Македонија
Демант од МВР во врска со смената на првиот човек на единицата „Алфи“
Се покажува како неопходна потребата од потполно демантирање на видливо злонамерните, тенденциозните и непрофесионалните наводи, или попрецизно кажано клевети содржани во написите во кои се наведува дека министерот за внатрешни работи Митко Чавков, со разрешувањето на Примислав Димовски од шеф на полициската единица „Алфи“ го повредил членот 50 став 3 од Законот за кривична постапка, кој забранува разрешување и распоредување на друго работно место на истражител назначен со наредба на јавен обвинител и дека министерот се соочува со кривична одговорност, се наведува во реакцијата на Минситерството за внатрешни работи.
Следува интегрален декст од Демантот на МВР
Полицискиот службеник Примислав Димовски со Решение на поранешниот Министер за внатрешни работи Оливер Спасовски бр. 22.6 – 7381/1 од 05. 02. 2016- та година СПРОТИВНО на членот членот 46 став 3 од Законот за изменување и дополнување на Законот за Владата на Република Македонија беше распореден на работното место „Началник на Единица за прв одговор и интервенција – АЛФА“ во Секторот за внатрешни работи Скопје во Бирото за јавна безбедност при Министерството за внатрешни работи на Република Македонија.
Поранешниот Министер за внатрешни работи Оливер Спасовски при носењето на ова Решение покрај Законот за изменување и дополнување на Законот за Владата на Република Македонија, на еклатантан начин ги прекрши и членот 107, членот 108 и членот 111 став 3 од Законот за внатрешни работи, бидејќи работникот Примислав Димовски не ги исполнуваше законските услови за тоа распоредување, односно истиот спротивно на принципот на хиерархија и спротивно на Класификацијата на работните места во Министерството за внатрешни работи беше унапреден одеднаш за цели СЕДУМ нивоа, иако Законот за внатрешни работи дозволува унапредување на било кој работник за само едно хиерархиско ниво при едно распоредување.
Имајќи ги во предвид овие повеќекратни незаконитости, Владата на Република Македонија во рамките на својата Одлука – бр. 42 – 3461/1 од 07. 04. 2016-та година („Службен весник на Република Македонија“ бр. 70/2016) го ПОНИШТИ ова Решение, а тогашниот Министер за внатрешни работи наместо да го согледа своето незаконско постапување и наместо да ја испочитува Одлуката на наму надредениот орган – Владата на Република Македонија, тој ВЕДНАШ донесе ново потполно исто Решение за полицискиот службеник Примислав Димовски – бр. 22.6 – 23684/1 од 12. 04. 2016-та година.
Секако, Владата на Република Македонија во рамките на својата Одлука – бр. 42 – 3649/1 од 14. 04. 2016- та година („Службен весник на Република Македонија“ бр. 74/2016) го ПОНИШТИ и ова незаконско Решение на поранешниот Министер Спасовски.
Во меѓувреме, Специјалното Јавно обвинителство за гонење на кривични дела поврзани и кои произлегуваат од содржината на незаконското следење на комуникациите, со своја Наредба А. Бр. 165/16 од 06. 04. 2016-та година наложи полицискиот службеник Примислав Димовски да му биде доделен за работа на Јавниот обвинител за гонење на кривични дела поврзани и кои произлегуваат од содржината на незаконското следење на комуникациите.
Истиот од денот на донесувањето на Наредбата, па се до 20. 05. 2016-та година ниту еден единствен ден не беше ангажиран на работа кај овој Обвинител, туку и понатаму незаконски, под закрила на тогашниот Министер за внатрешни работи раководеше со Единицата за прв одговор и интервенција – АЛФА“ во Секторот за внатрешни работи Скопје во Бирото за јавна безбедност при Министерството за внатрешни работи на Република Македонија, што јасно укажува на фактот дека не постоела никаква потреба за негово ангажирање во тоа Обвинителство, туку целта била да се оствари политичко-партиската контрола врз оваа Единица.
И не само тоа, туку полицискиот службеник Примислав Димовски успеа за еден таков краток временски период во кој раководеше со оваа Единица да изврши и тешка злоупотреба на неговите службени должности и овластувања, наредувајќи на своите подредени противправно ослободување на прекршител на Законот за оружјето, за што против истиот веќе се во тек соодветни кривично-правни активности.
