Општество
Почнува Светската недела на детето под мотото ‘Сите деца со исти права! За подобро утре!’
По повод Светската недела на детето, Коалицијата на младински организации СЕГА од понеделникот 5-ти до 11-ти октомври ќе реализираат повеќе локални акции создадени од четириесет и две деца од различни националности од Прилеп, Тетово, Теарце, Струмица, Куманово и Кавадарци.
Овие деца беа дел од вториот Летен камп 2015 во Струга, во рамките на проектот „Промоција на детски права и интеркултурна комуникација”. Заедничкото живеење, активностите и интеркултурната размена кои беа дел од кампот имаа за цел да обезбедат квалитетно интеркултурно искуство на децата и исто така да ги научат начините и методи со кои можат да ги промовираат детските права и интеркултурната комуникација. Активностите кои ќе се спроведуваат се дел од кампањата „Сите деца со исти права! За подобро утре!“
Овие активности се организираат во состав на проектот „Промовирање на детските права и интеркултурната комуникација“, кој го имплементираат во партнерство, Коалицијата на младински организации СЕГА, Совет за превенција од малолетничка деликвенција (СППМД) – Кавадарци, Македонскиот центар за граѓанско образование (МЦГО) – Скопје, Мајка – Куманово, и Центар за едукација и развој – Теарце, а со поддршка на Детската фондација „Песталоци“.
Распоред на локални акции дел од кампањата, „Сите деца со исти права! За подобро утре!“
Скопје 05 октомври – Инфо Ден, Плоштад „8ми Април“, Шуто Оризари, 13 00 15 00ч.
07 и 08 Октомври – Врснички Едукативни Работилници за правата на децата и интеркултурната комуникација, ООУ „Браќа Рамиз и Хамид“ и ООУ „26 Јули“ 12 00 – 14 30ч10 Октомври Ревијален интеркултурен натпревар – Спортски Центар наспроти Општина Шуто Оризари, 13 00- 14 0010 Октомври Интеркултурен настан за учесниците од фудбалскиот натпревар 14 00 – 17 00ч. Пицерија Сенада
Куманово05 Октомври Врснички Едукативни Работилници за правата на децата и интеркултурната комуникација – 12 часот, ОСТУ „ Наце Буѓони“;06 Октомври Врснички Едукативни Работилници за правата на децата и интеркултурната комуникација – 12 часот, Гимназија „Гоце Делчев“07 Октомври, Врснички Едукативни Работилници за правата на децата и интеркултурната комуникација – 12 часот, ОСУ „ Перо Наков“;08 Октомври – Спортски натпревар, ОСТУ „Наце Буѓони“,12 часот,09 Октомври – Настан: „Сите деца со исти права за подобро утре“ , 12ч Градски Плоштад, Куманово
Тетово05 Октомври – ИНФО ден, пред Дом на Култура – Тетово,11 00 – 15 0006 Октомври – Ликовна Изложба и флеш моб, пред Дом на Култура, 12 00- 15 0007 Октомври – Посета на Центарот за деца со посебни потреби, 13 00 – 15 0009 Октомври – Турнир во Одбојка – Спортска сала – СОУ Кирил Пејчиновиќ – 12 00
Прилеп05 Октомври – Инфо Ден –ООУ Климент Охридски, 09 0006 Октомври – Посета на Црква и интервју со претставник, од страна на тимот на деца – 09 00ч.07 Октомври – Посета на Џамија и интервју со претставник ,од страна на тимот на деца – 09 00ч08 Октомври – Посета на старски дом и интервју со стари лица, од страна на тимот на деца -09 00ч09 Октомври – Главен настан Промоција на Видео „Сите деца со исти права, за подобро утре“ –ООУ Климент Охридски – 13 00ч
Кавадарци05 Октомври Посета на “Мал Групен Дом” и одржување на работилница на тема детските права и интеркултурна комуникација – 12 00ч06 Октомври Посета на Специјалната паралелка при Основното училиште Страшо Пинџур Кавадарци -11 часот07 Октомври Флеш Моб – Главен плоштад, 13 00ч.08 Октомври „Драмска претстава“-12 00ч младинскиот клуб на СППМД, (Младински информативен Центар Кавадарци)09 Октомври Работилница на тема детски права и интеркултурна комуникација – 12 00ч. младинскиот клуб на СППМД (Младински информативен Центар Кавадарци)11 Октомври Пикнинк во Градскиот парк во Кавадарци и одржување на работилница за ликовни творби на тема детски права и интеркултурна комуникација – 12 00ч./крај/мф/сп
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Годишен извештај на Народниот правобранител: Помалку претставки од граѓаните за работата на јавните обвинителства
Во извештајната 2023 година, во областа која се однесува на работата и постапувањето на обвинителствата во Република Северна Македонија поднесени се 63 претставки што е за 24 помалку во однос на 2022 година, се констатира во Годишниот извештај за степенот на обезбедувањето почитување, унапредување и заштита на човековите слободи и права во 2023 година што го објавува Народниот правобранител на Република Северна Македонија.
Согласно објавените податоци, бројот на претставки на граѓаните на годишно ниво се намалил за повеќе од 38%, што претставува резултат на заложбите на Јавното обвинителство за зголемување на ефикасноста на постапките и континуираните напори за подобрување на довербата на граѓаните во работата на јавните обвинителства.
