Македонија
Достапни се бесплатните проекти за типски куќи
Бесплатните планови и изгледот на типските куќи што ги најави премиерот Никола Груевски на почетокот на ноември, од четврток се достапни за граѓаните.
Се работи за шест проекти на куќи од 60, 80, 100, 120, 150 и од 180 квадратни метри, а заинтересираните граѓани ќе можат да ги симнат веб-страницата на Министерството за транспорт и врски.
Граѓаните немаат обврска да нарачуваат ревизија на проектот, бидејќи министерствто веќе извршило ревизија на проектите која утврдила дека се направени според сите стандарди, појасни на прес-конференцијата министерот за транспорт и врски Владо Мисајловски.
„Со овие планови граѓаните заштедуваат од 900 до 2.000 евра кои би ги дале на проектантите. Со самото тоа што ќе се подигаат готови проекти за градење куќи, побрзо ќе се издаваат и дозволи за градба, бидејќи проектите ќе бидат веќе познати. За добивање готов проект нема посебни услови кои треба да бидат исполнети за да се добие проектот. Таков проект може да добие секој кој е заинтересиран за градба во било кој дел на Македонија“, рече Мисајловски.
Министерот смета дека со реализирањето на проектот „Субвенционирање на проекти за изградба на типски куќи”, владата не им конкурира на проектантските куќи, бидејќи очекува преоктите да ги користат оние граѓани кои немаат доволно пари, а сакаат да градат куќа.
Секој граѓанин кој ќе избере еден од проектите може да направи корекции на проектот. Мисајловски најави дека проектот и продолжи и ќе се прошири, бидејќи голема е заинтересираноста на граѓаните за него./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 32.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.