Забава
Рим одбележа 2767 години од формирањето
Илјадници луѓе, повеќето туристи учествуваа во понеделникот во одбележувањето на 2767-годишнината од формирањето на градот Рим, кој, според преданието на 21-ви април 753 година пред Христа го основал Ромул.
Најмногу од настаните за одбележувањето на годишнината традиционално се одвиваа на сега една од најпосетените римски туристички дестинации Циркус Максимус (лат Circus Maximus) и околу римскиот Колосеум кои беа преплавени со костимирани актери – гладијатори, коњаници, млади римјанки во црвените тоги со цветови во косите, оживувајќи ги сцените, обичаите и традицијата на древниот Рим.
Со пораката „Уживајте во Рим”, присутните и поздрави римскиот градоначалник Ингацио Марино, кој и самиот учествуваше во прославата. Во организација на културното здружение под називот Римска културна група, се одржа голема историска поворка која трган од Циркус Максимус, во којашто учествуваа 1.600 луѓе до цела Европа.
Традиционалната прослава се базира на легендата којашто го опишува настанувањето на Вечниот рад. Според неа, весталската девица Реа Силвија на богот Марс му ги родила близнаците Ромул и Рем, а кралот на Алба Лонга – Амулија веднаш ги фрлил во реката Тибар за во иднина според преданието да не му го земат престолот. Меѓутоа, близнаците во подножјето на Палатино, еден од седумте римски ридови, ги пронашла волчица која ги одгледала. Ромул и Рем потоа ги пронашла овчарот Фаустил кој ги подигнал и образувал. Кога пораснале, на Палатино одлучиле да формираат градот. Меѓутоа, почнале да се караат околу тоа кој од нив ќе владее со градо па во квагата Ромул го убил брата си. Градот потоа го основал 21-ви април 73 година пред Христа, и го нарекол по себеси.
Неодамна експертите пронајдоа докази кои фрлаат нова светлина на историјата на Вечниот град. Археолозите кои работеа на ископините во римскиот Форум открија камен ѕид од делови од керамика кои стотина години им претходат на близнаците Ромул и Рем. Потекло на керамичките предмети и камениот ѕид ги одредија хронолошки меѓи IX и почетокот од VIII век пред Христа./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.