Македонија
ДИК ги запира активностите за откажаните избори за 5 јуни
Државната изборна комисија, ги сопре сите активности за спроведување на изборите закажани за 5 јуни, откако тие беа откажани.
„Во согласност со решението на Уставниот суд, со кое се запира извршувањето на поединечните акти или дејствија што се преземаат врз основа на Одлуката за распуштање на Собранието и Одлуката за изменување на Одлуката за распуштање на Собранието, Државната изборна комисија ги запира сите понатамошни дејствија и активности во насока на спроведување на Предвремените избори за пратеници со Собранието, што требаше да се одржат на 5 јуни 2016 година, до донесување на конечна одлука на Уставниот суд“, соопшти ДИК.Заклучокот е донесен на седница во четвртокот, а според него се запираат сите понатамошни дејствија на Општинските изборни комисии, кои се задолжени да поднесат финансиски и извештај за работа. Согласно Заклучокот се запираат и активностите кои требаше да ги преземе Агенцијата за аудио и аудиовизуелни медиумски услуги, Државната комисија за спречување корупција, Државниот завод за статистика и заводот за ревизија. Од 26 мај, ДИК го објавува Избирачкиот список на својата веб страна со име, презиме и адреса на избирачите, а секој граѓанин има право да поднесе барање да не биде објавена адресата на живеење од безбедносни причини. Овој формат на Избирачки список објавен на страната на ДИК, претходно беше оспорен од Агенцијата за заштита на личните податоци, која изрече времена мерка на ДИК, по што податоците можеа да бидат пребарувани само по матичен број, а не и според адреса, што доведуваше до тоа да се видат податоци и за други гласачи, освен за себеси./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.