Македонија
Кирацовски: За шест месеци „исчезнале“ 88 институции

Власта на Никола Груевски, на ист начин како што во минатото манипулираше со избирачкиот список, така и денес се обидува да манипулира со вкупниот број вработени во јавниот сектор, обвини во четврток, дополнителниот заменик министер за информатичко општество и администрација, Александар Кирецовски.
x„Бројката на вработени во јавниот сектор 127.139, што ја изнесе министерката за информатичко општество и администрација, соопштувам на јавноста дека е крајно спорна. Со ова се доведува во прашање реализацијата на фер и регуларен изборен процес, каков што мора да има и јас сум должен ова да го предочам на јавноста“, рече Кирацовски. Од Регистарот на вработени што и го доставува ова министерство на Државната изборна комисија, таа избира членови на општинските изборни комисии и избирачките одбори, кои го спроведуваат гласањето и броењето на гласовите, па затоа е важно податоците во Регистарот да се точни, појасни Кирацовски. „Министерството во Правилникот по којшто институциите требаше да го спроведат внесувањето на своите вработени, не предвидело практичен модел на прибирање податоци. Бидејќи предвидениот софтвер бара повеќе време, институциите главно вработените ги внесувале, во обични ексел табели. И тоа во услови кога власта на Груевски им додаваше, па им одземаше волонтери на кои им го трансформираше работниот однос како ќе им текне, во од, главно по партиски потреби“, соопшти Кирацовски.Според него, резултат на тоа се различните бројки на вработени и на институции, кои како од ракав ги вади Министерството за информатичко општество и администрација. „Последната бројка што ја соопшти министерката Арсовска Томовска повикувајќи се на Регистарот е 127.139 вработени во 1.266 институции. Претпоследната бројка што ја соопшти министерката лани е 128.253 лица вработени во 1.354 институции. Значи за шест месеци бројот на институции се намалил за 88. Ако тоа е вистина, од министерството треба јасно да се соопшти кои се тие 88 институции што постоеле во септември 2015, а не постојат денес во март 2016“, рече Кирацовски.Тој праша и кој лаже, дали министерката, кога вели дека бројката на вработени во јавниот сектор се намалила, или Зоран Ставрески кој помпезно ги соопшти новите 2.667 вработувања и тоа по основ на трансформација на работниот однос? Ставрески дури соопшти дека оваа бројка брзо ќе се покачи на 3.500 ново вработени по овој основ. Како е можно да има нови вработувања, а да се намали вкупниот број вработени?Побара институциите до 15 април да ги внесат вработените во соодветниот информационен систем за менаџирање со човечки ресурси./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Ѓорѓиевски и Тошковски на пешачење во Градски парк: секој чекор е здравје

Градскиот парк денеска беше изборот на градоначалникот на Кисела Вода и кандидат за градоначалник на Скопје, Орце Ѓорѓиевски, и министерот за внатрешни работи, Панче Тошковски. Двајцата утрото го започнаа со пешачење низ алеите на паркот, во спортска опрема и ведро расположение.
„Најубаво е денот да започне со утринско пешачење низ Градскиот парк, свеж воздух, мир и позитивна енергија. Секој чекор е здравје, секој здив е нова сила. Започни го денот со природа, а денот ќе ти врати со радост“, напиша Ѓорѓиевски во својата објава на социјалните мрежи.
Македонија
За влез и излез од државава на граничните премини се чека до 15 минути

Сообраќајот на државните патишта се одвива непречено, по суви коловози.
Интензитетот на сообраќајот на патиштата надвор од градските средини е зголемен. Поради летните одмори, се бележи зголемена фреквенција на возила, на ГП Табановце времето на чекање за влез и излез е околу 10-15 минути.
На останатите гранични премини од македонска страна нема подолги задржувања при влез или излез од државата.
Македонија
Свежо утро, а преку ден до 33 степени

Времето денеска ќе биде сончево со мала до умерена локална облачност. Ќе дува слаб до умерен, а вдолж Повардарието повремено засилен северен ветер.
Минималната температура ќе биде во интервал од 9 до 19, а максималната ќе достигне од 25 до 33 степени.
Во Скопје, сончево со умерена облачност. Ќе дува слаб до умерен северен ветер. Минималната температура ќе се спушти до 16, а максималната ќе достигне до 30 степени.
До средината на следната седмица ќе преовладува претежно стабилно време со дневни температури малку под просекот за овој период од годината. Потоа времето ќе биде сончево и потопло со пораст на дневната температура.