Македонија
Пратениците ги изгласаа измените на законите за Народен правобранител и за студентски стандард
Пратениците во Собранието на продолжението на 114-та седница во средата го изгласа предлог-законот за изменување и дополнување на Законот за студентскиот стандард, со кој се дава можност студент да биде тутор на ученици од основно и средно образование и со тоа да добие дополнителни поени ако конкурира за добивање стипендии, како и предлог–законот за изменување и дополнување на Законот за Народниот правобранител.
Заменик министерката за правда Билјана Бришковска Бошковски претходно појасни дека со измените и дополнувањата се врши натамошно унапредување на системот на заштита на човековите права во Македонија во согласност со меѓународните стандарди за човекови права.„Целите кои ќе се постигнат со предложениот закон е усогласување на Законот за Народен правобранител со Париските принципи, препораката на групата искусни експерти за системските прашања за владеењето на правото во Македонија, воведување промоција на човековите слободи и права, како и зајакнувањето на мандатот на народниот правобранител“, рече Бришковска Бошковски.Според неа, ќе се овозможат механизми за јакнење на институцијата Народен правобранител, разграничување на престанокот на функцијата по сила на закон, усогласување со одредбите на факултативниот протокол кон конвенцијата против тортура и дрПратеничката од опозициската СДСМ, Рената Дескоска-Тренеска, забележа дека предложениот закон треба да понуди ефикасни механизми за спречување на игнорантскиот однос на институциите според укажувањата на Народниот правобранител и доколку до тоа дојде, механизми за казнување на ваквото постапување.„Она што е внесено во членовите 18, 24, 25, и 27 од предложениот закон не е доволно за зајакнување на ефикасноста на народниот правобранител. Сите реформи кои ги прави коалицијата на ВМРО- ДПМНЕ и ДУИ и оваа наводна реформа во најголем дел од одредбите е обична шминка која ќе падне уште првиот пат кога народниот правобранител ќе се соочи со игнорантскиот однос на институциите, рече Десковска-Тренеска.Дајанчо Ефтимов од владејачката ВМРО-ДПМНЕ реплицираше со појаснување дека дел од измените, меѓу кои се и измените во членот 2 од Законот за Народен правобранител кој се однесува на надлежноста на народниот правобранител, се во функција на промовирање на човековите права, како и дејствување против органите на единиците на локалната самоуправа и врши други работи утврдени со друг закон.„Во еден од членовите се додаваат три става кои се однесуваат на промовирање на човековите права и промоција на истите права преку Јавниот радуодифузен сервис и превенција од тортура и друг вид сурово, нечовечко постапување и казнување“, рече Ефтимов.Реплицирајќи им на пратениците од опозицијата во врска со зголемениот број претставки до Народниот правобранител, тој посочи дека тоа се должи на освестувањето на граѓаните за евентуалното кршење на нивното право.Пратеничката Роза Топузовска Каревска рече дека со измените не се нуди целосна финансиска независност, сопствен буџет и зголемување на човечките ресурси на Народниот правобранител./крај/мф/бб
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Отфрлени се тужбите на „Европскиот фронт“ од Уставниот суд, ќе има прегласување
До доцна во ноќта Уставниот суд расправаше по тужбите на одлуките на Државната изборна комисија – ДИК за неколку избирачки места поднесени од коалицијата „Европски фронт“. Од судот соопштија за шест одлуки според кои тужбите се отфрлени како неосновани, а тоа значи, согласно одлуките на ДИК, дека ќе има прегласување на конкретни избирачки места.
„Европскиот фронт“ имаше поднесено седум тужби на одлуките на ДИК, а Управниот суд беше ограничен со роковите за нивно решавање.
Со одлуките на Управниот суд се потврдуваат решенијата на ДИК за прегласување во шест избирачки места во петтата изборна единица и едно во шестата изборна единица.
Според Изборниот законик, доколку одлуката за прегласување на едно избирачко место може да влијае на конечните резулатите од изборите, ДИК ќе организира повторно гласање 14 дена од одржувањето на изборите, односно на 22 мај.
Македонија
Фирма од Чаир монтира небезбедно панорамско тркало во Карпош, обвини Град Скопје
Град Скопје информира дека правното лице Дизниленд реквизити, фирма од Чаир регистрирана пред само еден месец, без соодветни документи и дозволи, без потребна документација која гарантира безбедност, монтира панорамско тркало и останати реквизити во Карпош пред Борис Трајковски.
„Град Скопје, во рамки на своите надлежности изврши надзор, превзема мерки и го казни правното лице, но тој сепак насилно продожува да работи. Ги повикуваме надлежните институции и апелирам да постапат во најкус можен рок, бидејќи се доведува во прашање безбедноста на децата и на сите останати посетители поради практицирањето на ваквото самоволие“, велат од таму.
Македонија
Вработен во МВР фатен со мито од 12.500 евра
Вработен во Министерството за внатрешни работи е фатен со мито од 12.500 евра, соопшти министерот Панче Тошковски. Како што вели тој, лицето И.М. било вработено како виш аналитичар во СВР Скопје. Осомничениот е лишен од слобода под сомневање за сторени кривични дела измама предвидени по чл. 247 од КЗ.
„Од страна на Одделот за внатрешна контрола, криминалистички истраги и професионални стандарди во координација со Одделот за криминалистичка полиција се постапуваше по пријава од три оштетени лица и на ден 17.05.2024 година наведеното лице е фатено на лице место во моментот на примопредавање на 12.500 евра, претходно криминалистички обработени кои ги прибавила за наводно посредување за добивање на социјални станови од Б категорија. Во врска со кривичното дело извршен е претрес во службените простории кои ги користела пријавената при што е пронајдена пообемна сомнителна документација која е поврзана со кривичното дело во вид на разни документи за кои постои сомневање дека се фалсификувани, разни договори за позајмици, договори за посредување за доделување на социјални станови, имотни листови, како и тефтер со ракопис во кој е водена евиденција за лица за кои биле вршени определени работи“, соопшти Тошковски.
При извршен претрес во дом и други простории кои ги користи лицето И.М. лоцирани во Општина Сарај, беше пронајдено и огнено оружје со шест парчиња муниција кое оружје и муниција најверојатно ги поседува без дозвола, за што известено е и Одделението за недозволена трговија со оружје при СВР Скопје заради преземање на дополнителни мерки.
Министерот додава дека МВР и понатаму продолжува со преземање на мерки и активности насочени кон испитување на евентуална поврзаност на наведеното лице со други високи полициски службеници.