Но, да одговориме конретно на неоснованите КЛЕВЕТИ во медиумите.
Имено, како што беше погоренаведено, Владата на Република Македонија, свесна за бројните незаконитости, а согласно членот 30 став 2 од Законот за Владата на Република Македонија („Службен весник на Република Македонија“ бр. 59/2000, 26/2001, 12/2003, 55/2005, 37/2006, 115/2007, 19/2008, 82/2008, 10/2010, 51/2011, 15/2013, 139/2014 и 196/2015) на два пати ги ПОНИШТИ Решенијата за распоредување на полицискиот службеник Примислав Димовски.
Согласно членот 269 став 1 од Законот за општата управна постапка („Службен весник на Република Македонија“ бр. 38/2005, 110/2008, 118/2008 и 51/2011), со поништувањето на решението и со огласувањето за ништовно се поништуваат и правните последици што ги произвело таквото решение.
Тоа всушност значи дека Решението за распоредување на полицискиот службеник Примислав Димовски бр. 22.6 – 7381/1 од 05. 02. 2016- та година и повторно донесеното исто такво Решение за истиот работник– бр. 22.6 – 23684/1 од 12. 04. 2016-та година, од ПРАВЕН и ЗАКОНСКИ аспект престанале да постојат во ИСТИОТ МОМЕНТ кога биле донесени од страна на тогашниот министер Спасовски и заведени во Писарницата на МВР на РМ.
Сосема друга состојба би била кога овие Решенија би биле УКИНАТИ, а не ПОНИШТЕНИ. Со укинување на едно решение не се поништуваат правните последици што решението веќе ги произвело, но се оневозможува натамошно произведување на правни последици од укинатото решение.
Но, овие Решенија беа поништени, а не укинати од страна на Владата на Република Македонија, токму со цел потполно да се анулираат бројните штетни последици од незаконското распоредување на конкретниот работник.
Тоа значи дека во моментот на носењето на Наредбата на Специјалното Јавно обвинителство за гонење на кривични дела поврзани и кои произлегуваат од содржината на незаконското следење на комуникациите на 06. 04. 2016-та година, како и оттогаш – па се до ден денес, во правниот промет на Република Македонија било единствено во сила Решението со кое полицискиот службеник Примислав Димовски бил распореден на работно место „Виш инспектор во тим за обука“ во Единицата за специјални задачи во Оддел за специјални полициски операции во Централните полициски служби во Бирото за јавна безбедност при Министерството за внатрешни работи на Република Македонија. Почитувајќи го овој неспорен правен факт, Министерот за внатрешни работи на Република Македонија м-р Митко Чавков на ден 20. 05. 2016-та година донесе Решение бр. 22. 6 – 32512/1 со кое тој констатира дека, цитираме :
„На работникот Примислав Димовски, на кого со Одлуките на Владата на Република Македонија му се поништени Решенијата бр. 22.6 – 23684/1 од 12. 04. 2016 година и бр. 22. 6 – 7381/1 од 05. 02. 2016 година,
му ОСТАНУВА ВО СИЛА Решението. бр. 24.7 – 75775/1 од 16. 10. 2015-та година со кое тој е распореден на работно место „Виш инспектор во тим за обука“ во Единица за специјални задачи во Оддел за специјални полициски операции во Централните полициски служби во Бирото за јавна безбедност при Министерството за внатрешни работи на Република Македонија“.
Значи, видливо од диспозитивот на ова цитирано Решение, Министерот за внатрешни работи на Република Македонија м-р Митко Чавков токму со интенција да го почитува членот 50 став 3 од Законот за кривична постапка не изврши било какво разрешување или распоредување на друго работно место на истражителот Примислав Димовски, туку само констатираше дека се поништени правните последици од незаконските решенија за овој работник и констатираше кое Решение останува во сила, бидејќи во спротивно тој работник нема да можеше да го сочува правниот континуитет на неговиот работен однос во Министерството за внатрешни работи.