Во најголем број од претставките граѓаните бараа интервенција во врска со постапки пред основните јавни обвинителства (51), потоа пред Основното јавно обвинителството за организиран криминал и корупција (4), постапка пред Јавното обвинителство на РСМ (3), пред вишите јавни обвинителства (2), друго (2) и една претставка се однесуваше за постапка пред Совет на јавни обвинители. Ваквиот сооднос е очекуван со оглед на обемот на предметна работа и фактот што токму јавните обвинителства со основна надлежност го прават првиот директен контакт на граѓаните со институцијата.
Доколку се има предвид вкупниот обем на работа на јавните обвинителства кои активно постапуваат по поднесени кривични пријави за над 40.000 сторители на кривични дела во текот на годината, поднесените 63 претставки до Народниот правобранител претставуваат околу 0,1% од таа бројка. Притоа, граѓаните во посочените предмети изразувале незадоволство поради непостапување по поднесена пријава на кривично дело, одолжување на постапката или поради незадоволство од донесена одлука. Од тие причини Народниот правобранител, меѓу останатите препораки во извештајот, во делот на Јавното обвинителство препорачува основните јавни обвинителства да ги доставуваат јавнообвинителските одлуки до странките и да им се овозможи правото да ги обжалат до повисоките јавни обвинителства, да постапуваат поажурно и навремено да преземаат дејствија, да го почитуваат рокот од 3 месеци доколку не донесат јавнообвинителска одлука да го известуваат повисокиот јавен обвинител и пријавителот, за да нема сомневање и страв дека гонењето ќе застари.
Сите овие забелешки Јавното обвинителство ги зема предвид, детално ги анализира и ќе продолжи да презема активности за дополнително зголемување на ефикасноста, на транспарентноста и на отчетноста за постапките што ги води. Ваквите заложби на Јавното обвинителство се веќе воспоставен начин на работа при што уште во извештајот за 2022 година омбудсманот констатираше дека за разлика од претходните години, сега јавните обвинителства, особено издвојувајќи ги Основното јавно обвинителство Скопје и Основно јавно обвинителство за гонење на организиран криминал и корупција, постапуваат по барањата на Народниот правобранител, даваат суштински и целосни одговори за бараните информации од постапките, се вели во соопштението од Јавното обвинителство.
Македонија
Денеска со зајдисонце за муслиманите започнува месецот Рамазан
Денеска со зајдисонце за муслиманите започнува месецот Рамазан, при што се поттикнуваат добри дела, молитви и читање Куран чие објавување започна токму во месецот Рамазан пред повеќе од 1.400 години.
Рамазан е деветтиот месец од муслиманскиот лунарен календар, благословен и свет месец во кој верниците од исламска вероисповед ширум светот постат во текот на дневните часови.
Целта е да се излезе од Рамазан подобар, поздрав, со простени гревови.
Првиот ден на постот е во понеделник на 11 март, а последниот на 9 април.
Рамазан е месец на прочистување на духот, умот и телото во кој муслиманите се откажуваат од храна, пијалок и други телесни задоволства, не прават неморални дела и избегнуваат гнев.
Добротворноста е многу важен дел од исламот и уште поважно е за време на Рамазан кога муслиманите се потсетуваат на великодушноста и ги зголемуваат своите добротворни активности.
Секоја година, Рамазан започнува 10 до 12 дена порано бидејќи исламскиот календар е всушност лунарен хиџри календар каде месеците имаат 29 или 30 дена.
Бидејќи лунарната година е пократка од сончевата година за 11 дена, во 2030 година ќе има два Рамазани – првиот ќе започне на 5 јануари, а вториот на 26 декември.
Постот завршува со Бајрам.
Македонија
Народната банка со поддршка за борбата против семејното насилство
Вработените во Народната банка организираа хуманитарна акција, преку која изразија поддршка за борбата против семејното насилство. Донацијата на вработените за „Кризниот центар за згрижување на жени жртви на семејно насилство-Надеж“, кој 20 години нуди поддршка и помош на жените кои поминуваат низ тешки животни искуства, ја врачија гувернерката на Народната банка, Анита Ангеловска-Бежоска, вицегувернерката Ана Митреска и претставници на Синдикатот на вработените во Народната банка.
При посетата на Кризниот центар, тимот на Народната банка се запозна со предизвиците со кои се соочува здружението и активностите кои ги преземаат за помош и поддршка на жените жртви на насилство. На средбата беше истакната потребата од понатамошно јакнење на свеста на сите општествени чинители за предизвиците со кои се соочуваат овие жени и долгиот процес и улогата на општеството во нивната рехабилитација.
„Потребата од натамошно подобрување на состојбите треба да е и причина да размислиме што и каде може да се унапреди за да се направат промени. Треба да посветиме должно внимание и да упатиме гласни пораки дека со економско зајакнување, жените жртви на семејно насилство многу полесно ќе го прекинат кругот на насилство и помалку ќе бидат жртви. Потребна е многу поголема сензибилност во однос на пристапот до работа на оваа ранлива категорија на жени. Тоа подразбира креирање мерки за нивно вработување, врз основа на реалните потреби на жените, или нивна стручна преквалификација, доквалификација што ќе придонесе за нивно интегрирање и задржување на пазарот на трудот“, истакна гувернерката Ангеловска-Бежоска, при посетата на Здружението „Кризен центар за згрижување на жени жртви на семејно насилство-Надеж“.