Македонија
И претседателот на Советот на обвинители против формирање Специјален суд
И претседателот на Советот на јавни обвинители, Петар Аневски, исто како и претседателот на Советот на судскиот совет, Бранко Ушковски, е против формирање Специјален суд во Македонија. Тој има целосна доверба во судството.
„Нема потреба од формирање Специјален суд, тоа ќе биде спротивно на Уставот и Законот за судовите“, рече Аневски.Тој конкретно не ја коментираше одлуката на Кривичниот суд кој ги одби барањата за притвор за осомничените во случајот „Титаник“, но рече дека Судот одлучува законски.„Мислам дека судот одлучува законски, не сум запознаен со деталите на нивните предлози, но имам целосна доверба во судството“, додаде Аневски. Обвинителките за кои Советот одлучи дека Специјалното јавно обвинителство ги отпуштило незаконски, најверојатно ќе бидат вратени во обвинителствата од каде што дошле.Како и претходно, Аневски на свечената церемонија на доделувањето на уверенијата на петтата генерација кандидати за судии и јавни обвинители во Академијата за судии и јавни обвинители, се пожали дека Обвинителството се соочува со недостиг од кадар.Според него, недостигаат 60 јавни обвинители во републичкото, вишите и основните јавни обвинителства. Советот подоцна во среда има седница на која расправа за објавување на огласи за пополнување на испразнетите места на јавни обвинители. Од вкупно 13 завршени кандидати на Академијата за судии и јавни обвинители, осум завршиле за обвинители и според Аневски, тие веднаш ќе бидат распределени во обвинителствата каде недостига кадар. Поради недостигот од кадар во судовите и обвинителствата во декември беше направена измена на Законот за академија на судии и јавни обвинители и една година на овие места ќе се примаат и стручни соработници од судската, обвинителската и адвокатската професија, за да се пополнат испразнетите места. за следната генерација на Академијата се пријавиле 64 кандидати од кои 30 ќе бидат селектирани.Кандидатката со најдобар просек на Академијата, Вероника Станоевска смета дека Академијата ги подготвува своите кадри за притисоците коишто ги очекуваат. „Поминавме долг пат, вложивме голем труд, очекувам нашите дејствија и одлуки да зборуваат погласно“, изјави Станоевска./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска: Како никој не се сети да им каже во ЕУ дека самите во член 4 гарантираат немешање во внатрешните работи и почитување на уставните структури
Како може некому да ветите дека ќе го смените Уставот, кога Уставот може да го сменат само пратениците во Уставот. Како знаете, дека вие можете однапред да ветите нешто што не е ваша надлежност?, му порача кандидатката за претседателка од ВМРО-ДПМНЕ, Гордана Силјановска-Давкова на нејзиниот опонент Стево Пендаровски во телевизиско соочување вечерва.
„Деновиве Макрон даде изјава дека ЕУ не е само територија, туку е концепција на човештвото и правото. Е, од тоа тргнувам и јас кога размилувам за ЕУ. За нејзините темелни вредности и принципи без кои таа не е политине заедница туку е само машинерија. Значи таа не е догма. Што ќе направам јас? Најпрво ќе направам регионални чекори. Штом ќе завршат изборите јас сакам да разговарам со моите соседи и заради регионалната политика и заради очекуваната поддршка од нив. Сакам да објаснам дека и кога има една преговарачка рамка не е логична заканата со вето. И дека може, дури и кога преговарачката рамка е ваква, низ интерпретација поинаква да се примени. Од типот, ако вие речете дека нема да употребувате вето за идентитески прашања, за историските дилеми и слично, протоколите, туку за Копенхагенските критериуми, јас ќе бидам сосема согласна. Значи, мислам дека е време кога ќе се смени власта, да чуе што мислиме и ние. Оти тоа е дијалогот што е нужен за добрососедски односи. Ако некој не го кажувал и ова досега, веројатно и тогаш било се во нивни раце“, рече Силјановска-Давкова.
Понатаму, како што додаде, како никој не се сетил да им каже на оние од Советот и од Европската комисија и сите останати со тоа се рушат темелните вредности на ЕУ? Бидејќи ЕУ гарантира во членот 4 почитување на уставните и политичките структури, немешање во внатрешните работи, почитување на дигнитет и интегритет, различности, неставање на билатерални спорови во рамката. Ако тоа не го кажете, вие ќе останете на прагматичните решенија.
Доаде и дека ниту еден од темелите на кои почивала програмата на Пендаровски во 2019 година не останале. Сите се урнале и ништо не е остварено.
Македонија
СДСМ за Димитриевски: Ароганција е кога човек-партија одработува против своите довчерашни сопартијци
Ароганција е кога човек-партија одработува против своите довчерашни сопартијци и во тоа нема ништо социјалдемократски ниту вредносно туку единствено и само личен интерес, реагира СДСМ по обвинувањата кои ги упати Максим Димитриевски од ЗНАМ, дека дозволиле отварање на бугарски клубови во Македонија и нивната ароганција е ненадминлива.
„За тоа кој ги отвораше клубовите со имиња како Ванчо Михајлов адресата е Белиот дворец на ДПМНЕ. Многу позната адреса каде ЗНАМ ги договара идните чекори за соработка заедно со поддршката на Гордана Силјановска Давкова.
Освен сликите на Ванчо Михајлов по штабовите на ДПМНЕ доволно говорат сликите на Мицкоски со основачите на тие клубови по манастирите низ државава за кои не слушнавме ниту збор од ЗНАМ.
Дали е тоа поради враќање на стари долгови за локалните избори 2021 година во Куманово или нови долгови јавноста ќе види многу скоро“, се вели во реакцијата на СДСМ.
Македонија
Утревечер и во петок нестабилно време со пороен дожд и грмежи
Времето утре ќе биде променливо облачно.
Од пладневните часови на повеќе места ќе биде нестабилно со пороен дожд и грмежи, локално во форма на краткотрајно невреме со засилен ветер и услови за изолирана појава на град. Услови за пороен дожд ќе има во текот на ноќта. Минималната температура ќе биде во интервал од 6 до 12, а максималната ќе достигне од 18 до 25 степени.
Во Скопје променливо облачно. Од пладневните часови во делови од котлината ќе биде нестабилно со пороен дожд, грмежи, засилен ветер и услови за изолирана појава на краткотрајно невреме. Минималната температура ќе се спушти до 12, а максималната ќе достигне до 23 степени, јавува УХМР.
Во наредните денови, следува период на променливо облачно време со повремени локални врнежи од дожд. Утре, во ноќта кон петок и во петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град.
Дневната температура од утре до сабота ќе биде во постепено опаѓање, а во недела ќе се покачи за 2 до 4 степени..