Поради обилните врнежи од дожд и надојдената вода, во прекин е сообраќајот по обиколница Скопје, од клучка Хиподром до клучка Сарај. Прекинот ќе трае до завршување на активностите околу расчистувањето и оспособувањето на патниот правец за нормално одвивање на сообраќајот, соопшти Диспечерски-информативен центар на Јавното претпријатите „Македонијапат“.

Од јавното претпријатие наведува дека негови екипи се постојано на терен со комплетна механизација (возила и градежни машини) и работат на оспособување на сите проблематични делници, а во некои случаи даваат помош и на некои локални самоуправи каде што имаат потреба од механизација, како што е патниот правец Шипковица – Бродец.

Од ЈП Македонијапат велат дека ја следат состојбата будно, реагираат експресно на сите поставени задачи, а граѓаните можат да се обратат кај нив за подетални информации на нашиот дежурен тел. број 02/ 25 61 502 или да ја посетат нашата веб-страница www.makedonijapat.com.mk која се ажурира на секои два часа.

ЈП Македонијапат апелира на внимателно управување со возилата, почитување на поставената сообраќајна сигнализација, како и прилагодување на брзината кон условите на патот.

Автомотосојузот на Македонија, пак, во понеделникот вечерта информираше дека освен на обиколница од клучка Хиподром до клучка Сарај каде што е во прекин, сообраќајот на сите останати државни патишта се одвива без забрани, по влажни коловози.

Интензитетот на сообраќај на патните правци надвор од градските средини е зголемен. На граничните премини нема подолги задржувања за влез и за излез од државата./крај/мф/бс

Извор: Макфакс