Македонија
Завршија двата нови антивладини протести во Скопје
Петта седмица по ред во понеделникот вечерта во главниот град Скопје се одржаа антивладините протести на неформалното движење Протестирам, познати како тн „Шарена револуција“, на коишто демонстрантите порачаа дека „Борбата продолжува“ а истовремено протестираа и вонпарламентарните опозициски партии на Албанците.
Како што беше најавено во неделата од страна на Опозицискиот совет на Албанците, протестот беше организиран заради поголеми права, почит и достоинство на албанското население во Македонија и, како што тврдат, запирање на политички монтираните случаи против Албанците за што ја обвинуваат владејачката ДУИ дека била во заложништво на нејзиниот коалициски партнер во власта ВМРО-ДПНЕН.
Протесната поворка под мотото „‘Ден Д: Правда, Достоинство, демократија’“, без партиски ознаки и исклучиво албански национални знамиња започна од паркот во населбата Чаир и се движеше до зградата на Владата.
Демонстрантите преку мегафони скандираа „Али предавник“, алудирајќи на челникот на ДУИ, Али Ахмети, и извикувајќи „Демократија“. Најавија дека со својот протест му даваат поддршка на Специјалното јавно обвинителство.
„Наместо да го славиме Денот на Европа, тука сме за дискриминацијата што се прави врз Албанците.Ние сме јасни вос воите барања, ние сакаме во Европа, а ДУИ и ВМРО-ДПМНЕ сакаат нешто друго. Претседателот помилува криминалци, поранешниот шеф на тајната полиција беше шеф на државата. Сакаме да изразиме поддршка на Специјалното јавно обвинителство и Фатиме Фетаи. Бараме Диво Насеље, Монструм, Сопот, да ги преземе СЈО и на другите да им порачаме не играјте со оган“, рече Биљал Касами од движењето БЕСА.
Протестот мина мирно, со повремени скандирања „УЧК“ и емитување албански песни на разглас, и под силно полициско обезбедување, а од опозициските партии на Албанците не учествува само опозициска парламентарна партија ДПА.
Вообичаено во 18 часот од пред СЈО, под мотото „Смрт на фашизмот, слобода на народот!“, алудирајќи на 9-ти мај Денот на победата над фашизмот и Денот на Европа, започнаа денешните протести на движењето Протестирам, кои исто така завршија пред Владата, но поворките на двата протеста не се споија.
„Смрт на фашизмот слобода на народот, мора да донесеме слобода во Македонија“, порачаа Димче Најчевски професор во пензија, учителот Владо Димоски, професорот и член на СДСМ, Петар Атанасов и претставничката на движењето Солидарност, Соња Стојадиновска.
„Она што денес го прават ние не ги научивме, да тепаат, да прислушуваат, да крадат. Ние не ги научивме на тоа. Сега нашата задача како учители е да му кажеме збогум на овој режим и да ги научиме нашите ученици на една поубава Македонија. Нема да им дозволиме повеќе да нé тепаат. Мора да ја донесеме слободата во Македонија“, истакна наставникот и член на Наставнички пленум, Владо Димовски.
„Ова повеќе не може да се дозволи. Денес е голем ден, цел свет слави победа над фашизмот. Македонија е дел од оваа антифашистичка коалиција. Овој режим мора да падне. Сакаме да изградиме Македонија во која ќе има мир, правда и слобода. Ние имаме само една потреба, за фер и демократски избори, па независно кои и какви сме, ,нека победат најдобрите. Смрт на фашизмот, слобода на народот“, порача Атанасов.
Покрај Скопје, Шарената револуција во понеделникот „се довиваше“ и во Кичево, Штип, Крива Паланка, Велес, Кавадарци, Струмица, Прилеп и во Битола.
Граѓанското здружение „Протестирам“, како организатор на континуираните протести бара повлекување на одлуката за аболиција на сите оние против кои се води истрага и против кои е покренато обвинение од Специјалното јавно обвинителство (СЈО), итна и неотповиклива оставка на шефот на државата Ѓорге Иванов поради дадената аболиција, произнесување на Уставниот суд за уставноста на СЈО, формирање специјално одделение на Кривичниот суд, кое ќе биде надлежно за случаите под јуриздикција на СЈО, повлекување на одлуката за одржување на парламентарни избори на 5-ти јуни, задолжително вклучување и присуство на независни претставници на граѓанското општество во процесот на решавање на кризата и формирање преодна влада која ќе ги спроведе реформите./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.
Македонија
Проданоски: Експресниот пат Градско-Прилеп ни од далеку не е готов, да ставиме крај на лагите на СДСМ на 8 мај
Тука сме на лице место за да ги разобличиме лагите кои што СДСМ се обидуваат да ги пласираат до јавноста, рече Дејан Проданоски, претседател на ОК на ВМРО-ДПМНЕ Прилеп.
– Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово. Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат. Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија, рече тој.
На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија, додаде Проданоски.