави тој за списанието „Пипл“ во тоа време.
АЛС е невролошко заболување кое води до постепено губење на мускулната контрола и во моментов нема лек.
Прво интервју по дијагнозата
Два месеци откако ја објави дијагнозата за АЛС, Ерик Дејн се појави во емисијата „Добро утро, Америка“. Досега е објавен само преглед од интервјуто. Целосното интервју ќе биде објавено на 16 јуни. Седејќи со Дајан Соер, тој зборуваше за својата борба со болеста.
„Секој ден се будам и веднаш си потсетувам дека ова се случува. Не е сон“, рече Ерик.
И покрај дијагнозата, актерот вели дека сака да остане позитивен. „Не мислам дека ова е крајот на мојата приказна. Не чувствувам дека ова е крајот со мене“, рече тој.
Тој стана многу емотивен и се расплака кога Дајан го праша кого прв повикал за да му каже за неговата болест. Одговорот на Ерик на ова не беше прикажан.
Ерик откри дека продолжува да ја снима третата сезона на „Еуфорија“ и покрај борбата со АЛС. Дејн го игра Кал Џејкобс во серијата на ХБО.