Забава
Обама скапо плати обид да се ’шверцува’ во ресторан

Американскиот претседател Барак Обама при посетата на популарниот ресторан „ Franklin’s Barbecue“ во градот Остин во сојузната држава Тексас се увери дека обидот да се „вметне“ преку ред може скапо да чини.
Претседателот на најмоќната земја во светот сметал дека може да ја искористи својата позиција и побрзо да дојде на ред во извонредно популарниот ресторан со специјалитети од месо, во кој понекогаш се чека два до три часа за порачка, па понудил дека ќе го плати менито на семејството коешто пред него била на касата. Кога семејството се согласило на понудата и порачало, Барак Обама изненадено запрашал: „Чекајте, па колку ве има?“, пренесува AFP.
Брус Фајнсат до Хјустон и неговата ќерка Фејт којашто живее во Остин, ја искористиле понудата од претседателот на САД и порачала килограм и половина говедско, килограм ребра, 250 грама колбаси и 250 грама мисиркино месо за семејството коешто веќе ги чекало на масата.
Сметката надминала 300 долар, а бидејќи претседателот засрамено од џебот извадил само неколку банкноти од по 20 долари, бил радосен што сепак со себе ја имал и кредитната картичка. Ја платил сметката и брзо исчезнал од ресторанот.
Посетата на претседателот на ресторанот, менаџментот на „ Franklin’s“ ја искористил уште истото попладне да спроведе анкета со прашање за своите гости, дали Барак Обама треба да оди преку ред или да чека како и сите други. Сепак, Обама кој веќе подолго време не може да се пофали со голема популарност меѓу своите избирачи, па дури неговиот рејтинг е еден од најниските во историјата на САД, може да биде задоволен бидејќи 145 испитаници оцениле дека не треба да стои во ред, а 55 дека не треба да биде повластен.
Потоа во говорот во градот Обама изјавил „Го сакам Остин. Ги сакам луѓето. Ја сакам скарата, којашто може да ја добиете токму тука“.
Обама со „ланч пакетите“ во раце влегол во својот авион и го заврши своето патување по сојузните држави Колорадо и Тексас, кое беше осмислено токму претседателот што повеќе да се дружи со „обичните Американци“. /крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Само овој знак ќе има континуирана среќа: го остава минатото зад себе и влегува во ера на радост и успех

Рускиот астролог Василиса Володина направила пророштво кое ветува години непрекината среќа за еден хороскопски знак. Според неа, овој знак го остава зад себе минатото со сите свои грешки и неуспеси и влегува во ера каде што среќата и успехот се во сите области од животот.
Според Володина, Бикот ќе биде како магнет за среќа и успех во наредниот период од животот, привлекувајќи ја кон себе со сета своја сила.
Клучната поддршка доаѓа од личност со авторитет, која ќе им помогне да го достигнат врвот. Покрај тоа, финансиските околности ќе бидат исклучително поволни за нив, отворајќи им го патот кон богатството на различни начини.
Оваа среќа и успех ќе им овозможат на Биковите да ги остварат своите најдлабоки желби, отворајќи им го патот кон соништата што можеби ги сметале за недостижни.
Среќата и успехот се на нивна страна, но клучно е да ги препознаат, прифатат и искористат можностите што им се нудат.
Понатаму, Володина нагласува дека покрај материјалната благосостојба, Биковите ќе се развиваат духовно и емоционално, што дополнително ќе го збогати нивниот живот. Таа ја нагласува важноста на рамнотежата помеѓу духовните и материјалните вредности за долгорочна среќа.
Во наредните години, Биковите ќе имаат можност да ги развијат своите таленти, да привлечат извонредни можности за среќа и успех и да работат кон остварување на своите цели, уживајќи во животот што го заслужуваат.
фото: принтскрин
Забава
Герасимовски: Ве чекам в среда на добра музика со Јанг Дади во Паркот на франкофонијата

В среда, 27 август, скопјани ќе имаат можност да уживаат во уште една летна вечер исполнета со музика и забава. На сцената во Паркот на Франкофонија ќе настапи еден од најпопуларните млади артисти во земјава – Јанг Дади, кој со својата музика и енергија ќе ја претвори вечерта во вистински музички спектакл.
„Центар е место каде што граѓаните се чувствуваат опуштено, исполнето и поврзано. Со вакви настани ја враќаме радоста на заедничките дружби под отворено небо. Уверен сум дека концертот на Јанг Дади ќе донесе многу позитивна енергија и спомени што ќе ги паметиме долго“, истакна градоначалникот Горан Герасимовски.
Програмата ќе започне во 19 часот со настапот на Сани и Стела и активности за најмладите посетители, а од 20 часот сцената е резервирана за Јанг Дади. Забавата ќе биде збогатена со аниматор и динамична програма за сите генерации.
Забава
Нина Бадриќ им се обрати на колешките: „Јас го воведов трендот на помлади мажи“

Не толку одамна, светот беше изненаден од веста дека Јелена Розга и Иван Хуљќ се во врска. Иако познатата пејачка е 11 години постара од својот партнер, тоа не ја спречува, како што вели самата, да ужива во слатката романса.
Сепак, се чини дека оваа вест „разбуди“ уште една Хрватка „од зимскиот сон“. Токму Нина Бадриќ, алудирајќи на својата колешка Јелена, мораше да му соопшти на светот кој го започна трендот на помлади мажи.
„Го започнав ова пред 20 години кога беше навистина табу тема, па заостануваат зад мене, а сега ќе го започнам трендот ‘постаро, најстаро, постарото е послатко’. Ќе го започнам тој тренд.“
„Љубовта не одбира, денешните млади момци се многу позрели од моите врсници, па затоа секогаш сум изненадена од тоа со колку храброст и самодоверба ми пристапуваат и какви реченици користат, тоа се убави, зрели реченици. Кога мажот е отворен, нека се случи што треба да се случи“, изјави Нина за хрватските медиуми.
А потоа ги откри своите критериуми за иден партнер:
„Човек кој е изграден од нула, човек кој е добар, забавен, шармантен и кој ужива во сè што сум јас. Првенствено личност кој е пријател, сега во животот мислам дека би можела да бидам само со некој кој е мој пријател, партнер, животен партнер, кој ги поминува сите добри и лоши денови со тебе.
Кога имаш најдобар пријател покрај себе, на кого можеш да му се довериш или со кого можеш да одиш на најмалиот брод или најголемиот хотел и да бидеш среќен, тоа е тоа“, заклучи таа.
фото: принтскрин