Во овој контекст се и последните Пресуди и Решенија на Управниот суд на Република Македонија со кои се потврдува дека поранешниот министер за внатрешни работи Спасовски ги повредил административните процедури при носењето на ваквите Решенија за распоредување и дека поништените Решенија за распоредување, цитираме : „се отстранети од правниот поредок и не произведуваат правно дејство“.
Неоспорен е заклучокот дека министерот за внатрешни работи м-р Митко Чавков ниту во минатото ниту сега го оспорува или попречува ангажманот на полицискиот службеник Примислав Димовски, како и на сите останати полициски службеници доделени на работа на Специјалното Јавно обвинителство за гонење на кривични дела поврзани и кои произлегуваат од содржината на незаконското следење на комуникациите, туку само согласно своите законски надлежности и обврски ги презема сите мерки и активности за имплементација на легалните и легитимните Одлуки на Владата на Република Македонија, коишто веќе секојдневно се потврдуваат и од надлежните судски инстанци.Министерството за внатрешни работи и понатаму ќе продолжи силно да ја поддржува работата на оваа исклучително значајна институција во нашата држава, игнорирајќи ги неоснованите закани за кривична одговорност и клеветите од најдолен вид дистрибуирани од страна на дел од медиумите, а со кои безуспешно се настојува да се поткопа досегашната коректна соработка помеѓу нашите две институции. /крај/мф
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мециновиќ: На носителите на ЗНАМ, на личните профили им стојат слики со Заев и Пендаровски
– На носителите на ЗНАМ, уште на личните профили им стојат слики за поддршка на Заев и Пендаровски. Тоа се поддршки што јавно им ги дадоа, така што сегашното нивно делување е малку повеќе лицемерно од нивна страна – истакна Носителот на ИЕ2 и портпарол на Левица, Амар Мециновиќ, во дебатата на ,,24 Вести”.
Според Мециновиќ, СДСМ ако ја примеа пораката, немаше Оливер Спасовски да биде носител во ИЕ2, после скандалите со пасошите за белосветски криминалци, за голготата за македонските граѓани со пасошите и за бегството на Груевски:
– Од друга страна, за СДС имам конкретна порака, но СДС не ја прима пораката! Пораката не е примена, затоа што нивниот носител во Двојка имаше страшни резултати. Имаше: од бегството на Груевски до оваа голгота што им се случи со пасошите на граѓаните и во меѓувреме – издавањето на пасоши за белосветски криминалци.
Говорејќи за Францускиот предлог и за ненаситноста кон бизнис – интересите од страна на СДСМ, Мециновиќ рече:
– Исто така, не ја примија ни пораката кога народот го отфрли Францускиот предлог. Не ја примија ни пораката кога Заев го изгуби легитимитетот, така што на сила се одржаа на власт до 2024 год. Практично, за да ги задржат нивните бизнис – интереси.
Мециновиќ постојано става акцент и на неоспорниот факт дека челниците од ЗНАМ го избришаа АСНОМ од Уставот:
,,ЗНАМ го избришаа АСНОМ од Уставот кога го носеа Преспанскиот, со оглед на фактот дека тогаш беа дел од раководството на тогашното СДС. Затоа, целата нивна сегашна реторика е лицемерна”.
Левица е единствена искрена, чесна, неподмитлива опција, која се бори за нулта – корупција, радикални промени во системот и нуди решенија за сите целни групи граѓани во Македонија:
,,На 8 мај, заокружете го број 5! Искористете го своето право на глас и гласајте за Левица! Со повеќе пратеници во Парламентот, борбата ќе биде посилна!”
Македонија
Аваја: Треба да се искористи потенцијалот на ромската заедница
Ромската заедница има најмлада популација во државата и тој потенцијал треба да се искористи, порача Ќемал Сулејманов, носител на листа во Изборна единица 3 на средба со жителите на Криволак.
„Нашата заедница е најмладата популација во државата. И нашите млади бегаат надвор од државата, барајќи решенија, а ние увезуваме работници од азиските држави. Мора да најдеме решение како нашите млади да останат во државата. Заеднички да ги направиме промените иво нашите инситтуции да имаме наши луѓе. Ветуваме дека промените почнуваат со Аваја. Вашиот глас го давате за подобра иднина и соединети да покажеме дека сме тука“ порача Сулејманов.
Според него, доволно е ромската заедница да биде третирана само како чистачи и амалџии „Драги браќа и сестри, ги знам вашите проблеми со кои се соочувате, тие се мои проблеми и мора да засукаме ракави по избори и заедно да ги решаваме. Мора да се сооединиме и да почнеме со промени. Мора да имаме наши луѓе во сите институции и тоа на раководни позиции. Доста не гледаа само како чистачи и нивни амалџии“, рече Сулејманов.
Претседателот на Аваја, Акиф Кариман, рече дека одлучил да ја жртвува индивидуалната кариера за да придонесе кон напредокот на народот. Тој говореше за тоа како другите политичари ги гледаат и вреднуваат Ромите.
„Зошто? Затоа што секогаш не потценуваат. Велат ние знаеме лесно да се справиме со вас. Малку ќе ве преплашиме и вие ќе се повлечете. Ќе ви дадеме под рака и вие ќе бидете на наша страна. Или ако тоа не функционира, ќе почнат со притисоци. И тоа досега функционираше. Но, сега ја имаме Аваја, формирана да биде рамо до рамо со сите нас. Ние сме тука да направиме голема промена и да го предизвикаме статус квото“, порача Кариман.
Македонија
Џафери за Велигден: Обединети да продолжиме и да осигураме благосостојба денес и за идните поколенија
Претседателот на Владата на Република Северна Македонија, Талат Џафери, во име на Владата на Република Северна Македонија и во свое име, испрати телеграма со честитки за најголемиот христијански празник, Воскресение Христово – Велигден, до поглаварот на Македонската православна црква – Охридска архиепископија, архиепископ охридски и македонски, г.г. Стефан, до Светиот архиерејски Синод, свештенството и монаштвото на МПЦ-ОА, до православните верници и до сите граѓани кои денеска го чествуваат празникот.
„Задоволство ми е во име на Владата на Република Северна Македонија и во мое име, да Ви го честитам најголемиот христијански празник, Воскресение Христово – Велигден, Вам, на Светиот архиерејски Синод, на свештенството и монаштвото на Македонската православна црква – Охридска архиепископија, на православните верници и на сите граѓани кои денеска го чествуваат празникот.
Велигденската порака за победата на животот над смртта е порака која влева надеж дека за животот, вреди да се преземе секој чекор на храброст и пожртвуваност, чекор кој води кон светла цел. Заедничкото добро, е благословена човекова определба, и тоа може да се постигне само ако се почитуваат основните постулати на кои упатуваат бројните примери низ историјата. Особено во денешен контекст, кога човештвото и светот секојдневно се соочуваат со најразлични предизвици кои се закана по животот, мирот, здравјето и менталната благосостојба, потребни се повеќе од кога било пораките на надеж, единство и верба во тоа заедничко добро, засновано врз практикувањето на универзалните вредности како што се хуманоста, солидарноста, одговорноста и взаемната почит.
Вашата улога има голема одговорност и јас Ви посакувам мудрост во исполнувањето на благородната мисија. Ви пожелувам празникот да го поминете во добро здравје, спокој во душата и среќа меѓу саканите, а со разбирање, меѓусебна почит и обединети, да продолжиме да ја унапредуваме Република Северна Македонија и да обезбедиме благосостојба денес и за идните поколенија“, стои во честитката од премиерот Џафери до поглаварот на МПЦ – ОА, г.г. Стефан.
Хрватска е привлечна за балканските работници поради платата, станува збор за многу пари
„Сезоната за извоз на работна сила практично започна веќе во април, поточно за келнери, готвачи и други работници во угостителството...
Митрески: Заедно и сплотени да ги надминеме сите предизвици
Претседателот на Собранието на Република Северна Македонија, Јован Митрески, во име на пратениците и во лично име, упати честитка по...
Мицкоски: Поучени од христијанските начела, да си ја сакаме државата, ближниот и да направиме се утре да биде подобро од денес
Претседателот на ВМРО-ДПМНЕ Христијан Мицкоски од негово лично име и од име на партијата упати честитка до сите верници по...
Ковачевски за Велигден: Добрината и мудроста да бидат нашиот патоказ, храбрите одлуки секогаш носат успех
Претседателот на Социјалдемократскиот сојуз на Македонија, Димитар Ковачевски, по повод големиот христијански празник Воскресение Христово – Велигден, упати честитика до...
Изборот за песна на Евровизија започнува за два дена, Шведска го очекува во страв
Мониста и штрас или пропалестински демонстрации и пароли? Изборот за песна на Евровизија, кој започнува во вторник во шведскиот град...
Г.г. Стефан: Да ги зацврстиме единството и слогата, да ги надминеме разногласијата и меѓусебните поделби
Ариепископот Охридски и македонски заедно со Светиот архиерејски Синод, по повод велигденските празнувања, испраќа мир и благослов од Бога до...
Православните верници го слават Велигден
Православните верници денеска го слават најголемиот христијански празник Велигден – Христовото воскресение, ден кога Исус Христос ја докажал својата божествена...
Полјачка на миса за Меди МекКан: „Јас сум Меди. Не сум лажга. Направете ДНК тест“
Родителите на Медлин МекКен вчера вечерта не беа на бдеењето одржано по повод 17-годишнината од исчезнувањето на девојчето. Меѓутоа, на...
Русија распиша потерница по Зеленски, се огласи Украина
Украинското Министерство за надворешни работи соопшти дека издавањето налог за апсење од страна на Русија за претседателот Володимир Зеленски е...
НАТО започна огромни вежби, за Русија: Тоа е подготовка за војна
Четиримесечните воени вежби на НАТО во близина на границите на Русија, наречени „Непоколеблив бранител“ се доказ дека алијансата се подготвува...
Три лица, меѓу кои и полицаец, осомничени за разбојништво и противправно лишување од слобода
Јавен обвинител од Основното јавно обвинителство Скопје донесе Наредба за спроведување истражна постапка против две лица кои како соизвршители се...
Мицкоски: Очекувам ДУИ повторно да прави изборни нерегуларности, истураат и многу кеш во предизборието, затоа ја повикувам меѓународната заедница будно да го следи процесот
Ако ме прашувате за изборните нерегуларности кои што беа случај во првиот изборен круг, а за кои причина беше Демократската...
Уапсени крадци на автомобили – ги расклопувале за делови
Единицата за внатрешни работи Центар и Бит Пазар при СВР Скопје поднесе кривична пријава против Ш.Н.(68) од Липково, поради постоење...
Владина делегација положи свежо цвеќе на гробот на Гоце Делчев – одбележана 121 годишнина од неговото загинување
Владина делегација предводена од министерката за одбрана Славјанка Петровска заедно со министерката за животна средина и просторно планирање Каја Шукова...
Тито почина пред 44 години. Дали беше херој или злосторник?
На денешен ден, пред 44 години, во Љубљана почина Јосип Броз Тито. Кој беше тој? Изгледа, за кого како. Кој...
Блинкен: Хамас е единствената пречка за прекин на огнот во Газа
Палестинското исламистичко движење Хамас останува „единствената пречка меѓу луѓето во Газа и прекинот на огнот“ со Израел, изјави вчера американскиот...
Одбележување 121 година од смртта на Гоце Делчев
Во земјава денеска се одбележуваат 121 година од смртта на македонскиот револуционер и борец за слобода Гоце Делчев. По тој...
Две жртви во сообраќајката на патот Радовиш-Штип, уште едно лице повредено
Две лица загинаа на лице место во сообраќајната несреќа што се случи попладнево на магистралниот пат Радовиш-Штип. Во несреќата е...
Куче паднало во шахта и ги изгризало каблите за интернет на две болници: ЦУК за невообичаената акција во Скопје
ЦУК информира за невообичаена и како што велат, специфична ситуација за решавање на итен случај на 112, кога куче паднало...
„Никогаш нема да ја заборавам бабата која стои, чека и го повторува името на внуката“: Мајорката која меѓу првите влезе во „Рибникар“
„Траума што се уште ја минувам и денес“, „Сигурна сум дека добро ќе се сеќаваме на тој кобен 3-ти мај,...
